Connect with us

ព័ត៌មានជាតិ

អភិបាលរង​ខេត្ត​បាត់ដំបង ​ផ្អាក​មិន​ឲ្យ​រថយន្ត​ធុន​តូច​ដឹកទំនិញ ឆ្លងកាត់​តាម​ច្រកព្រំដែន ជា​បណ្តោះអាសន្ន

បានផុស

នៅ

​​ក្នុង​កិច្ចប្រជុំ​បន្ទាន់​មួយ​ ពាក់ព័ន្ធ​បញ្ហា​ពលករ​ឆ្លងដែន​មកពី​ថៃ​ បាន​គេចវេះ​មិន​ចូលរួម​ទប់ស្កាត់​ការរីក​រាលដាល​នៃ​ជំងឺ​កូ​វីដ​១៩​ជាមួយ​រាជរដ្ឋាភិបាល​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​ សឿ​ម ​ប៊ុន​រឹទ្ធ ​អភិបាលរង​ខេត្ត​បាត់ដំបង​ បានលើកឡើង​ នៅ​ក្នុង​កិច្ចប្រជុំ​នេះ​កាលពី​រសៀល​ថ្ងៃ​ទី​១៣​ ខែ​កុម្ភៈ​ ឆ្នាំ​២០២១​ថា ​សមត្ថកិច្ច​ប្រចាំ​ នៅ​ច្រក​អន្តរជាតិ​និង​ច្រក​តំបន់​តាម​ស្រុក​ជាប់​ព្រំដែន​ មាន​ដូច​ជា​ស្រុក​កំរៀង​ភ្នំព្រឹក​និង​សំពៅ​លូន ​ត្រូវតែ​បង្កើន​ការប្រុងប្រយ័ត្ន​ធ្វើការ​ត្រួតពិនិត្យ​ ដោយ​រឹតបន្តឹង​ឲ្យ​បាន​ម៉ឺងម៉ាត់​បំផុត​ពាក់ព័ន្ធ​លំហូរ​ការ​វិលត្រឡប់​របស់​ព​លករ​មកពី​ប្រទេស​ថៃ​ តាម​ច្រក​នានា​និង​ឆ្លង​អូរ​ព្រំដែន​ ក្នុង​ដែន​សមត្ថកិច្ច​កំពុង​ទទួលខុសត្រូវ​ ដោយ​មិន​ត្រូវ​ឲ្យ​មាន​ពលករ​គេចវេះ​ពី​ការ​ធ្វើ​ច​ត្តា​ឡី​ស័ក​បានជា​ដាច់ខាត​។

កិច្ចប្រជុំ​បន្ទាន់​ខាងលើ​ធ្វើឡើង ​ខណៈ​ដែល​មាន​រថ​យន្ត​ដឹកទំនិញ​ធុន​តូច​មួយ​ចំនួន​មិនបាន​សហការ​ជាមួយ​សមត្ថ​កិច្ចការពា​រ​ព្រំដែន​ ក្នុង​ការ​ទប់ស្កាត់​ការរីក​រាលដាល​នៃ​ជំងឺ​កូ​វីដ​១៩​នឹង​បាន​ឃុបឃិត​ជាមួយ​មេខ្យល់​លួច​នាំ​ពលករ​ពី​ប្រទេស​ថៃ​ឆ្លងដែន​មក​ស្រុកកំណើត​ ដោយ​មានការ​គេចវេះ​ពី​ការ​ធ្វើ​ច​ត្តា​ឡី​ស័ក​ ទើប​អាជ្ញាធរខេត្ត​បាត់ដំបង​ បានសម្រេច​ប្រកាស​ផ្អាក​មិន​ឲ្យ​រថយន្ត​ប្រភេទ​ធុន​តូច​ដឹកទំនិញ​ឆ្លងកាត់​ព្រំដែន​ច្រក​អន្តរជាតិ​ដូង​(​ឡែ​ម​)​ជា​បណ្ដោះអាសន្ន​សិន​។ លោក​បាន​បន្តថា បើទោះបី​កន្លងទៅ​ អាជ្ញាធរខេត្ត​ដែល​ដឹកនាំ​ដោយ​លោក ​ងួន រត​នះ​ បាន​ចុះ​ធ្វើការ​ផ្តាំផ្ញើ​ដល់​ពលរដ្ឋ​ ដែល​រស់​នៅ​តាម​បន្ទាត់​ព្រំដែន​ហើយ​ក៏​ដោយចុះ ​ក៏​ពលរដ្ឋ​ទាំងនោះ​នៅតែ​ផ្សំ​រួមគំនិត​និង​ឃុបឃិត​ជាមួយ​ពលករ​មួយ​ចំនួន​ ក្នុង​ការ​បិទបាំង​លាក់​បំពួន​ ដើម្បី​ឲ្យ​ពលករ​គេចវេះ​ពី​ការ​ត្រួតពិនិត្យ​នូវ​វិធាន​សុខាភិបាល​ការ​ដាក់​ឲ្យ​ធ្វើ​ច​ត្តា​ឡី​ស័ក​ នៅ​តាម​មណ្ឌល​ដដែល​។

​ស្រប​ជាមួយគ្នានេះដែរ​ លោក​ សឿ​ម ប៊ុន​រឹទ្ធ​ អភិបាលខេត្តរង​ក៏បាន​ព្រមាន​ដល់​គ្រប់​កម្លាំង​សមត្ថកិច្ច​ ដែល​ពាក់ព័ន្ធ​ក្នុង​ការ​ឃុបឃិត​និង​បន្ត​ឲ្យ​មាន​ពលករ​នៅតែ​បន្ត​គេចវេះ​ ដោយ​ប្រើ​មធ្យោបាយ​ក្នុង​ការ​ឃុបឃិត​បង្វែង​ដាន​លួចលាក់​ដឹក​ពលករ​មិនបាន​ធ្វើ​ច​ត្តា​ឡី​ស័ក ​ត្រូវ​ទទួលខុសត្រូវ​និង​ប្រឈម​ចំពោះ​មុខ​ច្បាប់​ ផង​ដែរ​ បើសិនជា​រក​ឃើញ​ថា​ មាន​បែបនេះ​។

​តាមរយៈ​កិច្ចប្រជុំ​នេះ​ គណបញ្ជាការ​ឯក​ភាពរ​ដ្ឋ​បាល​ខេត្ត​បាត់ដំបង​ បានដាក់​ចេញ​នូវ​វិធាន​តឹងរឹង​បំផុត​ ក្នុង​ការ​ផ្អាក​ធ្វើ​ចរាចរណ៍​របស់​រថ​យន្ត​ធុន​តូច​ ដែល​បាន​ចូល​ទៅ​ដឹកទំនិញ​ឆ្លង​ចេញ​ចូល​ទៅ​មកពី​ប្រទេស​ថៃ​ តាម​ច្រក​ព្រំដែន​អន្តរជាតិ​ដូង​ស្ថិត​ក្នុងស្រុក​កំរៀង​ដោយ​បញ្ឈប់​ជាបន្ទាន់ ​ក្នុង​ការ​អនុញ្ញាត​ឲ្យ​រថយន្ត​ខាងលើ​ទាំងនោះ​បន្តសកម្មភាព​ចេញចូល​និង​ឆ្លងកាត់​ទៅ​ដឹកទំនិញ​នៅ​ក្នុង​ផ្សារ​ថៃ​បន្ត​ទៀត​ ចាប់ពី​ចេញ​បទបញ្ជា​នេះ​តទៅ​រង់ចាំ​ការសម្រេច​ពី​អាជ្ញាធរខេត្ត​ជាថ្មី​ម្តងទៀត ​នៅ​ពេល​ក្រោយ​តាម​ដែល​អាច​ធ្វើ​បាន​៕​

អត្ថបទ៖ សៅ សារិទ្ធ

សូមចុចអាន៖ ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៥៥ នាទី មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៥៩ នាទី មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ១ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ២ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

ជីវិតកម្សាន្ដ២ ម៉ោង មុន

នេន ទុំ ប្រកាស​ផលិតចម្រៀង​បន្សល់ទុកស្នាដៃចុងក្រោយដល់​វីរ:សិល្បករអាយ៉ៃលោក ព្រហ្ម ម៉ាញ 

Sokha Hotels

ព័ត៌មានពេញនិយម