សមត្ថកិច្ច​ជំនាញ​ កំពុង​ធ្វើ​ការ​ស្រាវជ្រាវ​រក​ឃាតក​បាញ់​សម្លាប់​នាយរង​ការិយាល័យ​ព្រហ្មទណ្ឌ​កម្រិតស្រាល​កាល​ពី​យប់​មិញ​
Connect with us
Helistar Cambodia - Helicopter Charter Services

ព័ត៌មានជាតិ

សមត្ថកិច្ច​ជំនាញ​ កំពុង​ធ្វើ​ការ​ស្រាវជ្រាវ​រក​ឃាតក​បាញ់​សម្លាប់​នាយរង​ការិយាល័យ​ព្រហ្មទណ្ឌ​កម្រិតស្រាល​កាល​ពី​យប់​មិញ​

Published

on

ភ្នំពេញ ៖ កម្លាំង​នគរបាលជំនាញ​កំពុង​ធ្វើ​ការ​ស្រាវ​ជ្រាវ​រក​យ៉ាង​យក​ចិត្តទុក​ដាក់ ​ដើម្បីចាប់​ខ្លួន​ជនដៃ​ដល់​ករណី​បាញ់​ប្រហារ​ លោក​នាយរង​ការិយាល័យ​ព្រហ្មទណ្ឌ​កាល​ពី​យប់​មិញ​វេលា​ម៉ោង​២២និង៤៦នាទី ​នេះ​បើ​តាម​ទំព័រហ្វេសបុក​នាយកដ្ឋាន​នគរបាលព្រហ្មទណ្ឌ​នៃ​អគ្គស្នងការដ្ឋាន​នគរបាលជាតិ ​ក្រសួង​មហាផ្ទៃ​។

ក្នុង​នោះ​ប្រភព​ ក៏​បាន​បញ្ជាក់ផងដែរ​ថា រូប​ភាព​បុរស​ម្នាក់​ដែល​ត្រូវ​បាន​គេចែក​ចាយ​ក្នុង​បណ្ដាញ​សង្គម​គឺ​មិនមែន​ជា​ជន​ដៃ​ដល់​បាញ់​មន្ត្រី​នគរបាល​នោះ​ទេ។ បុរស​ខាងលើ​គឺ​ជាម្ចាស់​ផ្ទះ​ដែល​សមត្ថកិច្ច​រក​ឃើញ​ឡាន​របស់​ក្រុម​ជនសង្ស័យ​ ហើយ​ត្រូវ​បាន​ហៅ​ទៅ​សួរ​នាំ​តែប៉ុណ្ណោះ​។

រូបភាពបុរសម្ចាស់ផ្ទះ មិនជាប់ពាក់ព័ន្ធករណីបាញ់ប្រហារទេ

សូម​រំលឹក​ផងដែរ​ថា កាល​ពី​យប់​ថ្ងៃទី​២៩ ខែធ្នូ ឆ្នាំ​២០២០ វេលា​ម៉ោង​២២​និង​៤៦​នាទី ជនរងគ្រោះ​ឈ្មោះ រ៉េត ស៊ីណែត ជា​នា​យ​រង​ការិយាល័យព្រហ្ម​ទណ្ឌក​ម្រិត​ស្រាល នៃ​ស្នងការ​នគរបាលរាជធានីភ្នំពេញ និង​ឈ្មោះ ង៉ាន់ ភី​លីន ភេ​ទ​ប្រុស អាយុ​២៩ឆ្នាំ បាន​ចេញពី​ហូប​ស៊ុបនៅ​ម្ដុំ​វត្តភ្នំ ដោយ​បើករថយន្ដ​ម៉ាក FORD RAPTER ពណ៌ស បាក់​ស្លាក​លេខ ភ្នំពេញ2BD 3738 តាម​បណ្ដោយ​មហាវិថី​សហព័ន្ធរុស្ស៊ី​ពី​កើតមក​លិច។

ពេល​មក​ដល់​ចំណុច​កើតហេតុ ក៏​មាន​រថយន្ដ​ម៉ាក​LEXUS RX 300 ពណ៌​ខ្មៅ ពាក់​ស្លាក​លេខ សៀមរាប​2A 4546 បាន​មក​បុក​ពីក្រោយ​បណ្ដាល​ឲ្យ​រង​ការ​ខូច​ខាត​។ ពេលនោះ​ជនរងគ្រោះ បាន​បើករថយន្ដ​មក​បាំង​ពី​មុខ​រថយន្ដ​ជន​បង្ក និង​ដក​កាំភ្លើងខ្លីម៉ាក​GLORCK 19 ភ្ជង់​បំណង​មិន​ឲ្យ​បើក​គេចខ្លួន​។ បន្ទាប់មក​ជនបង្ក​ទាំងពីរ​នាក់​ក៏​ចុះ​មក​ចរចា​ជាមួយ​ជនរងគ្រោះ ដោយ​ព្រម​យក​រថយន្ដ​របស់​ជ​ន​រងគ្រោះ​ទៅ​ជួស​ជុល​នៅ​ម្ដុំ​ក្រោយ​មន្ទីរពេទ្យ​លោកសង្ឃ ហើយក៏​បើក​រ​ថយន្ដ​អែប​កៀន​ទាំង​អស់គ្នា​។ ពេល​ដែល​ជន​រងគ្រោះ​និង​ឈ្មោះ ង៉ាន់ ភី​លីន កំពុង​អង្គុយ​មើល​រថយន្ដ​ដែល​ខូចខាត ស្រាប់តែ​ជនបង្ក​ទាំងពីរ​នាក់​ ដក​អាវុធខ្លី​មិន​ចាំ​ម៉ាក ពណ៌​ទឹកប្រាក់ បាញ់​ជនរងគ្រោះ​ពីក្រោយ​ចំនួន​៤​គ្រាប់ បណ្ដាល​ឲ្យ​ស្លាប់​នៅ​កន្លែង​កើតហេតុ ហើយ​ជន​ដៃដល់​ទាំងពីរ​នាក់​ឡើង​ជិះ​រថយ​ន្ដ​គេចខ្លួនបាត់៕
កែសម្រួលដោយ ៖ នាគព័ន្ធ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង19 mins ago

ឯកឧត្តម ឃួង ស្រេង ផ្ញើសារថ្វាយព្រះពរ សម្តេច ព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងឱកាសទិវានារីអន្តរជាតិ

សេចក្ដីជូនដំណឹង22 mins ago

ឯកឧត្តម អ៉ិត សំហេង ផ្ញើសារថ្វាយព្រះពរ សម្តេច ព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងឱកាសទិវានារីអន្តរជាតិ

ព័ត៌មានអន្ដរជាតិ1 hour ago

កូវីដនៅ ប៉ារ៉ាហ្គាយ កាន់តែធ្ងន់ធ្ងរ ដល់ថ្នាក់អស់ថ្នាំព្យាបាលអ្នកជំងឺ

ព័ត៌មានជាតិ2 hours ago

អ្នកនាំពាក្យ​ស្នងការ​ក្រុង​បដិសេធ​ថា ​មិនទាន់​ទទួល​បាន​ព័ត៌មាន​ពី​ស្នងការ​រងក្រុង​ម្នាក់​ឆ្លង​កូ​វីដ​១៩​នៅឡើយ​ទេ

ព័ត៌មានជាតិ2 hours ago

មន្ត្រី​ព្រួយបារម្ភ​ពី​ការឆ្លង​កូ​វីដ​១៩ ​ខណៈ​ពលរដ្ឋ​កាន់តែ​​សម្រុក​ទៅ​មើល​បាតុភូត​ចម្លែក​ ទឹកធ្លាក់​ពីលើ​មែក​ឈើ

Sokha Hotels

ព័ត៌មានពេញនិយម

Helistar Cambodia - Helicopter Charter Services