កីឡា

រដូវកាលថ្មី កីឡដ្ឋានកំពង់ស្ពឺ កើនឡើងអ្នកគាំទ្រគួរឲ្យកត់សំគាល់

បានផុស

១១ ខែ មុន

នៅ

ថ្ងៃចន្ទ ១៨ សីហា ២០២៥

ដោយ

កីឡដ្ឋានខេត្តកំពង់ស្ពឺ ទទួលបានអ្នកគាំទ្រចូលទស្សនាផ្ទាល់ជិត ៣០០០នាក់សម្រាប់ការប្រកួតលើកទី១នៃលីគបាល់ទាត់កំពូលកម្ពុជា រដូវកាលថ្មី កាលពីថ្ងៃទី១៧ ខែសីហា ឆ្នាំ ២០២៥។

ការប្រកួត រវាង ណាហ្គាវើលដ៍ និង កងយោធពលខេមរភូមិន្ទ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់ផ្ទះ ណាហ្គាវើលដ៍ បានបញ្ចប់ ៩០នាទី ដោយលទ្ធផលស្មើ ១-១ ជាមួយក្រុមភ្ញៀវ កងយោធពលខេមរភូមិន្ទ ក្រោមក្រសែភ្នែកអ្នកទស្សនាផ្ទាល់ចំនួន ២៨០៥ នាក់ដែលនេះជាចំនួនច្រើន បើប្រៀបធៀបនឹងការប្រកួតកាលពីរដូវកាលមុនៗ។

អ្នកគាំទ្របានដឹងហើយថា កីឡដ្ឋានខេត្តស្វាយរៀង ភ្នំពេញក្រោន វិសាខា អង្គរថាយហ្គឺរ និងពហុកីឡដ្ឋានជាតិអូឡាំពិក ដែលមានអ្នកគាំទ្រច្រើនចូលទស្សនាផ្ទាល់។ កីឡដ្ឋានដែលខ្សត់អ្នកគាំទ្រមានដូចជា កីឡដ្ឋានរបស់គិរីវង់សុខសែនជ័យ និងកីឡដ្ឋានរបស់ ណាហ្គាវើលដ៍ជាដើម។ ទោះបីជាយ៉ាងណា រដូវកាលថ្មី ចាប់ផ្តើមឃើញកីឡដ្ឋានខេត្តកំពង់ស្ពឺមានអ្នកគាំទ្រចូលទស្សនាផ្ទាល់ច្រើនគួរឲ្យកត់សំគាល់ដែលជាសញ្ញាល្អសម្រាប់ខេត្តមួយនេះ។

សម្រាប់ការប្រកួតសប្តាហ៍ទី២ រវាង ម្ចាស់ផ្ទះ បឹងកេត និង ភ្នំពេញក្រោន ជាជំនួប The Cambodian Classic Match នៅពហុកីឡដ្ឋានជាតិអូឡាំពិក ថ្ងៃអាទិត្យ ទី១៧ ខែសីហា មានអ្នកគាំទ្រច្រើនជាងគេគឺចំនួន ៣៥៤៤នាក់។ បន្ទាប់មក កីឡដ្ឋានខេត្តកំពង់ស្ពឺ ២៨០៥នាក់ ដែល ណាហ្គាវើលដ៍ ស្មើ កងយោធពលខេមរភូមិន្ទ ១-១, នៅកីឡដ្ឋានព្រីនស៍ដែល វិសាខា ឈ្នះ ឡាយហ្វ ខេត្តព្រះសីហនុក ៣-២ មានអ្នកគាំទ្រ ២៦៥៩នាក់ និងព្រះខ័នរាជស្វាយរៀង ឈ្នះ អង្គរថាយហ្គឺរ ៣-០ នៅកីឡដ្ឋាន Akihiro Kato មានអ្នកគាំទ្រ ២០៩៨នាក់។

ចំពោះការប្រកួតសប្តាហ៍ទី១ដែលមាន ៥ គូគឺសុទ្ធតែមានអ្នកគាំទ្រក្រោម ២០០០នាក់៕