Connect with us

ព័ត៌មានជាតិ

រាជរដ្ឋាភិបាល ទទួលយកបក្ស៣០ ចូលជាឧត្ដមក្រុមប្រឹក្សាពិគ្រោះ

បានផុស

នៅ

ក្នុងសារសម្លេងរបស់ សម្ដេច​តេជោ ហ៊ុន សែន ប្រធានគណបក្សប្រជាជនកម្ពុជា ជូនចំពោះប្រធានគណបក្សដែលស្នើសុំចងសម្ព័ន្ធភាពជាមួយបក្សប្រជាជនកម្ពុជា នារសៀលថ្ងៃទី១១​ ខែតុលានេះ សម្ដេចតេជោ បានបង្ហើបឱ្យដឹងថា តាមដំណឹងដែលសម្ដេច ហ៊ុន សែន ទទួលបានគឺ រាជរដ្ឋាភិបាលកម្ពុជា ត្រៀមទទួលយកគណបក្សនយោបាយចំនួន៣០ ចូលជាឧត្ដមក្រុមប្រឹក្សាពិគ្រោះយោបល់។

សម្ដេចតេជោ បានសង្កត់ធ្ងន់ថា “ តាមខ្ញុំដឹង គឺខាងរាជរដ្ឋាភិបាល បានត្រៀមទទួលយកគណបក្សចំនួន៣០ ចូលរួមនៅក្នុងក្រុមប្រឹក្សាពិគ្រោះ និងផ្ដល់យោបល់”

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ ប្រធានលេខាធិការដ្ឋានឧត្ដមក្រុមប្រឹក្សាពិគ្រោះ និងផ្តល់យោបល់ លោក ឈឹម ផលរុណ បានឆ្លើយតបជាមួយ កម្ពុជាថ្មី ថា ឧត្ដមក្រុមប្រឹក្សាពិគ្រោះយោបល់់ នឹងលេចចេញជារូបរាងជាផ្លូវការ ក្នុងពេលឆាប់ៗនេះ  ពីព្រោះថា សម្ដេចធិបតី ហ៊ុន ម៉ាណែត បានឯកភាពឱ្យបក្សនយោបាយទាំង៣០ ចូលជាសមាជិករួចហើយ នៅឡើយតែការរៀបចំបន្តនីតិវិធីតែងតាំងសមាសភាពប្រតិភូគណបក្សដោយព្រះមហាក្សត្រតែប៉ុណ្ណោះ។

លោក ឈឹម ផលរុណ គូសបញ្ជាក់ក្នុងន័យដើមថា “មកទល់ឥឡូវនេះ សម្តេចនាយករដ្ឋមន្ត្រីបានឯកភាពតាមសំណើសុំហើយ នៅឡើយការរៀបចំបន្តនីតិវិធីតែងតាំងជាផ្លូវការដោយព្រះរាជក្រឹត្យនូវសមាសភាពនៃប្រតិភូគណបក្សនីមួយៗ ”

(រូបថតឯកសារ៖ លោក ឈឹម ផលវរុណ ប្រធានលេខាធិការដ្ឋានឧត្ដមក្រុមប្រឹក្សាពិគ្រោះ និងផ្តល់យោបល់។ រូបថតពី Google)

ជាក់ស្ដែង ឧត្ដមក្រុមប្រឹក្សាពិគ្រោះយោបល់ បង្កើតឡើងនៅក្រោយការបោះឆ្នោតនីតិកាលទី៦ ឆ្នាំ២០១៨ ក្រោមគំនិតរបស់សម្ដេចតេជោ ហ៊ុន សែន ក្នុងគោលបំណងលើកស្ទួយរបបនយោបាយសេរីពហុបក្ស ក៏ដូចជា ប្រមូលធាតុចូលនៃទស្សនៈពហុគំនិតសម្រាប់ជាប្រយោជន៍ដល់ការស្ថាបនាជាតិ។ ចប់អាណត្តិទី៦ ឧត្ដមក្រុមប្រឹក្សាពិគ្រោះ និងផ្តល់យោបល់នេះ ក៏ត្រូវរំលាយផងដែរ ទើបតែនៅពេលនេះ នាយករដ្ឋមន្រ្តីថ្មី ឯកឧត្តមបណ្ឌិត ហ៊ុន ម៉ាណែត បានសម្រេចឲ្យរៀបចំបន្ត ឧត្ដម​ក្រុមប្រឹក្សាពិគ្រោះ និងផ្តល់យោបល់ តទៅទៀតនៅក្នុងអាណត្តិទី៧នេះ៕

ដោយ៖ ង៉ិល ណារ៉ាត់

(រូបថតឯកសារ៖ កិច្ចប្រជុំប្រចាំខែរបស់ឧត្ដមក្រុមប្រឹក្សាពិគ្រោះយោបល់ កាលពីថ្ងៃទីអាណត្តិទី៦កន្លងទៅ។ រូបថតពី Google.)
(រូបភាព សម្ដេចតេជោ ហ៊ុន សែន ដឹកនាំកិច្ចប្រជុំឧត្ដមក្រុមប្រឹក្សាពិគ្រោះ និងផ្ដល់យោបល់ កាលពីអណត្តិទី៦កន្លងទៅ។ រូបភាពពីGoogle)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១០ វិនាទី មុន

សូម្បីតែ Lee Sun-kyun មរណភាពក្ដី ក៏នៅតែផាកពិន័យពីបទបង្កភាពចម្រូងចម្រាសក្នុងសង្គម

ព័ត៌មានជាតិ៣ នាទី មុន

មកដល់ពេលនេះ គ.ជ.ប ទទួលស្គាល់អ្នកសង្កេតការណ៍ជាង ៦០០នាក់ សម្រាប់សង្កេតមើលដំណើរការ បោះឆ្នោតព្រឹទ្ធសភា

ព័ត៌មានអន្ដរជាតិ២៦ នាទី មុន

មន្ត្រីជាន់ខ្ពស់ អាមេរិក-ចិន ហោះទៅ ថៃ ដើម្បីពិភាក្សាបន្ថូរកម្ដៅវាយប្រហារ​របស់ក្រុមហ៊ូធីនៅសមុទ្រក្រហម

ជីវិតកម្សាន្ដ២ ម៉ោង មុន

Britney Spears​ ត្រូវសណ្ឋាគារដ៏ល្បីមួយហាមឃាត់នាង បន្ទាប់ពីហែលទឹកអាក្រាតកាយក្នុងអាង

ព័ត៌មានជាតិ២ ម៉ោង មុន

កម្ពុជា-ឥណ្ឌូណេស៊ី បើកទំព័រកិច្ចសហប្រតិបត្តិការ ផ្ដោតលើពាណិជ្ជកម្មកាបូននិងថាមពលបៃតង

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៦ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៤ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម