ព័ត៌មានជាតិ

រូបភាពវិវឌ្ឍន៍ថ្មីៗ កម្មករសម្រុកសាងសង់ស្ពានឆ្លងទន្លេខេត្តក្រចេះ

បានផុស

៣ years មុន

នៅ

ថ្ងៃព្រហស្បតិ៍ ២៦ តុលា ២០២៣

ដោយ

ការដ្ឋានសំណង់ស្ពានឆ្លងទន្លេខេត្តក្រចេះកំពុងដំណើរការសាងសង់សម្រេចលទ្ធផលបានជាង ១៧% គិតត្រឹមខែតុលានេះ។ ស្ពានឆ្លងទន្លេមេគង្គទីមួយរបស់ខេត្តក្រចេះនេះមានប្រវែង ១ ៧៦១ ម៉ែត្រ មានទទឹង ១៣.៥០ ម៉ែត្រ ដែលត្រើយខាងកើតស្ថិតនៅត្រង់ភូមិតាលុស ឃុំបុសលាវ ស្រុកចិត្របុរី និងត្រើយខាងលិចស្ថិតនៅត្រង់ភូមិថ្មរាប ឃុំព្រែកប្រសព្វ ស្រុកព្រែកប្រសព្វ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្ននេះ ការដ្ឋានកំំពុងសម្រុកសាងសង់។ ជាក់ស្តែងនៅទីតាំងការដ្ឋានឃើញរំលេចសសរគ្រឹះស្ពានជាជួរខ្ពស់ៗ រីឯគ្រឿងចក្រតូចធំលើកដាក់សម្ភាៈសាងសង់យ៉ាងមមាញឹកនៅលើផ្ទៃទឹកទនេ្ល។

កម្មកររាប់សិបនាក់គ្រងដោយឈុតសុវត្ថិភាព មានអ្នកខ្លះមកពីខេត្តឆ្ងាយៗនិងក៏មានពលរដ្ឋក្នុងមូលដ្ឋានមួយចំនួនដែលបម្រើការងារក្នុងការដ្ឋានសាងសង់។

កម្មករម្នាក់ឈ្មោះ ហីត រស់នៅភូមិល្វាទង ឃុំបុសលាវ ស្រុកចិត្របុរីខេត្តក្រចេះ ដែលបម្រើការផ្នែកពត់ពុម្ពគ្រឹះស្ពានទទួលបានប្រាក់កម្រៃប្រហែល ១១.៥ ដុល្លារក្នុងមួយថ្ងៃ និងទទួលបានបន្ថែមទៀតបើធ្វើការថែមម៉ោង។

បើតាមយុវជនរូបនេះប្រាប់ថា តាមមរយៈប្រាក់កម្រៃពីការងារអាចយកទៅផ្គត់ផ្គង់ដល់គ្រួសារនៅផ្ទះបានមួយចំណែក បន្ថែមពីប្រាក់ចំណូលបានមកពីការធ្វើស្រែចម្ការ។

ពលរដ្ឋក្នុងមូលដ្ឋានដែលរស់នៅជុំវិញការដ្ឋានរំពឹងទុកថា នៅ ២ ឬ ៣ ឆ្នាំទៀតនៅពេលស្ពានសាងសង់រួចរាល់ នឹងសម្រួលការធ្វើដំណើរ កាត់បន្ថយការចំណាយលើការឆ្លងសាឡាង រួមទាំងមានសុវត្ថិភាពទៀតផង៕

អត្ថបទ៖ លី រតនា

Related Topics:ខេត្តក្រចេះ ហេដ្ឋារចនាសម្ព័ន្ធសំខាន់ៗ

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា