ព័ត៌មានជាតិ
លោកជំទាវ ឱ វណ្ណឌីន ជំរុញឲ្យអាជ្ញាធរ ខេត្តប៉ៃលិន ប្រុងប្រយ័ត្នចំពោះអ្នកដំណើរ ទើបត្រឡប់ពីក្រៅប្រទេស
ក្នុងជំនួបពិភាក្សាការងារជាមួយរដ្ឋបាលខេត្តប៉ៃលិន នាព្រឹកថ្ងៃទី១២ ខែមករា ឆ្នាំ២០២១ នៅសាលប្រជុំអក្សរ U លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្សក្រសួងសុខាភិបាល បានជំរុញដល់អាជ្ញាធរខេត្ត ប៉ៃលិន និងមន្ត្រីសុខាភិបាលខេត្ត ឱ្យយកចិត្តទុកដាក់ខ្ពស់ការធ្វើចត្តាឡីស័ក ដល់ប្រជាពលរដ្ឋខ្មែរ ដែលទើបត្រឡប់មកពីប្រទេសថៃ។
ការជំរុញបែបនេះ បានធ្វើឡើងក្នុងឱកាសដែលលោកស្រីអញ្ជើញជាតំណាងរដ្ឋមន្ត្រីក្រសួងសុខាភិបាល រួមជាមួយតំណាងអង្គការសុខភាពពិភពលោកប្រចាំកម្ពុជា ដឹកនាំក្រុមការងារ ជួបសំណេះសំណាលជាមួយលោកស្រី បាន ស្រីមុំ អភិបាលខេត្តប៉ៃលិន និងសំណេះសំណាល ជាមួយថ្នាក់ដឹកនាំមន្ទីរសុខាភិបាលខេត្ត។
លោកជំទាវ ឱ វណ្ណឌីន បានអររគុណចំពោះអាជ្ញាធរខេត្តប៉ៃលិន ដែលបានយកចិត្តទុកដាក់ខ្ពស់ទប់ស្កាត់ជំងឺកូវីដ-១៩នេះ ដែលរហូតមកដល់ថ្ងៃនេះ ក្នុងខេត្តទាំងមូល មិនទាន់មាននណាម្នាក់ឆ្លងជំងឺកូវីដ-១៩ បន្តទៀតនោះឡើយ ហើយក៏មិនទាន់មានការបារម្ភខ្លាំងដែរ តែត្រូវគិតទៅមុខទៀត ពីព្រោះលទ្ធភាពនៃការចម្លង គឺតែងតែមាន ពិសេសអ្នកដំណើរមកពីប្រទេសក្រៅផងដែរ។
លោកជំទាវ ឱ វណ្ណឌីន បានបញ្ជាក់បន្ថែមថា ករណីជំងឺកូវីដ-១៩ ដែលកម្ពុជារកឃើញកន្លងមកសុទ្ធសឹងជាករណីនាំចូល ដូច្នេះត្រូវរួមគ្នាបន្ថែមទៀត ជាពិសេសការត្រួតពិនិត្យទៅលើច្រកចេញចូល ដែលត្រូវតែពង្រឹងបន្ថែមទៀត។ លោកជំទាវក៏បានសំណូមពរ ដល់លោកស្រីអភិបាលខេត្ត ឲ្យពង្រឹងការធ្វើចត្តាឡីស័ក ហើយការធ្វើចត្តាឡីស័ក គឺមានសារៈសំខាន់ណាស់ ជាពិសេសត្រូវទប់ស្កាត់ ឲ្យបានចំពោះការរីករាលដាល់ជំងឺកូវីដ-១៩ ក្នុងនោះត្រូវអនុវត្តន៍នូវការរុករកអ្នកប៉ះពាល់ និងអ្នកដែលសង្ស័យមានជំងឺកូវីដ១៩ ឲ្យមកធ្វើចត្តាឡីស័ក ឲ្យបានគ្រប់១៤ថ្ងៃផងដែរ។
លោកស្រី បាន ស្រីមុំ អភិបាលខេត្តប៉ៃលិន បានថ្លែងអំណរគុណ ដល់លោកស្រី ឱ វណ្ណឌីន ដែលបានឆ្លៀតពេលដ៏មមាញឹក ចុះមកបំពេញភារកិច្ច ក្នុងខេត្តប៉ៃលិន ក្នុងនោះលោកស្រីអភិបាលខេត្ត បានជម្រាបជូនលោកស្រីរដ្ឋលេខាធិការ ពីការខិតខំប្រឹងប្រែង ចូលរួមរវាងអាជ្ញាធរខេត្ត ក្រុង/ស្រុក និងមន្ទីរសុខាភិបាលខេត្ត កងកម្លាំងប្រដាប់អាវុធទាំង៣ប្រភេទ ក្នុងការចូលរួមទប់ស្កាត់ការឆ្លងជំងឺកូវីដ-១៩ បានយ៉ាងល្អផងដែរ៕
អត្ថបទ ៖ សេងសុវណ្ណារិទ្ធ
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម