ព័ត៌មានជាតិ
សៀវភៅ “កម្ពុជា ក្នុងយុទ្ធសាស្ត្រមហាអំណាច” បង្ហាញពីយុទ្ធសាស្ត្ររបស់សម្តេច ហ៊ុន សែន ក្នុងការរកសន្តិភាពជូនកម្ពុជា
សៀវភៅ “កម្ពុជាក្នុងយុទ្ធសាស្ត្រមហាអំណាច” ជាសៀវភៅនិពន្ធដោយ លោកបណ្ឌិតសភាចារ្យ រស់ ចន្ត្រាបុត្រ ទីប្រឹក្សាផ្ទាល់សម្តេចតេជោ ហ៊ុន សែន ចង់បង្ហាញពីបញ្ហាទំនាស់នៅលើពិភពលោក និងយុទ្ធសាស្ត្ររបស់សម្តេចតេជោ ហ៊ុន សែន ក្នុងការដោះស្រាយបញ្ហាទាំងនោះ ក្នុងនាមកម្ពុជា ក៏រងឥទ្ធិពលពីបរទេសដូចគ្នា។
សៀវភៅ “កម្ពុជាក្នុងយុទ្ធសាស្ត្រមហាអំណាច” មានកម្រាស់ ១០៣២ ទំព័រ ដែលចំណាយពេល៣ឆ្នាំ ក្នុងការសរសេរ។ លោកបណ្ឌិតសភាចារ្យ រស់ ចន្ត្រាបុត្រ បានអះអាងថា គោលបំណងដែលលោកសរសេរសៀវភៅនេះឡើងមក គឺចង់បង្ហាញពីទំនាស់នៅលើពិភពលោកដែលស្មុគស្មាញ ទាំងសង្គ្រាមបាញ់បោះ សង្គ្រាមនយោបាយ សេដ្ឋកិច្ច ហិរញ្ញវត្ថុ និងការដណ្តើមទឹកដីគ្នាទៅវិញទៅមក។
លោកបន្តថា ទំនាស់ក្នុងពិភពលោកទាំងអស់នេះ ក៏បានជះឥទ្ធិពលមកដល់កម្ពុជាដូចគ្នា ដូច្នេះ លោកបណ្ឌិត ចង់ឆ្លុះបញ្ចាំងឱ្យអ្នកអានដឹងថា ក្នុងស្ថានភាពដែលពិភពលោកស្មុគស្មាញ ជះឥទ្ធិពលបែបណាខ្លះមកកម្ពុជា។ ជាមួយនឹងការជះឥទ្ធិពលនេះ លោកបណ្ឌិត ក៏ចង់បង្ហាញពីមូលដ្ឋានគ្រឹះថា ក្នុងពេលដែលកម្ពុជារងឥទ្ធិពលពីបរទេស ហើយប្រទេសដឹកនាំដោយសម្តេចតេជោ ហ៊ុន សែន មានទស្សនវិជ្ជានយោបាយបែបណា ក្នុងការរកដំណោះស្រាយសម្រាប់ប្រទេសជាតិ ឱ្យមានសន្តិភាព និងភាពរីកចម្រើន។
សៀវភៅ “កម្ពុជាក្នុងយុទ្ធសាស្ត្រមហាអំណាច” មាន៥ភាគ គឺភាគទី១ លោកចាប់ផ្តើមសរសេរផ្តើមចេញពីសម័យកាលរបស់ព្រះបាទនរោត្តមសីហនុ ក្នុងពេលដែលប្រទេសពោលពេញដោយសង្គ្រាម និងការឈ្លានពានរបស់បរទេស។ ភាគទី២ បន្ទាប់ពីបញ្ហាទាំងអស់នេះមិនបានបញ្ចប់ ក៏បានធ្វើឱ្យកម្ពុជាស្ថិតនៅក្នុងសង្រ្គាមត្រជាក់។ ភាគទី៣ និយាយអំពីមហាអំណាចទាំង៣ ដែលមាននៅលើពិភពលោក គឺរុស្ស៊ី អាមេរិក និងចិន បូករួមទាំងសង្គ្រាមត្រជាក់ផង។ ភាគទី៤ លោកនិយាយអំពី សម័យកាលរបស់សម្តេចតេជោ ហ៊ុន សែន ដែលរំដោះប្រទេសឱ្យមានសន្តិភាព មិនធ្លាក់ក្នុងសង្គ្រាម ក្រោមប្រទេសមហាអំណាច។ ភាគទី៥ ចុងក្រោយគឺ និយាយពីការអភិវឌ្ឍរបស់ភ្នំពេញក្នុងការគ្រប់គ្រងរបស់បារាំងជិត១០០ឆ្នាំ។ បន្ទាប់មក គឺបង្ហាញពីការអភិវឌ្ឍនៅភ្នំពេញ និងតាមបណ្តាខេត្ត តាំងពីឆ្នាំ១៩៧៩ មកដល់បច្ចុប្បន្ន មានការរីកចម្រើនបែបណាខ្លះ។
សូមជម្រាបថា លោកបណ្ឌិតសភាចារ្យ រស់ ចន្ត្រាបុត្រ គឺជាអ្នកជំនាញប្រវត្តិសាស្ត្រ និងវិទ្យាសាស្រ្តនយោបាយមួយរូបនៅកម្ពុជា។ លោកបណ្ឌិត បាននិពន្ធសៀវភៅជាច្រើន មានទាំងប្រលោមលោក ប្រវត្តិសាស្ត្រខ្មែរជាដើម ទាំងភាសាខ្មែរ និងភាសាបារាំង សុទ្ធតែជាស្នាដៃល្អៗសម្រាប់កូនខ្មែរគួរក្រេបជញ្ជក់យកចំណេះដឹង៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ