ព័ត៌មានជាតិ
ការលក់សៀវភៅនៅតាមបណ្ណាគារមួយចំនួន មានការធ្លាក់ចុះបន្តិចនាឆ្នាំនេះ
ការលក់សៀវភៅ នៅតាមបណ្ណាគារមួយចំនួន មានការធ្លាក់ចុះបន្តិចនាឆ្នាំ ២០២៣នេះ បើប្រៀបធៀបនឹងបណ្ដាឆ្នាំមុនៗ ដោយសារបច្ចុប្បន្ននេះ មានសៀវភៅអេឡិចត្រូនិចយ៉ាងច្រើនសម្បូរបែប។
លោក ប៊ុន ថុន អ្នកគ្រប់គ្រងទូទៅនៃបណ្ណាគារបាក់ទូក បានប្រាប់សារព័ត៌មានកម្ពុជាថ្មីថា បច្ចុប្បន្ននេះ ការលក់សៀវភៅមានការថយចុះបន្តិច ដោយសារតែមានសៀវភៅអេឡិចត្រូនិចច្រើនសម្បូរបែប។ ម្យ៉ាងទៀត ប្រជាពលរដ្ឋចំណាយថវិកាទៅលើតម្រូវចាំបាច់ ច្រើនជាងទិញសៀវភៅ ស្របពេលដែលសេដ្ឋកិច្ចមានការប្រែប្រួល ទើបធ្វើឲ្យមានការថយចុះចំនួនអ្នកសៀវភៅ។
ទោះបីជាយ៉ាងណាក៏ដោយ បណ្ណាគារបាក់ទូករបស់លោក នៅតែមានអតិថិជនមកទិញសៀវភៅគួរសមដែរ គ្រាន់តែថាមិនដូចពីឆ្នាំមុនៗ ហើយភាគច្រើនអ្នកទិញសៀវភៅ គឺជាគ្រូបង្រៀន សិស្ស-និស្សិត និងអ្នកសិក្សាស្រាវជ្រាវជាដើម។
អ្នកស្រី សុខ ហេង បុគ្គលិកលក់សៀវភៅបណ្ណាគារបាក់ទូក កត់សម្គាល់ឃើញថា ភាគច្រើនដែលមកទិញសៀវភៅ គឺសុទ្ធសឹងជាសិស្ស-និស្សិត គ្រូបង្រៀន និងមួយចំនួនទៀត គឺជាអ្នកស្រាវជ្រាវឯករាជ្យ ដែលត្រូវការទិញសៀវភៅ ទៅអានដើម្បីជាជំនួយស្មារតីក្នុងការសិក្សាស្រាវជ្រាវ។ អ្នកស្រី បន្ថែមថា ក្នុងមួយថ្ងៃ មានចំនួនអ្នកមកទិញសៀវភៅប្រមាណជាង ១០០នាក់ ចំណែកចំនួននៃការលក់សៀវភៅគឺមានចំនួនចាប់ពី ១០០ក្បាល ទៅ ១២០ក្បាល ជាមធ្យមប្រចាំថ្ងៃ។
អ្នកស្រី សុខ ហេង បញ្ជាក់ទៀតថា សម្រាប់ពេលបច្ចុប្បន្ន អ្នកដែលមកទិញសៀវភៅច្រើនជាងគេនោះ គឺសិស្សថ្នាក់ទី ១២ ពីព្រោះតែការប្រឡងសញ្ញាបត្រមធ្យមសិក្សាទុតិយភូមិ ឈានជិតមកដល់នាពេលខាងមុខនេះហើយ។ ជាក់ស្ដែងសៀវភៅដែលលក់ដាច់ច្រើនមានដូចជា៖ សៀវភៅតែងសេចក្តី សៀវភៅអត្រាកំណែ មុខវិជ្ជា គណិតវិទ្យា រូបវិទ្យា គីមីវិទ្យា ជាដើម។
ជាមួយគ្នានេះដែរ យុវតី អឹម សុខខេង អតីតសិស្សទី ១២ ដែលត្រូវត្រៀមប្រឡងចូលសាលាតិចណូ ក៏បានប្រាប់ដែរថា កញ្ញាស្វែងរកសៀវភៅនៅបណ្ណាគារបាក់ទូកនេះ គឺជាសៀវភៅទាក់ទងនឹងវិញ្ញាសា ប្រឡងចូលសាលាតិចណូ ពីព្រោះតែកញ្ញាមានបំណងចូល បន្តការសិក្សាថ្នាក់មហាវិទ្យាល័យ ជំនាញវិស្វកម្ម នៃសាលាតិចណូ ទើបកញ្ញាមកទិញសៀវភៅដែលទាក់ទងនឹងជំនាញទាំងនេះ ដើម្បីត្រៀមខ្លួនប្រឡងចូលរៀននៅ សាលាតិចណូ នេះតែម្ដង៕
អត្ថបទ ៖ សួស សិត
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ