Connect with us

ព័ត៌មានជាតិ

ណាហ្គាវើលដ៍បេះដូងសប្បុរស ចូលរួមលើកកម្ពស់ និងផ្សព្វផ្សាយស្មារតី នៃព្រឹត្តិការណ៍កីឡាអាស៊ីអាគ្នេយ៍ និងអាស៊ានប៉ារ៉ាហ្គេម

បានផុស

នៅ

ណាហ្គាវើលដ៍​បេះដូង​សប្បុរស (NagaWorld Kind Hearts) ដែល​ជា​ផ្នែក​ការងារ​សង្គម​របស់​ក្រុមហ៊ុន​ណាហ្គាវើលដ៍ បាន​បន្ត​ការ​ប្ដេជ្ញា​ចិត្ត​ផ្សារភ្ជាប់​ជាមួយ​សហគមន៍ ដោយ​នាំ​កុមារ​មកពី​អង្គការ​ក្រៅ​រដ្ឋាភិបាល​ចំនួន ៥ មក​ទស្សនកិច្ច និង​សិក្សា​ស្វែងយល់​អំពី​ការ​តុបតែង​លម្អ​បែប​កីឡា​អាស៊ីអាគ្នេយ៍​នៅ​សួនច្បារ​សម្ដេច​តេ​ជោ ហ៊ុន សែន នៅ​ថ្ងៃ​ទី ១២ ខែ​ឧសភា កាលពី​ពេល​ថ្មីៗនេះ។ គំនិត​ផ្ដួចផ្ដើម​នេះ មាន​គោលបំណង​លើក​កម្ពស់ និង​ផ្សព្វផ្សាយ​ស្មារតី និង​ការ​យល់ដឹង​បន្ថែម​ដល់​កុមារ​អំពី​ព្រឹត្តិការណ៍​កីឡា​អាស៊ីអាគ្នេយ៍​(ស៊ីហ្គេម​) លើក​ទី ៣២ និង​អាស៊ាន​ប៉ារ៉ាហ្គេម​លើក​ទី ១២ ដែល​ប្រទេស​កម្ពុជា​ធ្វើជា​ម្ចាស់ផ្ទះ។

កុមារថតរូបជុំគ្នាទុកជាអនុស្សាវរីយ៍ មុនពេលត្រឡប់ទៅអង្គការ និងមណ្ឌលវិញ
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បី​ចូលរួម​អបអរ​ព្រឹត្តិការណ៍​ប្រវត្តិសាស្ត្រ​នេះ ណាហ្គា​វើលដ៍ បាន​ធ្វើការ​តុបតែង​លម្អ​សួនច្បារ សម្ដេច​តេ​ជោ ហ៊ុន សែន ជាមួយ​ការ​លម្អ​បែប​ស៊ីហ្គេម និង​អាស៊ាន​ប៉ារ៉ា​ហ្គេម​ដ៏​ស្រស់​ស្អាត រួម​ទាំង​ផ្ទាំង​សម្រាប់​សាធារណជន​អាច​ថតរូប​ដែល​បង្កើត​ជា​បរិយាកាស​ដ៏​ទាក់ទាញ។ ការ​តុបតែង​លម្អ​ដ៏​អស្ចារ្យ​នេះ នឹង​ដាក់​តាំង​បង្ហាញ​រហូតដល់​ថ្ងៃ​ទី ១១ ខែ​មិថុនា។

កុមារឆ្លើយសំណួរ និងឈ្នះរង្វាន់ បន្ទាប់ពីការធ្វើបទបង្ហាញពាក់ព័ន្ធព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម របស់ក្រុមការងារណាហ្គាវើលដ៍បេះដូងសប្បុរស ដែលបានធ្វើឡើងឯសាលប្រជុំ នៅណាហ្គាវើលដ៍ទី១

ណាហ្គា​វើលដ៍​បេះដូង​សប្បុរស បាន​នាំ​កុមារ ១៤៩ នាក់ មកពី​អង្គការ​គ្រួសារ​ថ្មី អង្គការ​ខូលត៍ មណ្ឌល​កុមារ​ទឹកដី​សប្បាយ មណ្ឌល​កុមារ​ដើមឈើ​សប្បាយ និង​វិទ្យាស្ថាន​អភិវឌ្ឍ​ភាពជា​អ្នកដឹកនាំ និង​ចរិតលក្ខណៈ​មក​ទស្សនា​ការតុបតែង​លម្អ​បែប​កីឡា​ស៊ី​ហ្គេម និង​អាស៊ាន​ប៉ា​រ៉ា​ហ្គេម។ បន្ទាប់ពី​ដើរ​ទស្សនកិច្ច​សួនច្បារ​ដែលមាន​ការតុបតែង​លម្អ​បែប​ស៊ី​ហ្គេម និង​អាស៊ាន​ប៉ា​រ៉ា​ហ្គេម ពួកគេ​ត្រូវ​បាន​នាំទៅ​កាន់​បន្ទប់​ប្រជុំ​នៅ​ណាហ្គា​វើ​លដ៍​ទី ១ ដើម្បី​ស្ដាប់​បទ​បង្ហាញ​ស្ដីពី​ប្រវត្តិ​កីឡា​ស៊ីហ្គេម និង​អាស៊ាន​ប៉ារ៉ា​ហ្គេម និង​ឆ្លើយ​សំណួរ​ដើម្បី​ឈ្នះ​រង្វាន់។ ពួកគេ​បាន​ទទួល​ចំណេះដឹង​បន្ថែម​ជាច្រើន​ពាក់ព័ន្ធ​នឹង​ព្រឹត្តិការណ៍​កីឡា​នេះ រីឯ​កម្មវិធី​ឆ្លើយ​សំណួរ​ដើម្បី​ឈ្នះ​រង្វាន់ បាន​បន្ត​ពោរពេញ​ដោយ​ភាព​រីករាយ និង​ស្និទ្ធស្នាល។

កុមារមកពីបណ្ដាអង្គការក្រៅរដ្ឋាភិបាល មកទស្សនកិច្ច និងសិក្សាស្វែងយល់អំពីការតុបតែងលម្អ បែបកីឡាស៊ីហ្គេម និងអាស៊ានប៉ារ៉ាហ្គេម នៅសួនច្បារ សម្ដេចតេជោ ហ៊ុន សែន

លោក Pern Chen នាយក​គ្រប់គ្រង​ខុទ្ទកាល័យ​នាយក​ប្រតិបត្តិ​របស់​ក្រុមហ៊ុន​ណាហ្គា​វើលដ៍ បាន​ឲ្យ​ដឹង​ថា “​យើង​រីករាយ​ដែល​បាន​ផ្តល់​បទពិសោធន៍​ពិសេស​ដល់​កុមារ​មកពី​បណ្ដា​អង្គការ និង​ផ្តល់​ឱកាស​ឲ្យ​ពួកគេ​សិក្សា​ស្វែងយល់​បន្ថែម​អំពី​ស្មារតី នៃ​ព្រឹត្តិការណ៍​កីឡា​ស៊ីហ្គេម និង​អាស៊ាន​ប៉ា​រ៉ា​ហ្គេម។ យើង​មាន​គោលបំណង​លើកទឹកចិត្ត​ឲ្យ​ពួកគេ​ស្រឡាញ់​កីឡា និង​បំផុស​មោទកភាព​ជាតិ​”។

អ្នកតំណាង​មកពី​បណ្ដា​អង្គការ​ទាំងនោះ ក៏បាន​ថ្លែងអំណរគុណ​ដល់​ណាហ្គា​វើលដ៍​បេះដូង​សប្បុរស ដែល​បាន​ផ្ដួចផ្ដើម​រៀបចំ​ទស្សនកិច្ច​ដ៏​មាន​សារសំខាន់​នេះ​ផង​ដែរ​។ លោក សំ ពិសិដ្ឋ អ្នកគ្រប់គ្រង​អង្គការ​ខូលត៍ បាន​ឲ្យ​ដឹងថា “​សកម្មភាព​នេះ បាន​ផ្ដល់​ចំណេះដឹង និង​ភាព​រីករាយ​ដល់​កុមារ ខណៈ​ពួកគេ​នឹង​ស្វែងយល់ និង​ចងចាំ​បាន​យូរ​អង្វែង។ យើង​មាន​សោមនស្ស​រីករាយ​ដែល​បាន​សហការ​ជាមួយ​ណាហ្គា​វើលដ៍​បេះដូង​សប្បុរស និង​សង្ឃឹម​ថា នឹង​មាន​សកម្មភាព​បែបនេះ​ជាច្រើន​បន្ត​ទៀត​សម្រាប់​កុមារ​របស់​យើង​”។

កុមារ​ទាំងនោះ បាន​ត្រឡប់​ទៅ​អង្គការ និង​មណ្ឌល​រៀងៗ​ខ្លួន ដោយ​ទទួល​បាន​អាហារ​ពេល​ល្ងាច​ដ៏​ឈ្ងុយឆ្ងាញ់​ពី​ណាហ្គា​វើលដ៍​បេះដូង​សប្បុរស និង​បាន​ថតរូប​ជុំ​គ្នា​នៅ​សួនច្បារ​ទុកជា​អនុស្សាវរីយ៍​ផង​ដែរ។

ក្រៅពី​គំនិត​ផ្ដួចផ្ដើម​នេះ ណាហ្គា​វើលដ៍​បេះដូង​សប្បុរស ក៏បាន​សហការ​ជាមួយ Beyond The Games ដែល​ទទួលខុសត្រូវ​ក្នុង​ការ​ផ្សព្វផ្សាយ និង​ចែករំលែក​ព័ត៌មាន​អំពី​ការ​ធ្វើជា​ម្ចាស់ផ្ទះ នៃ​ព្រឹត្តិការណ៍​កីឡា​ស៊ីហ្គេម និង​អាស៊ាន​ប៉ារ៉ា​ហ្គេម​ទៅដល់​សហគមន៍​ក្នុង​ការ​រៀបចំ​ទិវា​គ្រួសារ កាលពី​ថ្ងៃ​ទី ២៦ ខែ​មីនា នៅ​ឯ​កីឡដ្ឋាន​បាល់ទាត់​កំពង់ស្ពឺ ដែល​ទើបនឹង​បើក​សម្ពោធ​ជា​ផ្លូវការ​ក្នុង​ពេល​ថ្មីៗ​កន្លងទៅ​ផង​ដែរ។ ទិវា​គ្រួសារ​នោះ បាន​ទាក់ទាញ​អ្នកចូលរួម​ប្រមាណ​ជាង ១.៥០០ នាក់ រួមមាន សិស្សានុសិស្ស គ្រួសារ កុមារ និង​អ្នកគាំទ្រ​ក្លិប​បាល់ទាត់​ណាហ្គា​វើលដ៍។ ទិវា​នោះ បាន​អនុញ្ញាត​ឲ្យ​សាធារណជន​ចូលរួម​លេង​ហ្គេម​ពាក់ព័ន្ធ​នឹង​កីឡាបាល់ទាត់ និង​ស្វែងយល់​បន្ថែម​អំពី​ព្រឹត្តិការណ៍​កីឡា​ស៊ីហ្គេម និង​អាស៊ាន​ប៉ារ៉ា​ហ្គេម​ផង​ដែរ។

គួរ​បញ្ជាក់​ថា ណាហ្គា​វើលដ៍​បេះដូង​សប្បុរស បាន​ចូលរួម​ចំណែក​លើក​កម្ពស់​សុខុមាលភាព​របស់​សង្គម​កម្ពុជា ចាប់​តាំងពី​ត្រូវ​បាន​បង្កើត​ឡើង​ក្នុង​ខែ​មីនា ឆ្នាំ ២០១៤ ដោយ​ផ្ដោត​ទៅ​លើ​ការ​ស្ម័គ្រចិត្ត​របស់​បុគ្គលិក និង​កម្មវិធី​ចុះទៅ​តាម​សហគមន៍។ មកដល់​បច្ចុប្បន្ន កិច្ច​ខិតខំ​ប្រឹងប្រែង​ទាំងនេះ បាន​ជះ​ឥទ្ធិពល​វិជ្ជមាន និង​ផ្ដល់​ប្រយោជន៍​ដល់​កុមារ និង​ប្រជាពលរដ្ឋ​នៅ​តាម​សហគមន៍​ជាង ៤៩៦.៥៤០ នាក់ ខណៈ​ការ​ប្ដេជ្ញា​របស់​ក្រុមហ៊ុន គឺ​បង្កើត​ឲ្យ​មាន​ការ​ផ្លាស់ប្ដូរ​វិជ្ជមាន​នៅ​តាម​សហគមន៍​ក្នុង​ប្រទេស​កម្ពុជា។

ណាហ្គា​វើលដ៍​បេះដូង​សប្បុរស ត្រូវ​បាន​បង្កើត​ឡើង​ក្នុង​ខែ​មីនា ឆ្នាំ ២០១៤ ដោយ​បុគ្គលិក​ដែល​មាន​ការ​គាំទ្រ​ពី​ក្រុមហ៊ុន​ដើម្បី​លើកកម្ពស់​ការ​ធ្វើការ​ស្ម័គ្រចិត្ត​សម្រាប់​សង្គម​កម្ពុជា​ដោយ​ផ្ដោត​ទៅ​លើ​សសរស្ដម្ភ​សំខាន់ ៤ គឺ ការ​លើក​កម្ពស់​វិស័យ​អប់រំ ការ​ផ្សារភ្ជាប់​ជាមួយ​សហគមន៍ ការ​អភិវឌ្ឍ​វិស័យ​កីឡា និង​ការ​គាំពារ​បរិស្ថាន។ មក​ដល់​បច្ចុប្បន្ន មាន​ប្រជាជន​កម្ពុជា ជាង ៤៩៦.៥៤០ នាក់ បាន​ទទួល​ប្រយោជន៍​ពី​កម្មវិធី​ទាំងនេះ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១២ ម៉ោង មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ១ ម៉ោង មុន

រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO  ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ

ព័ត៌មានជាតិ១០ ម៉ោង មុន

គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់

សន្តិសុខសង្គម៩ ម៉ោង មុន

ក្រុមទម្លាក់យោងម្នាក់ ក្នុងចំណោមបក្ខពួក​៣នាក់ ត្រូវនគរបាលខេត្តកំពង់ស្ពឺឃាត់ខ្លួន

ព័ត៌មានជាតិ៥ ម៉ោង មុន

តំណាងអយ្យការសម្រេចចោទប្រកាន់លោក ស្រី ស៊ីណា លើសំណុំរឿង២ និងដោះលែងមនុស្ស២នាក់វិញ

Sokha Hotels

ព័ត៌មានពេញនិយម