ព័ត៌មានជាតិ

សម្ដេច ម៉ែន សំអន សម្តែងការសោកស្តាយ និងចូលរួមរំលែកទុក្ខដ៏ក្រៀមក្រំបំផុតចំពោះ ការបាត់បង់ព្រះចៅអធិការវត្តវិហារសំណ

បានផុស

១ year មុន

នៅ

ថ្ងៃពុធ ១៥ វិច្ឆិកា ២០២៣

ដោយ

សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា បានសម្តែងការសោកស្តាយ និងចូលរួមរំលែកទុក្ខដ៏ក្រៀមក្រំបំផុតចំពោះការបាត់បង់ព្រះចៅអធិការ វត្ត វិហារសំណ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចកិត្តិសង្គហបណ្ឌិត ម៉ែន សំអន សម្តែងការសោកស្តាយបែបនេះ ក្នុងឱកាសអញ្ជើញគោរពព្រះវិញ្ញាណក្ខន្ធ ព្រះសាសនវង្សា ឯល សុផាន (រតនញ្ញាណោ) ព្រះរាជាគណៈថ្នាក់កិត្តិយស ព្រះចៅអធិការវត្តវិហារសំណ ស្ថិតក្នុងភូមិវិហារហ្លួង ឃុំវិហារហ្លួង ស្រុកពញាឮ ខេត្តកណ្ដាល នារសៀល ថ្ងៃពុធ ៣ កើត ខែកត្តិក ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី ១៥ ខែវិច្ឆិកា ឆ្នាំ ២០២៣។

ព្រះសាសនវង្សា ឯល សុផាន បានទទួលអនិច្ចធម្ម កាលពីថ្ងៃសៅរ៍ ១៣រោច ខែអស្សុជ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី១១ ខែវិច្ឆិកា ឆ្នាំ២០២៣ វេលាម៉ោង ០៧:០៣ នាទី ដោយព្រះរោគាពាធ។

ការបាត់បង់ព្រះសាសនវង្សា ឯល សុផាន (រតនញ្ញាណោ) គឺជាការបាត់បង់នូវព្រះមហាថេរ និងជាបញ្ញវន្តសង្ឃ ដែលមានបទពិសោធន៍ចាស់ទុំរបស់ព្រះពុទ្ធសាសនាថេរវាទកម្ពុជា មានតម្លៃមិនអាចកាត់ថ្លៃបានសម្រាប់ព្រះពុទ្ធសាសនា។

សម្តេចកិត្តិសង្គហបណ្ឌិត ក៏បានឧទ្ទិសបួងសួងដល់ដួងព្រះវិញ្ញាណក្ខន្ធព្រះសពព្រះសាសនវង្សា ឯល សុផាន (រតនញ្ញាណោ) បាននិមន្តទៅកាន់ឋានសុគតិភពគ្រប់ៗជាតិ កុំបីឃ្លៀងឃ្លាតឡើយ៕

អត្ថបទ ៖ វិមាន

Related Topics:សម្ដេច ម៉ែន សំអន