ព័ត៌មានជាតិ
គ្រូវិទ្យាល័យសុរាម្រឹតខេត្តកំពង់ឆ្នាំងហួសចិត្តរឿងក្រសួងចាត់តាំងមន្ត្រីដែលបានផ្អាកការងារជិត២ឆ្នាំ ធ្វើជាអនុប្រធានមណ្ឌលប្រឡង
គ្រូបង្រៀននៅវិទ្យាល័យព្រះបាទសុរាម្រឹត ខេត្តកំពង់ឆ្នាំងបានបង្ហាញការហួសចិត្ត និងមិនសប្បាយចិត្តចំពោះការចាត់តាំង គណៈមេប្រយោគសម្រាប់ការប្រឡងសញ្ញាបត្រមធ្យមសិក្សាទុយភូមិ ដែលនឹងប្រព្រឹត្តទៅចាប់ពីថ្ងៃទី ០៥ ខែធ្នូ ឆ្នាំ២០២២។
លោកគ្រូអ្នកគ្រូបានលើកឡើងថា លោក អឿ ម៉េងចុង នាយកវិទ្យាល័យព្រះបាទសុរាម្រឹតខេត្តកំពង់ឆ្នាំង ដែលត្រូវបានប្រធានមន្ទីរអប់រំខេត្តផ្អាកភារកិច្ចអស់រយៈពេលជិត២ឆ្នាំមកហើយ ដើម្បីរងចាំការដោះស្រាយភាពមិនប្រក្រតីនៅក្នុងវិទ្យាល័យ បែរជាត្រូវបានចាត់ជាអនុប្រធានមណ្ឌលប្រឡង ខណៈដែលនាយករងដែលខំបំពេញការងារពេញក្នុងមួយឆ្នាំ បានចេញត្រឹមតែគណៈកម្មការកណ្តាល។
រីឯបុគ្គលិកសិក្សាមួយចំនួនក្នុងសាលា ដែលខំបំពេញការងារពេញមួយឆ្នាំ បែរជាមិនមានឈ្មោះក្នុង គណៈមេប្រយោគសម្រាប់ការប្រឡងទៅវិញ។
លោកគ្រូអ្នកគ្រូបានចាត់ទុកថា ទង្វើនេះជាការមើលងាយយ៉ាងខ្លាំងណាស់ ចំពោះអ្នកដែលខំបំពេញភារកិច្ចយ៉ាងសកម្មពេញមួយឆ្នាំ មិនស្មើនឹងបុគ្គលដែលមិនបានធ្វើការអ្វីសោះ បានចេញជាគណ:កម្មការហើយមានតួនាទីថែមទៀត។ បន្ថែមលើនេះ ក៏ចោទជាសំនួរថា តើថ្នាក់ដឹកនាំមន្ទីរអប់រំខេត្ត ក៏ដូចជា ក្រសួងអប់រំធ្វើរបៀបនេះតើយុត្តិធម៌ទេឬ? រំពឹងថានឹងទទួលបានការបកស្រាយ សមហេតុសមផលពីមន្ទីរក៏ដូចជាក្រសួងអប់រំ។
លោក អឿ ម៉េងចុង ជានាយកវិទ្យាល័យព្រះបាទសុរាម្រឹតខេត្តកំពង់ឆ្នាំង ត្រូវបានផ្អាកការងារអស់រយៈពេលជិត២ឆ្នាំមកហើយ ដើម្បីរងចាំការដោះស្រាយភាពមិនប្រក្រតីនៅក្នុងវិទ្យាល័យ កាលពីឆ្នាំ២០២១។
ពាក្យបណ្តឹង ដែលប្តឹងលោក អឿ ម៉េងចុង ពេលនោះ គឺពាក្យបណ្តឹងរបស់អាណាព្យាបាលសិស្សលើការរៃអង្គាសលុយសិស្សក្នុងម្នាក់៨ម៉ឺនរៀលលើសិស្ស ៥០០នាក់ ដើម្បីបង្រៀនបំប៉នឡើងថ្នាក់ក្នុងសម័យកូវីដ១៩ ដែលល្មើសនឹងបម្រាមអំឡុងពេលមានការរីករាលដាលកូវីដ១៩។
រីឯពាក្យបណ្តឹងមួយទៀត គឺពាក្យបណ្តឹងរបស់លោកគ្រូអ្នកគ្រូប្តឹងពីភាពមិនប្រក្រតីក្នុងអង្គភាពពីការប្រើតួនាទីជានាយកប្រព្រឹត្តខុសលើការដឹកនាំ៕
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២១ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ