ព័ត៌មានជាតិ

ក្រសួងសង្គមកិច្ច នៅតែលើកកម្ពស់វិស័យគាំពារសង្គម និងសមាគមមនុស្សចាស់ស្រប

បានផុស

៣ years មុន

នៅ

ថ្ងៃព្រហស្បតិ៍ ៤ កុម្ភៈ ២០២១

ដោយ

លោក តូច ចាន់នី អគ្គនាយកបច្ចេកទេស បានថ្លែងថា ក្រសួងសង្គមកិច្ច មានទិសដៅយុទ្ធសាស្ត្រជាច្រើន សម្រាប់អនុវត្តតាមការចង្អុលបង្ហាញរបស់រាជរដ្ឋាភិបាល ក្នុងនោះក៏មានវិស័យគាំពារសង្គម និងសមាគមមនុស្សចាស់នៅកម្ពុជាផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក តូច ចាន់នី ថ្លែងបែបនេះ ក្នុងពេលតំណាងលោករដ្ឋមន្ដ្រីក្រសួងសង្គមកិច្ចក្នុងសិក្ខាសាលាស្ដីពីកិច្ចគាំពារសង្គម និងសមាគមមនុស្សចាស់នៅកម្ពុជាព្រឹកថ្ងៃព្រហស្បតិ៍ទី៤ ខែកុម្ភៈ ឆ្នាំ២០២១។ អញ្ជើញចូលរួមក្នុងសិក្ខាសាលានេះដែរ ក៏មានតំណាងក្រសួងសេដ្ឋកិច្ច និងហិរញ្ញវត្ថុ, តំណាងក្រសួងផែនការ, តំណាងក្រសួងសុខាភិបាល, តំណាងគណៈកម្មាធិការសិទ្ធិមនុស្សកម្ពុជា, អង្គការមនុស្សចាស់កម្ពុជា ,បណ្ដាញមនុស្សវ័យចាស់កម្ពុជា, ប្រធាន អនុប្រធានសមាគមមនុស្សចាស់នៅគ្រប់ ២៥ រាជធានី ខេត្ដ ,អង្គការមិនមែនរដ្ឋាភិបាលក្នុងស្រុក។

លោក តូច ចាន់នី អគ្គនាយកបច្ចេកទេសនៃក្រសួងសង្គមកិច្ច បានបង្ហាញនូវសុច្ឆន្ទៈដ៏ប្រសើរមួយ ក្នុងការចូលរួមលើកកម្ពស់វិស័យគាំពារសង្គមនិងសមាគមមនុស្ស ក្នុងវិស័យសង្គមកិច្ច ដើម្បីឆ្លើយតបទៅនឹងក្របខ័ណ្ឌជាតិគោលនយោបាយគាំពារសង្គម ២០១៦-២០២៥ នាពេលថ្មីៗនេះ ដែលស្របគ្នាជាមួយទិសដៅយុទ្ធសាស្ត្ររបស់រាជរដ្ឋាភិបាលកម្ពុជា បានរៀបចំរួចជាស្រេច។ ក្នុងនាមក្រសួងសង្គមកិច្ចលោក តូច ចាន់នី បានបញ្ជាក់ថា ផ្អែកតាមក្របខ័ណ្ឌគោលនយោបាយជាតិគាំពារសង្គម (២០១ ៦-២០២៥) រាជរដ្ឋាភិបាលបានមិនត្រឹមតែគិតគូរពីសិទ្ធសេរីសុខុមាលភាពកុមារ មនុស្សចាស់យេនឌ័រប៉ុណ្ណឹងទេ គឺពិសេសលើកម្ពស់សិទ្ធិសេរីភាពជនពិការភាព។

ទន្ទឹមនឹងនេះដែរ រាជរដ្ឋាភិបាលបានផ្ទេរការអនុវត្តកម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម២ឆ្នាំ ពីក្រសួងសុខាភិបាលទៅក្រសួងសង្គមកិច្ច អតីតយុទ្ធជន និងយុវនីតិសម្បទា ដើម្បីគ្រប់គ្រង និងអនុវត្តឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម ២ឆ្នាំតាំងពីថ្ងៃទី២៤ ខែមករា ឆ្នាំ២០២១មកម្ល៉េះ៕

អត្ថបទ៖ វិមាន

Related Topics:កិច្ចប្រជុំ