ព័ត៌មានជាតិ
មន្ទីរអប់រំរាជធានីភ្នំពេញ ប្រកាសលេខទូរស័ព្ទ២ខ្សែ សម្រាប់ទាក់ទងពេលមានភាពមិនប្រក្រតីក្នុងសាលា
មន្ទីរអប់រំយុវជននិងកីឡារាជធានីភ្នំពេញ បានប្រកាសលេខទូរស័ព្ទចំនួន២ខ្សែសម្រាប់ទំនាក់ទំនងនៅពេលដែលមាតាបិតាសិស្សចង់រាយការណ៍នូវភាពមិនប្រក្រតី នៅក្នុងសាលាណាមួយនៅក្នុងរាជធានីភ្នំពេញ។
លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡារាជធានីភ្នំពេញបានមានប្រសាសន៍ថា «នៅពេលដែលមាតាបិតាសិស្សមានបំណងចង់រាយការណ៍ពីសកម្មភាពអសកម្ម នៅក្នុងសាលាណាមួយក្នុងរាជធានីភ្នំពេញអាចទាក់ទងទៅកាន់លោកអ៊ុក ចន្ថា អនុប្រធានមន្ទីរអប់រំយុវជននិងកីឡារាជធានីភ្នំពេញទទួលបន្ទុកបឋមសិក្សាដែលមានលេខទូរស័ព្ទ ០៩២៩៩៥៣៤៤និងលោកលោកហេង សារិន អនុប្រធានមន្ទីរ ទទួលបន្ទុកមធ្យមសិក្សាដែលមានលេខទូរស័ព្ទ ០១២៥៧៤៩១២»។
លោកបានបន្តថាការប្រកាសលេខទូរស័ព្ទទាំងពីរខ្សែនេះ គឺដើម្បីឲ្យអាណព្យាបាលមាតាបិតាសិស្សឬសិស្សមានភាពងាយស្រួលក្នុងការទំនាក់ទំនងនៅពេលមានបញ្ហាអ្វីមួយ ដែលកើតឡើងក្នុងសាលាមិនដឹងទាក់ទងទៅខាងណា។
លោកបានបន្ថែមថា «ប៉ុន្តែឥឡូវនេះមានលេខទំនាក់ទំនងហើយលោកអ្នកអាចទាក់ទងតាមលេខទូរស័ព្ទនេះបានហើយដោយមិនចាំបាច់បង្ហោះនៅលើបណ្តាញសង្គមទៀតទេមានរឿង ឬបញ្ហាអ្វីទាក់ទិននឹងភាពអសកម្មរបស់សាលាអាចរាយការណ៍ទៅពួកគាត់បាន»។
ការប្រកាសលេខទូរស័ព្ទនេះបានធ្វើឡើងបន្ទាប់ពីថ្មីៗនេះ មានអាណព្យាបាលមួយចំនួនដែលមានកូនរៀននៅសាលា បឋមសិក្សាសន្ធរម៉ុកបាននាំគ្នាបង្ហោះសាររិះគន់ពីករណីគ្រូបង្រៀនម្នាក់ទារលុយពីសិស្ស រហូតដល់មន្ទីរបានដាក់ពិន័យគ្រូបង្រៀននោះ ដោយផ្លាស់ចេញពីសាលាបឋមសិក្សាសន្ធរម៉ុកទៅបង្រៀននៅសាលាបឋមសិក្សាសែនសុខវិញ។
ចំណែកក្រសួងអប់រំយុវជន និងកីឡាបានប្រកាសឲ្យអាណាព្យាបាលនិងមាតាបិតាសិស្សអាចរាយការណ៍ផ្ទាល់ទៅគណៈគ្រប់គ្រងសាលារៀន ដើម្បីដោះស្រាយបញ្ហាផ្សេងៗពេលមានភាពមិនប្រក្រតីកើតឡើងនៅក្នុងសាលា។
លោក រស់ សុវាចា អ្នកនាំពាក្យ ក្រសួងអប់រំយុវជន និងកីឡាបានឲ្យដឹងថា ជាទូទៅមាតាបិតាសិស្សអាចរាយការណ៍ផ្ទាល់ជួនដល់គណៈគ្រប់គ្រងគ្រឹះស្ថានសិក្សា ដើម្បីដោះស្រាយករណីមិនប្រក្រតីនៅក្នុងសាលានីមួយៗ។ ក្រៅពីនេះមន្ទីរអប់រំយុវជននិងកីឡានៅតាម២៥ខេត្តរាជធានីជាសេនាធិការរបស់ក្រសួងអប់រំយុវជន និងកីឡាដើម្បីអន្តរាគមន៍ដោះស្រាយករណីមិនប្រក្រតីនានា ដែលអាចកើតឡើងជាយថាហេតុនៅតាមគ្រឹះស្ថានសិក្សា៕
សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ