ព័ត៌មានជាតិ
ប៊ែលធី គ្រុប ប្រារព្ធពិធីអបអរសាទរបុណ្យចូលឆ្នាំថ្មី និងពិសាអាហារសាមគ្គីជាមួយបុគ្គលិកប្រមាណជាង ៣,៣០០នាក់ នៅសាកលវិទ្យាល័យ ប៊ែលធី អន្តរជាតិទី២ (ស្ពានអាកាសចោមចៅ)
នារសៀលថ្ងៃទី១២ ខែមេសា ឆ្នាំ២០២៣ ប៊ែលធី គ្រុប បានប្រារព្ធពិធីអបអរសារទរបុណ្យចូលឆ្នាំថ្មី ប្រពៃណីជាតិ ឆ្នាំថោះ បញ្ចស័ក ព.ស.២៥៦៧ និងពិសាអាហារសាមគ្គីរបស់ក្រុមគ្រួសារប៊ែលធី ជូនគណៈគ្រប់គ្រង បុគ្គលិក សាស្ត្រាចារ្យ និងលោកគ្រូ-អ្នកគ្រូ សរុបប្រមាណជាង ៣,៣០០នាក់ ក្រោមអធិបតីភាព លោកបណ្ឌិត លី ឆេង តំណាងរាស្ត្រមណ្ឌលភ្នំពេញ ស្ថាបនិកនិងជាអគ្គនាយក ប៊ែលធី គ្រុប និង លោកជំទាវ នៅសាកលវិទ្យាល័យ ប៊ែលធី អន្តរជាតិទី២ (ស្ពានអាកាសចោមចៅ)។

ក្នុងឱកាសនោះ លោកបណ្ឌិត លី ឆេង បានថ្លែងអំណរគុណ និងកោតសរសើរចំពោះ គណៈគ្រប់គ្រង បុគ្គលិក សាស្ត្រាចារ្យ និងលោកគ្រូ-អ្នកគ្រូគ្រប់ផ្នែកទាំងអស់នៃប៊ែលធី គ្រុប ដែលបានខិតខំប្រឹងប្រែងយកអស់ កម្លាំងចិត្ត កម្លាំងកាយ ក្នុងការបំពេញតួនាទី ភារកិច្ច និងការទទួលខុសត្រូវរបស់ខ្លួន រយៈពេលពេញ ១ឆ្នាំ ទាំងផ្នែកប៊ែលធីសំណង់ ប៊ែលធីទេសចរណ៍ និងប៊ែលធីអប់រំ ដែលធ្វើឱ្យប៊ែលធី មានការរីកចម្រើនជាបន្តបន្ទាប់។

លោកបណ្ឌិត បានឱ្យដឹងថា ប៊ែលធីអប់រំ ចែកចេញជា ៤ រួមមាន៖
១-សាលា ប៊ែលធី អន្តរជាតិ៖ បច្ចុប្បន្នមាន ២៦ទីតាំង (២៤សាខាកំពុងដំណើរការ និង ២សាខាកំពុងសាងសង់) មានសិស្សកំពុងសិក្សាចំនួន ៦០,៥៥៩នាក់ មានកម្មវិធីសិក្សា ៥ធំៗ គឺ៖ ១-ចំណេះទូទៅ មានពីថ្នាក់ត្រៀម, ថ្នាក់ទី១ – ១២, ២-ភាសាអង់គ្លេសទូទៅ (ESL Program) មានពីថ្នាក់ត្រៀម, Level 1 – 12, ៣-កម្មវិធីអភិវឌ្ឍបញ្ញា IMA ជួយបង្កើនល្បឿននៃការគិតលេខ និងអភិវឌ្ឍខួរក្បាលរបស់កុមារឱ្យមានភាពវ័យឆ្លាត ស្ទាត់ជំនាញ និងឆាប់រហ័ស, ៤-វគ្គបណ្តុះបណ្តាលកុំព្យូទ័រ និង ៥-ថ្នាក់ត្រៀមប្រឡងតេស្តអន្តរជាតិ

២-សាកលវិទ្យាល័យ ប៊ែលធី អន្តរជាតិ៖ បច្ចុប្បន្នមាន ២ទីតាំង (ទីតាំងទី១ ទួលស្លែង និង ទីតាំងទី២ ស្ពានអាកាសចោមចៅ) មាននិស្សិតកំពុងសិក្សាចំនួន ៥,១២៤នាក់ ដែលមានកម្មវិធីសិក្សាជាភាសាជាតិ និងអន្តរជាតិ និងមានកម្រិតសិក្សា៥ធំៗ៖ ១-ថ្នាក់បំប៉នភាសាអង់គ្លេសនិងកុំព្យូទ័រ, ២-បរិញ្ញាបត្ររង, ៣-បរិញ្ញាបត្រ, ៤-បរិញ្ញាបត្រជាន់ខ្ពស់ និង ៥-ថ្នាក់បណ្ឌិត។ សាកលវិទ្យាល័យ មាន ១២មហាវិទ្យាល័យ ៤២ជំនាញ ក្នុងនោះ៖ ១-មហាវិទ្យាល័យគ្រប់គ្រងពាណិជ្ជកម្ម, ២-ហិរញ្ញវត្ថុ និងធនាគារ, ៣-សេដ្ឋកិច្ច, ៤-ច្បាប់, ៥-អប់រំ សិល្បៈ និងមនុស្សសាស្ត្រ, ៦-ទេសចរណ៍និងបដិសណ្ឋារកិច្ច, ៧-ព័ត៌មានវិទ្យានិងវិទ្យាសាស្ត្រ, ៨-បច្ចេកវិទ្យាឌីជីថលនិងទូរគមនាគមន៍,៩-វិស្វកម្ម, ១០-ស្ថាបត្យកម្ម, ១១-ទំនាក់ទំនងអន្តរជាតិ និង ១២-អាកាសចរស៊ីវិល។

៣-ប៊ែលធីទំនាក់ទំនងអន្តរជាតិ មានបម្រើសេវាកម្ម ធំៗ ៥គឺ៖ ១-បញ្ជូនសិស្ស-និស្សិតឆ្នើម ឬនិទ្ទេស A ប៊ែលធី ដែលមានសមត្ថភាព និងលទ្ធភាពគ្រប់គ្រាន់អាចទទួលបានអាហារូបករណ៍ឧកញ៉ា លី ឆេង ទៅសិក្សានៅសាកលវិទ្យាល័យជាដៃគូនៅក្រៅប្រទេស, ២-បញ្ជូនសិស្ស-និស្សិតទូទាំងប្រទេសដែលមានលទ្ធភាពបង់ថ្លៃសិក្សាទៅសិក្សានៅក្រៅប្រទេស, ៣-រៀបចំសិស្ស-និស្សិតធ្វើទស្សនកិច្ចសិក្សាក្នុងនិងក្រៅប្រទេស, ៤-រៀបចំកម្មវិធីផ្លាស់ប្តូរសិស្ស-និស្សិតនិងចុះកម្មសិក្សាជុំវិញពិភពលោក និង៥-រៀបចំឯកសារស្នើសុំទិដ្ឋាការនិងប្រឹក្សាយោបល់ទៅសិក្សាក្នុងនិងក្រៅប្រទេស

៤-មជ្ឈមណ្ឌលតេស្តអន្តរជាតិ ប៊ែលធី៖ មានតេស្តអន្តរជាតិសំខាន់ៗដូចជា ១-អាយអិល (IELTS), ២-ថូហ្វល (TOEFL), ៣-ជីអអ៊ី (GRE) និង ៤-SIMCC (ស៊ីមប៉ុក)។
ជាទីបញ្ចប់ លោកបណ្ឌិត លី ឆេង និងលោកជំទាវ បានជូនពរដល់បុគ្គលិកទាំងអស់ ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ដែលនឹងចូលមកដល់ខាងមុននេះ ព្រមទាំងបានអញ្ជើញចូលរួមរាំលេងកម្សាន្ត និងចាប់ឆ្នោតផ្សងសំណាង ជូនបុគ្គលិកទាំងអស់ផងដែរ៕














-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១១ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ