ព័ត៌មានជាតិ
ចាំទេថ្ងៃនេះ មួយឆ្នាំមុន ទីក្រុងភ្នំពេញស្ងប់ស្ងាត់ ពលរដ្ឋភ័យខ្លាចកូវីដ មិនហ៊ានចេញពីផ្ទះ
ថ្អៃនេះត្រូវថ្ងៃ ២៧ មករា មួយឆ្នាំពេញ ដែលកម្ពុជាប្រកាសរកឃើញករណីផ្ទុះកូវីដដំបូងនៅខេត្តព្រះសីហនុ។
ថ្ងៃ ២៧ មករា ឆ្នាំ២០២០ អំឡុងពេលចូលឆ្នាំចិន ជាពេលវេលាឈប់សម្រាកផងនោះ មានការប្រកាសករណីផ្ទុះកូវីដលើបុរសចិននៅខេត្តព្រះសីហនុ។ ដំណឹងដ៏ភ្ញាក់ផ្អើលជាករណីឆ្លងលើកដំបូងអ្នកកើតជំងឺមរណៈមានប្រភពពីទីក្រុងអ៊ូហានប្រទេសចិន។
រូបភាពនៃការចម្លងយ៉ាងលឿន មានអ្នកស្លាប់យ៉ាងច្រើនគួរឲ្យសង្វេគនៅតាមមន្ទីរពេទ្យ បានបង្កភាពវឹកវរក្នុងអារម្មណ៍ស្មារតីប្រជាជនក្នុងទីក្រុងភ្នំពេញ។ ពលរដ្ឋចាប់ផ្តើមភ័យខ្លាច នាំគ្នាសម្រុកទៅទិញម៉ាស ទិញអាកុល រហូតដល់ដាច់ស្តុក។ ម៉ាសដែលធ្លាប់លក់ត្រឹម ២ ដុល្លារ ឡើងគុណជា ១០ ជា ២០ ផ្គត់ផ្គង់មិនគ្រប់ទៀត។
រាជធានីភ្នំពេញ ដែលធ្លាប់តែអ៊ូអរប្រែជាស្ងប់ស្ងាត់ ដងផ្លូវក៏មិនសូវមមាញឹកដូចមុន។ ពលរដ្ឋភ័យខ្លាចរៀងៗខ្លួន មិនសូវមានការជប់លៀង ឬជួបជុំ។ តាមផ្ទះមានការដាក់អាកុលបាញ់ សម្រាប់អ្នកចេញចូលបង្ការការឆ្លងដល់សមាជិកគ្រួសារ។
រដ្ឋាភិបាលបានសម្រេចបិទជើងហោះហើរពីទីក្រុងអ៊ូហ៊ាន ជាកន្លែងផ្ទុះជំងឺនេះលើកដំបូង។ ជំងឺដែលឆ្លងតាមផ្លូវដកដង្ហើមនេះ បានឆ្លងរាលដាលកាន់តែធ្ងន់ធ្ងរ ធ្វើឲ្យប្រទេសជាច្រើនសម្រេចបិទជើងហោះហើរ ឬរិតបន្តឹងការធ្វើដំណើរ ដោយបារម្ភការឆ្លងចូលប្រទេស។
ការផ្ទុះឆ្លងមិនថមថយ រដ្ឋាភិបាលបានបិទសាលារៀនមួយរយៈ ហើយណែនាំរាល់កម្មវិធីផ្សេងៗត្រូវបានបិទបណ្តោះអាសន្ន ដើម្បីបង្ការការចម្លងចូលសហគមន៍។ ការឆ្លើយតបយ៉ាងទាន់ពេលវេលាប្រកបដោយប្រសិទ្ធភាព ធ្វើឲ្យកម្ពុជាមានអត្រាអ្នកឆ្លងទាបបំផុត។
កម្ពុជាត្រូវបានវាយតម្លៃលើសមត្ថភាពខ្ពស់ដែលអាចគ្រប់គ្រងស្ថានភាពនៃវិបត្តិជំងឺកូវីដ ១៩ និងផលប៉ះពាល់ពីជំងឺនេះក្នុងចំណាត់ថ្នាក់ល្អជាងគេក្នុងចំណោមប្រទេសជាច្រើនលើពិភពលោក។
យ៉ាងណាការផ្ទុះព្រឹត្តិការណ៍ពីរបានបង្កការបារម្ភជាថ្មី ក្រោយពេលកម្ពុជាជោគជ័យលើការទប់ស្កាត់ការចម្លងជំងឺនេះជិតមួយឆ្នាំ។
ដំណើរទស្សនកិច្ចរបស់រដ្ឋមន្រ្តីក្រសួងការបរទេសហុងគ្រីនៅកម្ពុជា ក្រោយមកត្រូវបានប្រកាសមានវិជ្ជមានកូវីដ ១៩។ អ្នកប៉ះពាល់ជាង ១០០០ នាក់ ត្រូវបានធ្វើតេស្តនិងដាក់ឲ្យនៅដាច់ដោយឡែក។ សាលារៀនទូទាំងប្រទេសត្រូវបិទជាថ្មី កម្មវិធីសង្គមប្រពៃណី រួមទាំងពិធីរៀបអាពាហ៍ពិពាហ៍ ត្រូវបានផ្អាកបណ្តោះអាសន្ន។
ព្រឹត្តិការណ៍ ២៨ វិច្ឆិកា ជាករណីផ្ទុះឆ្លងចូលសហគមន៍ជាលើកដំបូង ពាក់ព័ន្ធស្រ្តីជាភរិយាមន្រ្តីជាន់ខ្ពស់ម្នាក់។ មានអ្នកឆ្លងជាង ៤០ នាក់ និងមនុស្សរាប់ពាន់នាក់ ត្រូវបានយកវត្ថុសំណាកទៅធ្វើតេស្តនិងធ្វើចត្តាឡីស័ក។
ខណៈចិនរងការរិះគន់ជាអ្នកដើមទីនៃការបង្កើតជំងឺរាតត្បាតនេះ មេដឹកនាំកម្ពុជាបានបង្ហាញសាមគ្គីភាពក្នុងគ្រាលំបាកជាមួយចិន ដោយបានធ្វើដំណើរទស្សនកិច្ចទៅទីក្រុងប៉េកាំង ដោយគ្មានការគ្រោងទុក។ សម្តេចតេជោជាមេដឹកនាំពិភពលោកដំបូងគេ ដែលទៅទស្សនកិច្ចប្រទេសចិន ក្នុងពេលចិនកំពុងផ្ទុះដែលឆ្លងតាមផ្លូវដង្ហើមនេះយ៉ាងពេញបន្ទុក រហូតមានការបិទទីក្រុងមួយចំនួន។ ក្នុងដំណើរទស្សនកិច្ច សម្តេចក៏ស្នើមិត្តចិន យកចិត្តទុកដាក់ដល់និស្សិតកម្ពុជាដែលស្នាក់នៅសិក្សានៅទីក្រុងអ៊ូហាន ជាកន្លែងផ្ទុះជំងឺកូវីដ។
ក្នុងស្មារតីជាមនុស្សជាតិដូចគ្នា ប្រមុខរដ្ឋាភិបាលកម្ពុជាបានសម្រេចឲ្យនាវា Ms Westerdam ដែលតែលតោលកណ្តាលសមុទ្រប្រទេសជាច្រើនបដិសេធ ចូលចតនៅកំពង់ផែខេត្តព្រះសីហនុ ដោយរៀបចំធ្វើពិធីទទួលយ៉ាងកក់ក្តៅ។ ប្រធានអង្គការសុខភាពពិភពលោក លោក Tedro Adhanom Ghebreyesus បានថ្លែងអំណរគុណដល់រដ្ឋាភិបាលកម្ពុជា សម្រាប់កាយវិការប្រកបដោយមនុស្សធម៌ក្នុងជួយអ្នកដំណើរឲ្យមានសុវត្ថិភាព។
តាំងពីការប្រកាសរកឃើញអ្នកជំងឺដំបូង គិតមកដល់ថ្ងៃ ២៧ មករា ២០២១ កម្ពុជាមានអ្នកឆ្លងសរុប ៤៦០ នាក់ និងមានអ្នកជាសះស្បើយ ៤២៣ នាក់ និងមិនទាន់មានអ្នកស្លាប់ទេ៕
អត្ថបទ៖ ប៊ុណ្ណារ៉ា
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
លោក ហេង សួរ ៖ កិច្ចប្រជុំកំពូលវាយនភណ្ឌសកល នឹងធ្វើឱ្យកម្ពុជាក្លាយជាគោលដៅទាក់ទាញទាំងអាជីវកម្មនិងវិនិយោគទុន
សម្តេចធិបតី ហ៊ុន ម៉ាណែត និងលោកជំទាវផ្ដល់ការឧបត្ថម្ភជាប្រចាំខែដល់កុមារកំព្រា និងកុមារមានទុក្ខលំបាកនៅមណ្ឌលមែកឈើ
រដ្ឋមន្ត្រីព័ត៌មាន៖ ក្រុមប្រឆាំងនៅក្រៅប្រទេសបង្កើតព័ត៌មានក្លែងក្លាយ ដើម្បីបញ្ឆេះកំហឹងពលរដ្ឋ ឱ្យផ្ដួលរំលំរដ្ឋាភិបាល
ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
ក្លិនសាកសពស្អុយរលួយ សាយភាយក្នុងទីក្រុង Mandalay ខណៈតួលេខមនុស្សស្លាប់ នឹងហក់ឡើងខ្ពស់
យោធាមីយ៉ាន់ម៉ាបន្តការវាយប្រហារតាមអាកាសទោះបីមានរញ្ជួយដីក៏ដោយ
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី