ជីវិតកម្សាន្ដ

ក្រុមល្ខោននិយាយ “ឥសីវ៉ូលេ” ត្រូវបានប្រធានសមាគមសិល្បករលើកទឹកចិត្តបន្តសកម្មភាព

បានផុស

២ years មុន

នៅ

ថ្ងៃចន្ទ ១៣ ឧសភា ២០២៤

ដោយ

ដើម្បីជាការចូលរួមលើកទឹកចិត្ត និងផ្តល់ការគាំទ្រដល់ក្រុមល្ខោននិយាយ “ឥសីវ៉ូលេ” ប្រធានសមាគមសិល្បករខ្មែរលោកជំទាវអ្នកឧកញ៉ា ម៉ៅ ចំណាន និងក្រុមការងារបានអញ្ជើញចូលរួមទស្សនា ល្ខោននិយាយរឿង«ផ្លែក្រៅដើម» សម្ដែងដោយក្រុម ឥសីវ៉ូលេ នៅសាលខេមរៈវិទូនៃរាជបណ្ឌិតសភាកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងប្រធានសមាគមសិល្បករខ្មែរកាលពីល្ងាចថ្ងៃទី១១ ខែឧសភា ឆ្នាំ២០២៤ កន្លងទៅនេះ បានបង្ហាញវត្តមានចូលរួមទស្សនា និងលើកទឹកចិត្តក្រុមល្ខោននិយាយ “ឥសីវ៉ូលេ” ដើម្បីគាំទ្រជម្រុញទឹកចិត្តដល់ក្រុមនេះក្នុងការបន្តសកម្មភាពបន្តទៅទៀត ព្រោះទម្រង់សិល្បៈប្រភេទនេះ ហាក់កំពុងរង់ចាំការចូលរួមគាំទ្រ។ លោកជំទាវអ្នកឧកញ៉ាបានសម្ដែងការកោតសរសើរចំពោះសមាជិកក្រុមឥសីវ៉ូលេទាំងអស់ដែលបានលះបង់ក្នុងការចូលរួមថែរក្សាទម្រង់សិល្បៈល្ខោននិយាយនេះ។

ជាមួយគ្នានោះលោកជំទាវអ្នកឧកញ៉ាប្រធានសមាគមសិល្បករខ្មែរបាននាំយកនូវថវិកាចំនួន ៥០០ដុល្លារប្រគល់ជូនដល់ក្រុមឥសីវ៉ូលេដើម្បីជាការលើកទឹកចិត្តដោយសង្ឃឹមថា ក្រុមសិល្បៈល្ខោននិយាយ “ឥសីវ៉ូលេ” នឹងបន្តមានសកម្មភាពដើម្បីចូលរួមចំណែកលើកកម្ពស់ទម្រង់សិល្បៈកម្រនេះផងដែរ។

ក្រុមល្ខោននិយាយ “ឥសីវ៉ូលេ” បានបញ្ជាក់ដែរថា វត្តមានរបស់លោកជំទាវប្រធានសមាគម និងសហការីគឺជាកម្លាំងចិត្តដល់ធំរបស់ក្រុម ឥសីវ៉ូលេ ក្នុងការបន្តសកម្មភាពរបស់ខ្លួនទៅមុខជាបន្តទៀត។ ក្រុមឥសីវ៉ូលេសង្ឃឹមថាទទួលបានឱកាសអនុញ្ញាតពីលោកជំទាវចូលជួបដោយផ្ទាល់ដើម្បីសូមថ្លែងអំអរគុណ និងអនុញ្ញាតសុំការគាំទ្រដល់សកម្មភាពក្រុមទៅមុខបន្តទៀត៕

អត្ថបទ៖ ចាន់រ៉ា

Related Topics:ប្រធានសមាគមសិល្បៈ លោកជំទាវ ម៉ៅ ចំណាន

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា