កីឡា
ទីបំផុតលោក Muñoz និយាយថា ព្រះខ័នរាជស្វាយរៀងជាក្រុមល្អបំផុតរដូវកាលនេះ
លោក Josep Muñoz បានចាត់ទុកក្រុមបាល់ទាត់ព្រះខ័នរាជស្វាយរៀងជាក្រុមល្អជាងគេបំផុតក្នុងរដូវកាលនេះក្នុងប្រទេសកម្ពុជា បន្ទាប់ពីលោកបានដឹកនាំឲ្យឈ្នះពានរង្វាន់ធំពីរក្នុងមួយរដូវកាល។
កាលពីយប់ថ្ងៃទី១២ ខែឧសភា ឆ្នាំ២០២៤ ពិធីប្រគល់ពានរង្វាន់ខេមបូឌានព្រីមៀរលីគជាផ្លូវការដល់ក្លិបព្រះខ័នរាជស្វាយរៀង បន្ទាប់ពីចប់ការប្រកួតសប្តាហ៍ចុងក្រោយដែលស្មើម្ចាស់ផ្ទះភ្នំពេញក្រោនដោយលទ្ធផល ១-១។ ទោះបីជាយ៉ាងណា ការប្រគល់ពានរង្វាន់ជូនតែក្រុមជើងឯករង និងជើងឯកប៉ុណ្ណោះ ខណៈពានរង្វាន់ផ្សេងទៀត និងពានរង្វាន់ឯក្តជនមិនទាន់ប្រគល់ទេ ពីព្រោះក្រុមហ៊ុនខេមបូឌានព្រីមៀរលីគនឹងរៀបចំពិធីប្រគល់ពានរង្វាន់ជាផ្លូវការមួយទៀត។
នេះជាពានរង្វាន់ធំទី២ក្នុងរដូវកាលនេះរបស់ព្រះខ័នរាជស្វាយរៀង បន្ទាប់ពីពួកគេបានឈ្នះពានរង្វាន់សម្តេចតេជោ ហ៊ុន សែន លើកទី១៧ កាលពីថ្ងៃទី២៨ ខែមេសា ឆ្នាំ២០២៤ ដើម្បីក្លាយជាក្រុមដំបូងក្នុងរយៈពេល១៦ឆ្នាំចុងក្រោយដែលបានឈ្នះពានរង្វាន់២ក្នុង១រដូវកាល។
ក្រោយទទួលពានរង្វាន់ លោក Josep Muñoz បាននិយាយក្នុងបទសម្ភាសថា សមិទ្ធផលទទួលបានក្នុងរដូវកាលនេះគឺធំធេងលើសពីការរំពឹងទុករបស់លោកមុនពេលចុះកុងត្រាចូលដឹកនាំព្រះខ័នរាជស្វាយរៀង។ ក្លិបព្រះខ័នរាជស្វាយរៀងជាក្រុមដ៏ល្អដែលមានថ្នាក់ដឹកនាំយកចិត្តទុកដាក់ ក្រុមការងារដ៏ល្អ កីឡាករខំប្រឹងប្រែងរួមគ្នា និងមានអ្នកគាំទ្រយ៉ាងអស្ចារ្យ។
លោក Josep Muñoz បានសង្កត់ធ្ងន់ថា ៖«ខ្ញុំពិតជារំភើបរីករាយណាស់។ វាជារដូវកាលដ៏អស្ចារ្យសម្រាប់យើងទាំងអស់គ្នា។ ខ្ញុំអាចនិយាយបានថា ព្រះខ័នរាជស្វាយរៀងជាក្រុមល្អជាងគេបំផុតក្នុងរដូវកាលនេះនៅប្រទេសកម្ពុជា»។
ក្នុងនាមជាជើងឯកពានរង្វាន់ខេមបូឌានព្រីមៀរលីគរដូវកាល២០២៣-២៤ ព្រះខ័នរាជស្វាយរៀងមានការងារកាន់តែច្រើនសម្រាប់រដូវកាលខាងមុខ។ ក្រៅពីមានភារកិច្ចការពារតំណែងជើងឯកពានរង្វាន់ក្នុងស្រុកទាំងពីរ ពួកគេមានពានរង្វាន់អន្តរជាតិ២ដែលត្រូវប្រកួត។ ប្រសិនបើពួកគេទទួលបានជោគជ័យក្នុងការប្រកួតជម្រុះពានរង្វាន់ ASEAN Club Championship និង AFC Challenge League ពួកគេនឹងឡើងទៅវគ្គចែកពូលដែលមានការប្រកួតកាន់តែច្រើន៕
អត្ថបទ៖ វីរបុត្រ
-
ព័ត៌មានជាតិ១ សប្តាហ៍ ago
ក្រោយជីកព្រែកហ្វូណនតេជោរួច វៀតណាមនឹងលែងមានឥទ្ធិពលមកលើវិស័យដឹកជញ្ជូនតាមផ្លូវទឹក
-
ព័ត៌មានជាតិ២ ថ្ងៃ ago
ប្រធានសមាគមសិល្បករខ្មែរ អ្នកឧកញ៉ា ម៉ៅ ចំណាន អញ្ជើញសួរសុខទុក្ខភរិយាអធិរាជសំឡេងមាស
-
ព័ត៌មានជាតិ៤ ថ្ងៃ ago
សម្ដេចតេជោ បញ្ជាឱ្យសមត្ថកិច្ចកម្ពុជា ចាប់ដៃវៀតណាមវែកមុខអ្នកចូលជេរសម្ដេច ព្រោះរឿងព្រែកជីកហ្វូណន
-
ព័ត៌មានអន្ដរជាតិ១ សប្តាហ៍ ago
នាយករដ្ឋមន្ត្រីស្លូវ៉ាគី កំពុងស៊ូទ្រាំជាមួយសេចក្តីស្លាប់ ក្នុងបន្ទប់សង្គ្រោះបន្ទាន់ ក្រោយការប៉ុនប៉ងធ្វើឃាត
-
ព័ត៌មានជាតិ១ សប្តាហ៍ ago
កម្ពុជាប្តេជ្ញារក្សាគម្របព្រៃឈើឲ្យបាន ៦០% នៅត្រឹមឆ្នាំ ២០៥០
-
ព័ត៌មានជាតិ២ ថ្ងៃ ago
ស្ពានឆ្លងទន្លេពីដីឥដ្ឋ ភ្ជាប់ទៅផ្លូវល្បឿនលឿនភ្នំពេញបាវិត បន្តវឌ្ឍនភាពតាមការគ្រោងទុក
-
ចរាចរណ៍១ សប្តាហ៍ ago
រដ្ឋបាលរាជធានី ស្នើពលរដ្ឋដែលពុំមានការចាំបាច់ ពុំគួរធ្វើដំណើរឆ្លងកាត់តំបន់ទាំងនេះថ្ងៃ ១៧ ឧសភា
-
ព័ត៌មានជាតិ១ សប្តាហ៍ ago
សម្ដេចតេជោ តឿនឱ្យរដ្ឋាភិបាល ប្រញាប់បើកការដ្ឋានជីកព្រែកហ្វូណនតេជោ