ព័ត៌មានជាតិ

ស្រ្តី ០២ នាក់ជិះលើយន្តហោះតែមួយ ប្រកាសឆ្លងកូវីដ ១៩ ទាំងពីរនាក់

បានផុស

៣ years មុន

នៅ

ថ្ងៃអង្គារ ៩ កុម្ភៈ ២០២១

ដោយ

ក្រសួងសុខាភិបាលបានប្រកាសករណីវិជ្ជមានកូវីដ ១៩ លើអ្នកដំណើរ ០២ នាក់ទៀតនៅព្រឹកនេះ។ ការរកឃើញ ០២ នាក់បន្ថែមជាករណីទី ៣៨៩ ដែលត្រូវបានកត់ត្រាអ្នកឆ្លងជាអ្នកដំណើរមកពីក្រៅប្រទេស។

ស្រ្តីជនជាតិខ្មែរអាយុ ១៩ ឆ្នាំ ធ្វើដំណើរមកពីអាមេរិកបន្តជើងហោះហើរនៅប្រទេសកូរ៉េខាងត្បូង ត្រូវបានប្រកាសឆ្លងកូវីដ ១៩។ ស្រ្តីរូបនេះបានមកដល់ប្រទេសកម្ពុជានៅថ្ងៃ ០៧ កុម្ភៈ តេស្តឃើញវិជ្ជមាន និងត្រូវបានបញ្ជូនទៅសម្រាកព្យាបាលនៅមណ្ឌលសុខភាពចាក់អង្រែ។

ជាមួយគ្នានេះ ស្រ្តីចិនអាយុ ២៦ ឆ្នាំ ក៏ប្រកាសឆ្លងកូវីដ១៩ ជាករណីទីពីរនៅព្រឹកនេះ។ ស្រ្តីដែលមានអាសយដ្ឋានស្នាក់នៅសណ្ឋាគារមួយ នៅរាជធានីភ្នំពេញនេះបានធ្វើដំណើរពីចិនបន្តជើងហោះហើរនៅប្រទេសកូរ៉េខាងត្បូង មកដល់កម្ពុជានៅថ្ងៃ ០៧ កុម្ភៈ ២០២១ ត្រូវបានបញ្ជាក់មានវិជ្ជមានកូវីដ ១៩ ដោយវិទ្យាស្ថានសុខភាពសាធារណៈ។ បច្ចុប្បន្នស្រ្តីចិនរូបនេះ ត្រូវបានបញ្ជូនទៅព្យាបាលនៅមជ្ឍមណ្ឌលជាតិកំចាត់រោគរបេង និងហង់សិន។

គួរបញ្ជាក់ថា ស្រ្តីទាំងពីរធ្វើដំណើរលើជើងហោះហើរតែមួយពីប្រទេសកូរ៉េខាងត្បូង។ នៅលើយន្តហោះមានអ្នកដំណើរ ៩២ នាក់ តែមានតែស្រ្តីពីរនាក់ខាងលើដែលតេស្តមានវិជ្ជមានកូវីដ ១៩៕