ព័ត៌មានជាតិ
សម្ដេចតេជោ បង្ហើបថា អ្នកដែលផ្ដាច់ខ្លួនចេញពីទណ្ឌិត សម រង្ស៊ីនោះ សម្ដេចអាចនឹងពិនិត្យលើកលែងទោស
ជាសារនយោបាយថ្មីមួយនៅថ្ងៃនេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបង្ហើបទៅដល់ក្រុមអតីតមន្ត្រី នៃអតីតគណបក្សសង្រ្គោះជាតិ ដែលកំពុងរត់គេចខ្លួននៅក្រៅប្រទេសថា ប្រសិនបើពួកគាត់ផ្ដាច់ខ្លួនចេញពីលោក សម រង្ស៊ីនោះ សម្ដេច អាចនឹងស្នើសុំព្រះមហាក្សត្រឲ្យលើកលែងទោសពួកគេ។
ពីពិធីសំណេះសំណាល ជាមួយប្រជាពលរដ្ឋជាច្រើនគ្រួសារបន្ថែមទៀត ដែលបានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ស្ថិតក្រោមការគ្រប់គ្រងរបស់អាជ្ញាធរជាតិអប្សរា មករស់នៅតំបន់អភិវឌ្ឍន៍ថ្មី រុនតាឯក នាព្រឹកថ្ងៃទី ២១ ខែតុលានេះ សម្ដេចតេជោ ហ៊ុន សែន បានថ្លែងថា សម្ដេច នឹងផ្ដាច់កម្ចាត់ចោលនូវមនោគមន៍វិជ្ជាជ្រុលនិយម នៃជនក្បត់ជាតិ ៣ជំនាន់ ដែលចង់សំដៅទៅលើលោក សម រង្ស៊ី អតីតមេបក្សប្រឆាំងតែមួយរូបគត់ តាមរយៈវិធីសាស្រ្ដឲ្យអ្នកទាំងឡាយ ដែលនៅក្បែរខ្លួនបុគ្គលនោះ ចាកចេញជាបន្តបន្ទាប់។
ក្នុងនោះដែរ សម្ដេចតេជោ ហ៊ុន សែន ក៏បានបង្ហើបដែរថា សម្ដេច អាចនឹងស្នើសុំទៅព្រះមហាក្សត្រ ឲ្យលើកលែងទោស ចំពោះអតីតមន្ត្រី នៃអតីតគណបក្សប្រឆាំងរូបណា ដែលដកខ្លួនចេញពីបុគ្គល សម រង្ស៊ី នោះ។
សម្ដេចតេជោ ហ៊ុន សែន បានថ្លែងយ៉ាងដូច្នេះថា «ចឹងអ្នកដទៃ បំបែកខ្លួនចេញមកៗ ខ្ញុំអាចនឹងពិនិត្យលើកលែងទោសឲ្យអ្នកឯង តែឲ្យបែកចេញពីអាមួយហ្នឹង សុំពិនិត្យ ព្រោះខ្ញុំមានអំណាចដើម្បីនឹងចុះហត្ថលេខា ស្នើសុំព្រះមហាក្សត្រលើកលែងទោស ក៏ប៉ុន្តែក្នុងលក្ខខ័ណ្ឌដែលអ្នកឯងបំបែកខ្លួនចេញពីអាមួយហ្នឹង ខ្ញុំប្រកាសគោលនយោបាយរបស់ខ្ញុំ»។
សូមជម្រាបថា អតីតមន្ត្រី នៃអតីតគណបក្សសង្រ្គោះជាតិ ដែលកំពុងនៅក្បែរខ្លួនលោក សម រង្ស៊ី និងកំពុងរស់នៅក្រៅប្រទេស គេចចេញពីការអនុវត្តទោសនោះ រួមមាន៖ លោក អេង ឆៃអ៊ាង, លោកស្រី មូរ សុខហួរ, លោក ហូរ វ៉ាន់, លោក អ៊ូ ច័ន្ទឬទ្ធិ, លោក ម៉ែន សុថាវរិន្ទ, និងលោក ឡុង រី ជាដើម៕
អត្ថបទ៖ ឃួន សុភ័ក្រ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល