កម្លាំង​ជំនាញ​ស្រង់​គ្រាប់​មិនទាន់​ផ្ទុះ​ជាង​៨​តោន ​ពី​នាវាចម្បាំង​លិច​ ក្នុង​បាតទន្លេ​មេគង្គ
Connect with us
Helistar Cambodia - Helicopter Charter Services

ព័ត៌មានជាតិ

កម្លាំង​ជំនាញ​ស្រង់​គ្រាប់​មិនទាន់​ផ្ទុះ​ជាង​៨​តោន ​ពី​នាវាចម្បាំង​លិច​ ក្នុង​បាតទន្លេ​មេគង្គ

Published

on

​គ្រាប់​មិនទាន់​ផ្ទុះ​ជាង​៨​តោន ជា​ប្រភេទ​គ្រាប់​AK47, គ្រាប់​ត្បាល់​៦០​មី​លី​ម៉ែត្រ​, គ្រាប់​ត្បាល់​៨១​មី​លី​ម៉ែត្រ​, គ្រាប់​កាំភ្លើងយន្ត​១២,៧​មី​លី​ម៉ែត្រ​សរុប​ជាង​៥០០​កេស​ធំ​តូច បាន​ស្រង់​ពី​នាវា ចម្បាំង​បាន​លិច​ក្នុងសម័យ​សង្គ្រាម​នា​ឆ្នាំ​១៩៧២ នៅ​បាតទន្លេ​មេគង្គ នៅ​ស្រុក​ស្រី​សន្ធរ ខេត្តកំពង់ចាម​។

​ក្នុង​ដំណើរ​ចុះ​ពិនិត្យ​សកម្មភាព​ការងារ​ស្រង់​គ្រាប់​មិនទាន់​ផ្ទុះ ពី​បាតទន្លេ​មេគង្គ​នៅ​ស្រុក​ស្រី​សន្ធរ ខេត្តកំពង់ចាម​កាលពី​ថ្ងៃទី​៤ ខែកុម្ភៈ ឆ្នាំ​២០២១ នាយ​ឧ​ត្ត​ម​សេនីយ៍ សែម សុវណ្ណនី អនុប្រធាន​ទី​២ អាជ្ញាធរ​មីន និង​ជា​អគ្គនាយក​មជ្ឈមណ្ឌល​ជាតិ​រក្សា​សន្តិភាព បាន​មានប្រសាសន៍ថា រហូតមកដល់​ពេលនេះ កម្លាំង​ជំនាញ​កំពុង​សម្រុក​កាន់តែខ្លាំង ដើម្បី​ស្រង់​គ្រាប់​ចេញពី​បាតទន្លេ ដែល​កប់​ក្នុង​នាវា​ជាច្រើន​តោន​។

​នាយ​ឧ​ត្ត​ម​សេនីយ៍ បាន​បន្ត​ថា​« បើតាម​គ្រោងការណ៍​ក្រុម​ជំនាញ​នឹង​ស្រង់​គ្រាប់​មិនទាន់​ផ្ទុះ ពី​បាតទន្លេ​មេគង្គ​នឹង​បញ្ចប់​នៅ​ខែឧសភា​ខាងមុខនេះ​ ឲ្យ​ទាន់​មុន​រដូវវស្សា ប៉ុន្តែ ស្ថានភាព​ជាក់ស្តែង​ក្រុមការងារ​ជំនាញ​ពិបាក​សន្និដ្ឋាន ព្រោះ​ទំហំ​នាវា​នេះ មាន​ទំហំ​ធំ មិនអាច​ប៉ាន់ស្មាន​បានទេ​ថា ​តើ​ទម្ងន់​គ្រាប់​សរុប​នៅ​ក្នុង​នាវា​នោះ​មាន​ចំនួន​ប៉ុន្មាន​នោះទេ​»​។ បើតាម​ក្រុមការងារ​ប្រតិបត្តិការ​បោសសម្អាត​គ្រាប់​យុទ្ធភណ្ឌ​មិនទាន់​ផ្ទុះ នៅក្រោម​ផ្ទៃ​ទឹក ឲ្យ​ដឹងថា ជុំវិញ​ទីតាំង​នាវា​លិច​នេះ មាន​ទំហំ​១,០០០​ម៉ែត្រ គុណ​១,៥០០​ម៉ែត្រ នៅ​តាម​បណ្តោយ​ទន្លេ​ស្មើ​នឹង​ប្រមាណ​១៥០​ហិកតា​៕​

អត្ថបទ៖ សំអឿន​

សូមចុចអាន៖ ​កីឡដ្ឋាន​ខេត្តឧត្ដរមានជ័យ បាន​ក្លាយ​ជា​មណ្ឌល សម្រាប់ធ្វើ​ចត្តា​ឡី​ស័ក​ ទទួល​ពលករ​ពី​ប្រទេស​ថៃ 

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services