ព័ត៌មានជាតិ

លោកស្រី ឱ វណ្ណឌីន ប្រកាសស្ម័គ្រចិត្តចាក់វ៉ាក់សាំងកូវីដ១៩របស់ចិន

បានផុស

៣ years មុន

នៅ

ថ្ងៃចន្ទ ៨ កុម្ភៈ ២០២១

ដោយ

លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានប្រកាសស្ម័គ្រចិត្តចាក់វ៉ាក់សាំងកូវីដ្១៩នាពេលខាងមុខនេះ។ ការប្រកាសនេះបានធ្វើឡើងនៅក្នុងសន្និសិទកាសែតមួយនៅក្រសួងសុខាភិបាលនារសៀលថ្ងៃទី៨ កម្ភៈឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីបានបន្តថា រូបលោកស្រីផ្ទាល់ស្មគ្រ័ចិត្តចាក់វ៉ាក់សាំងកូវីដ១៩ របស់ស៉ីណូហ្វាម ដែលជាជំនួយរបស់ចិន១លានដូសដើម្បី បង្កើនជំនឿចិត្តដល់ប្រជាពលរដ្ឋ។ “អញ្ចឹងខ្ញុំអញ្ជើញបងប្អូនអ្នកសារព័ត៌មានផ្ដិតយករូបភាព ដើម្បីផ្សាយឱ្យបងប្អូនប្រជាពលរដ្ឋបានឃើញ និងជាការជួយជំរុញផ្តល់នូវទំនុកចិត្តថែមទៀត ឱ្យបានច្បាស់ថា វ៉ាក់សាំងនេះគឺជាឧបករណ៍ដ៏មានសារសំខាន់សម្រាប់អាយុជីវិតរបស់មនុស្ស មិនមែនជាឧបករណ៍ដែលធ្វើយកមកលេងសើចនោះទេ”។

លោកស្រីបានបន្ថែមថា វ៉ាក់សាំងកូវីដ១៩ បើសិនជាមានលុយក៏គេមិនអាចរកទិញបានដែរ ក្នុងនោះសូម្បីប្រទេសមួយចំនួនផង គឺមិនអាចរកទិញបានទេ។ ពេលនេះចាក់វ៉ាក់សាំងឥតគិតថ្លៃ ហេតុអ្វីយើងមិនអាចចាក់?យើងមានក្រុមដែលត្រូវដើរតួនាទី ដើម្បីចាក់បង្ហាញភាពជឿជាក់ ហើយក៏បង្ហាញឱ្យច្បាស់ថា វ៉ាក់សាំងនេះអាចជួយដល់អាយុជីវិតរបស់មនុស្ស។

កម្ពុជានឹងចាប់ផ្តើមចាក់វ៉ាក់សាំងនៅថ្ងៃទី១០កម្ភៈខាងមុខនៅតាមមន្ទីរពេទ្យចំនួន៤នៅរាជធានីភ្មំពេញរួមមានពេទ្យកាល់ម៉ែត ពេទ្យអង្គឌួង ពេទ្យរុស្សីនិងពេទ្យកុមារជាតិ៕

សំអឿន