Connect with us

ព័ត៌មានជាតិ

ស្នងការខេត្តពោធិ៍សាត់ ប្រគល់ថវិកាគោលនយោ​បាយជាង ៦០០លានរៀល​ដល់មន្ត្រីនគរបាលចូលនិវត្តន៍ ពលី និងមរណៈ

បានផុស

នៅ

លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ ស្នងការរង និងក្រុមការងារនៃស្នងការរដ្ឋានបានអញ្ជើញ​ជួបសំណេះសំណាល និងប្រគល់ថវិកាគោលនយោបាយជាង ៦០០ លានរៀល ជូនដល់មន្ត្រីនគរបាលជាតិចូលនិវត្តន៍ ពលី និងមរណ:ភាពចំនួន៥២រូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីជួបសំណេះសំណាល និងប្រគល់ថវិកាដល់មន្រ្តីចូលនិវត្តន៍គ្រួសារពលីនិងមរណ:នេះធ្វើឡើងនៅព្រឹកថ្ងៃទី ២៨ ខែធ្នូ ឆ្នាំ២០២៣ នៅស្នងការរដ្ឋាននគរបាលខេត្តពោធិ៍សាត់។

មានប្រសាសន៍សំណេះសំណាលក្នុងឱកាសនេះ លោកឧត្តមសេនីយ៍ទោ ស ថេង បានពាំនាំនូវការសួរសុខទុក្ខ និងថ្លែងអំណរគុណពីសំណាក់ថ្នាក់ដឹកនាំក្រសួងមហាផ្ទៃ និងអគ្គស្នងការនគរបាលជាតិ ដែលជាមន្ត្រីនគរបាលជាតិចូលនិវត្តន៍ ព្រមទាំងបងប្អូនដែលបានទទួលមរណភាពទៅហើយក្តី បានលះបង់កម្លាំងកាយចិត្ត បម្រើការពារសុខសន្តិភាព សុវត្ថិភាព សណ្តាប់ធ្នាប់ជូនជាតិមាតុភូមិ និងបងប្អូនប្រជាពលរដ្ឋ នាពេលកន្លងមក។

លោកស្នងការបន្តថា សូមបងៗមេត្តាបន្តចូលរួមរក្សាការពារសុខសន្តិភាព និងជឿទុកចិត្តលើថ្នាក់ដឹកនាំ រាជរដ្ឋាភិបាល ដើម្បីរក្សាបានការអភិវឌ្ឍន៍ប្រទេសជាតិ មានការរីកចម្រើនលើគ្រប់វិស័យ ទន្ទឹមនេះលោកឧត្តមសេនីយ៍ទោស្នងការ បានអំពាវនាវសូមឲ្យបងប្អូនជាមន្ត្រីនគរបាលចូលនិវត្តន៍ ចូលរួមផ្តល់ព័ត៌មានមកដល់កងកម្លាំង ក្នុងការ បង្ការ ទប់ស្កាត់ បង្រ្កាប រាល់បទល្មើសគ្រប់ប្រភេទ ជាពិសេសបទល្មើសគ្រឿងញៀន និងអប់រំដល់កូនចៅជំនាន់ក្រោយ អំពីចំណេះដឹង ផលប៉ះពាល់នៃគ្រឿងញៀន និងចូលរួមគោរពច្បាប់ចរាចរណ៍ផ្លូវគោក។

ថវិកាដែលត្រូវប្រគល់ជូនចំនួន ៤៤៩,២០០,០០០រៀល ថវិកាគោលនយោបាយជូនគ្រួសារសពមន្ត្រីនគរបាលពលី ចំនួន០១គ្រួសារ ថវិកាចំនួន ៤១,៧១៧,៥០០រៀល និងថវិកាគោលនយោបាយជូនគ្រួសារសពមន្ត្រីនគរបាលទទួលមរណភាពចំនួន ០៦គ្រួសារ ថវិកាចំនួន ១២១,៩៨០,០០០រៀល ដែលថវិកាសរុបទាំងអស់មានចំនួន ៦១២,៨៩៧,៥០០រៀល។

ក្រោយពេលដែលទទួលថវិការពីលោកស្នងការនគរបាលខេត្តពោធិ៍សាត់រូចហើយ មន្រ្តីនគរបាលចូលនិវត្តន៍ និងក្រុមគ្រួសារពលី និងមរណ:បានថ្លែងអំណរគុណដល់ថ្នាក់ដឹកនាំគ្រប់ជាន់ថ្នាក់ និងលោកស្នងការជាមួយក្រុមការងារ សូមជូនពរឲ្យសុខចម្រើនមានសុខភាពល្អ ដើម្បីបន្តដឹកនាំប្រទេសកាន់តែបន្តអភិវឌ្ឍន៍ទៅមុខទៀត៕

អត្ថបទ៖ លាន គ្រន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

នាយករដ្ឋមន្ត្រី ឧបត្ថម្ភថវិកាសរុប៥០ម៉ឺនដុល្លារ ដល់សមាគមសិល្បករខ្មែរ​

ព័ត៌មានជាតិ៦ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ ចេញ​សេចក្តីប្រកាស​ព័ត៌មាន​បង្ហាញ​ពី​កិច្ចខិតខំ​ប្រឹងប្រែង​ក្នុង​ការ​ជួយ​ពលការ​នី​ខ្មែរ​នៅ​ប្រទេស​អា​រ៉ា​ប៊ី​សា​អូឌីត

ព័ត៌មានជាតិ៦ ម៉ោង មុន

សម្ដេចធិបតី​ បញ្ជាឱ្យរៀបចំប្រកួតក្បាច់គុនល្បុកតោ គុនខ្មែរ ខម ស្រងែពែន​  ដើម្បីគាស់រំលើងក្បាច់គុនឡើងវិញ

ព័ត៌មានជាតិ៦ ម៉ោង មុន

សម្ដេចធិបតី ណែនាំឱ្យសមាគមសិល្បករខ្មែរ​ ជួយចាស់ជរា ក្មេងកំព្រា   និងបន្តជួយទ្រទ្រង់ជីវភាពសិល្បករចាស់ជរា

ព័ត៌មានជាតិ៦ ម៉ោង មុន

ឯកឧត្ដម ហ៊ុន ម៉ានី អញ្ជើញចូលរួមគោរពវិញ្ញាណក្ខន្ធ ព្រឹទ្ធមហាឧបាសិកាពុទ្ធសាសនូបត្ថម្ភក៏ គង់ ម៉ាលី

Sokha Hotels

ព័ត៌មានពេញនិយម