ព័ត៌មានជាតិ

កម្ពុជា ដាក់ផែនការបញ្ឈប់ការប្រើប្រាស់សារធាតុ «អាសបេស្តុស» នៅត្រឹមឆ្នាំ ២០២៥

បានផុស

៣ years មុន

នៅ

ថ្ងៃអង្គារ ៣១ តុលា ២០២៣

ដោយ

រដ្ឋាភិបាលកម្ពុជា បានកំពុងពន្លឿនការសិក្សាស្រាវជ្រាវបន្ថែមទៀត ដើម្បីឈានទៅលុបបំបាត់ និងបញ្ឈប់ការប្រើប្រាស់សារធាតុ អាសបេស្តុស នៅឆ្នាំ ២០២៥ ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងបើកសិក្ខាសាលា ស្តីពីការរៀបចំអនុវត្តផែនការសកម្មភាពពាក់ព័ន្ធនឹងសារធាតុអាសបេស្តុស នៅក្នុងផែនការមេលើកទី ៣ ស្តីពីសុវត្ថិភាព និងសុវត្ថិភាពការងារឆ្នាំ ២០២៣-២០២៧ នៅព្រឹកថ្ងៃទី ៣១ តុលានេះ លោកវេជ្ជបណ្ឌិត ហ៊ុយ ហានសុង រដ្ឋលេខាធិការក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍ថា «ការហាមឃាត់សារធាតុអាសបេស្តុស គឺមានច្រើនដំណាក់កាលណាស់ ហើយក៏មិនមែនជារឿងាយស្រួលដែរ ព្រោះអ្វីៗ ទាំងអស់ ត្រូវសំអាងលើច្បាប់ បទប្បញ្ញត្តិ បើយើងមិនទាន់មានបទប្បញ្ញត្តិទេ យើងអនុវត្តអីក៏អត់បានដែរ»។

លោករដ្ឋលេខាធិការ បានស្នើឲ្យក្រសួងស្ថាប័នពាក់ព័ន្ធ ពិនិត្យលទ្ធភាពរៀបចំនូវបទប្បញ្ញត្តិចាំបាច់ដែលគាំទ្រដល់ការអនុវត្ត ដើម្បីឲ្យកម្ពុជាឈានទៅលុបបំបាត់ការប្រើប្រាស់សារធាតុអាសបេស្តុស នាពេលអនាគត។

ចំណែកលោកស្រី Justine Ross ប្រធានទីភ្នាក់ងារសុវត្ថិភាព និងលុបបំបាត់សារធាតុអាសបេស្តុស បានអះអាងថា សារធាតុអាសបេស្តុស ពិតជាបង្កផលប៉ះពាល់យ៉ាងធ្ងន់ធ្ងរដល់សុខភាពមនុស្ស ដូចជា បង្កឲ្យកើតមានជំងឺមហារីកសួត បំពង់ក និងមហារីកអូវែ ជាដើម តាមរយៈការប្រើប្រាស់របស់របរផ្សេងៗ ដោយមិនដឹងខ្លួន។

លោកស្រីសង្ឃឹមថា តាមរយៈសិក្ខាសាលានេះ នឹងជំរុញឲ្យអ្នកចូលរួមទាំងអស់យកចិត្តទុកដាក់ និងស្វែងយល់សិក្សាឲ្យបានទូលំទូលាយថែមទៀត ដើម្បីកាត់បន្ថយដល់ការប្រើប្រាស់សារធាតុអាសបេស្តុសនេះ ខណៈមនុស្សមួយចំនួនបានអះអាងថា ការប្រើប្រាស់សារធាតុនេះ មិនធ្វើឲ្យប៉ះពាល់ដល់សុខភាពនោះទេ។

គួរបញ្ជាក់ថា អាសបេស្តុស គឺជាជាតិសរសៃដែលកើតឡើងពីរ៉ែធម្មជាតិដ៏រឹងមាំធន់កម្ដៅ និងភ្លើង និងត្រូវបានប្រើប្រាស់ច្រើនយ៉ាងនៅជុំវិញពិភពលោកក្នុងផលិតផលជាងបីពាន់មុខ ជាពិសេសក្នុងវិស័យសំណង់ ផលិតផលកកិត សម្ភារៈទប់កម្ដៅ និងវាយនភណ្ឌមួយចំនួន។ សារធាតុអាសបេស្តុស បង្កឲ្យមានគ្រោះថ្នាក់ដល់សុខភាពមនុស្ស តាមរយៈការដកដង្ហើមដោយសារតែស្រូបសរសៃអាសបេស្តុសនេះ ដែលបង្កទៅជាជំងឺ រួមមាន ៖ ជំងឺមហារីក មហារីកកោសិកាមេសូតេល្យូមនៅស្រោមសួត មហារីកសួត មហារីកបំពង់ក និងមហារីកអូវែ និងជំងឺមហារីកពាក់ព័ន្ធនឹងសារធាតុអាសបេស្តុស ដទៃទៀតដូចជា ជំងឺអាសបេស្តុស៊ីស និងក្រិនសួតជាដើម៕

អត្ថបទ ៖ សំអឿន

Related Topics:កម្ពុជា.អាសបេស្តុស

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា