ព័ត៌មានជាតិ
រកឃើញពពុះសណ្តែកជិត២០គីឡូក្រាមនៅផ្សារដងទង់ ផ្ទុកសារធាតុបូរ៉ាក់
មន្រ្តីសាខា ក.ប.ប ខេត្តកោះកុង ចុះពិនិត្យរកឃើញពពុះសណ្តែកជិត២០គីឡូក្រោម ដែលដាក់តាំងលក់ដូរនៅផ្សារដងទង់ ក្នុងក្រុងខេរមភូមិន្ទ ខេត្តកោះកុង ដោយសំណាកធ្វើតេស្តបង្ហាញថា សារធាតុបូរ៉ាក់ បង្កឱ្យប៉ះពាល់ដល់សុខភាពអ្នកប្រើប្រាស់។
ប្រាប់ក្រុមអ្នកសារព័ត៌មាននៅរសៀលថ្ងៃទី៤ ខែកញ្ញា ឆ្នាំ២០២៣ លោក សាំង សេងឃី ប្រធានសាខាការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំខេត្តកោះកុង បានឱ្យដឹងថា មន្រ្តីជំនាញមកពីរាជធានីភ្នំពេញ និងមន្រ្តីពាណិជ្ជកម្មខេត្ត ចុះពិនិត្យគុណភាពសុវត្ថិភាពទំនិញតាមតូបលក់ដូរក្នុងផ្សារដងទង់ចំនួន១៥កន្លែង ពោលគឺបានរកឃើញពពុះសណ្តែកជិត២០គីឡូក្រាមផ្ទុកសារធាតុបូរ៉ាក់ ដែលជាសារធាតុហាមឃាត់។
លោក សាំង សេងឃី អះអាងទៀតថា ការចុះពិនិត្យគុណភាពចំណីអាហារលើផលិតផលប្រភេទពពុះសណ្តែកនេះ ធ្វើឡើងក្រោមមានស្រ្តីម្នាក់រស់នៅក្នុងខេត្តកោះកុង បង្ហាញសារសម្តែងក្តីបារម្ភពីសុវត្ថិភាពចំណីអាហារកាលពីថ្ងៃទី២៩ ខែសីហា ឆ្នាំ២០២៣កន្លងទៅ អំឡុងពេលគាត់យកពពុះសណ្តែកដែលទិញពីផ្សារត្រាំបម្រុងធ្វើម្ហូបសែនក្បាលទឹក ដោយមើលឃើញពីស្ថានភាពពពុះសណ្តែកនោះហាក់សង្ស័យថាជាកៅស៊ូ។
បើតាមមន្រ្តីជំនាញ ពពុះសណ្កែកពីបណ្តាតូបលក់ដូរចំនួន១៥កន្លែងក្នុងផ្សារដងទង់ គឺរកឃើញថា ពិតជាមានសារធាតុបូរ៉ាក់ វាបង្កឱ្យកើតមានបញ្ហាជំងឺក្រពះពោះវៀន តំរង់នោម ក្អូត ចង្អោរ និងវិលមុខ។ ចំពោះកុមារ បើបរិភោគអាហារបែបដែលមានសារធាតុហាមឃាត់នេះ អាចនឹងបង្កគ្រោះថ្នាក់រហូតដល់ស្លាប់។
ដើម្បីចូលរួមទប់ស្កាត់ទំនិញគ្មានគុណភាព លោកប្រធានសាខាការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំខេត្តកោះកុង ក៏អំពាវនាវដល់ក្រុមអាជីវករទាំងអស់មេត្តាទិញទំនិញណាដែលមានប្រភពទីតាំងច្បាស់លាស់ មានស្លាកសម្គាល់ និងថ្ងៃខែកំណត់ប្រើប្រាស់ត្រឹមត្រូវ។ ពិសេសនោះ គឺរាល់ពេលផលិតផលណាគប្បីត្រូវមានវិក្កិយបត្រ ករណីផលិតផលមានបញ្ហាងាយស្រួលកំណត់មុខសញ្ញាការនាំចូលទំនិញ។ ពពុះសណ្តែកទំងន់ជិត២០គីឡូក្រាមមានផ្ទុកសារធាតុគីមីហាមឃាត់ ត្រូវបានមន្រ្តីជំនាញដកហូតយកទៅរក្សាទុកជាភស្តុតាង ដើម្បីបំផ្លាញចោល និងធ្វើកិច្ចសន្យាបញ្ឈប់តាំងលក់ផលិតផលមានផ្ទុកសារធាតុគីមីនេះបន្ត។
មន្រ្តី ក.ប.ប ខេត្តកោះកុង ធ្លាប់យកសំណាកពពុះសណ្តែកដែលសង្ស័យថាជាកៅស៊ូទៅធ្វើតេស្តឡាប៊ូនៅរាជធានីភ្នំពេញ ជាលទ្ធផលមិនមានការសារធាតុកៅស៊ូនោះទេ គឺមានតែសារធាតុបូរ៉ាក់ប៉ុណ្ណោះ។
ក្រុមអាជីវករលក់ដូរក្នុងផ្សារដងទង់ ត្អូញត្អែរប្រាប់មន្រ្តីជំនាញថា ពួកគាត់ពុំអាចដឹងអស់ទេថា ទំនិញណាមានផ្ទុកសារធាតុហាមឃាត់ ព្រោះមិនមានជំនាញ ឬឧបករណ៍សម្រាប់វាស់តេស្តគុណភាព។ ម៉្យាងទៀត ពពុះសណ្តែកខាងលើ ពួកគាត់ទិញលក់បន្តពីឈ្នួញកណ្តាលប៉ុណ្ណោះមិនបានផលិតផលដោយខ្លួនឯងទេ។ តំណាងអាជីវករ គាំទ្រចំណាត់ការពិនិត្យគុណភាពសុវត្ថិភាពចំណីអាហារ ប៉ុន្តែស្នើសុំមន្រ្តីជំនាញចុះពិនិត្យតាមឃ្លាំងទំនិញធំៗ ឬទីតាំងផលិតផល ដោយសារតែពួកគាត់ក៏ជារងគ្រោះដូចពលរដ្ឋដ៏ទៃដែរ៕
អត្តបទ៖ សិរីវឌ្ឍនៈ
-
សេដ្ឋកិច្ច១ សប្តាហ៍ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
សេដ្ឋកិច្ច៤ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ១ សប្តាហ៍ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានអន្ដរជាតិ២ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម១ សប្តាហ៍ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ១ សប្តាហ៍ ago
ភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល
-
ជីវិតកម្សាន្ដ៣ ថ្ងៃ ago
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
-
នយោបាយ៣ ថ្ងៃ ago
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ