Connect with us

ព័ត៌មានជាតិ

​ព្រះអង្គ ប៉ោ សុខឿន​ ត្រូវបាន​តែងតាំងជាព្រះអនុគណក្រុងប៉ោយប៉ែតថ្មី ជំនួសព្រះអង្គ ប៉ុក ចំរើន ដែលលាចាកសិក្ខាបទក្រោយផ្ទុះរឿងអាស្រូវ

បានផុស

នៅ

​មន្ត្រីសង្ឃខេត្តបន្ទាយមានជ័យ សហការជាមួយប្រធានមន្ទីរធម្មការ និងសាសនាខេត្ត នៅព្រឹកថ្ងៃទី ២៥ ខែមករា ឆ្នាំ ២០២៤បានបើកកិច្ចប្រជុំជ្រើស​តាំង​ព្រះអង្គ ប៉ោ សុខឿន ព្រះចៅអធិការវត្តកូនដំរី ជាព្រះគ្រូអនុគណក្រុងប៉ោយប៉ែតថ្មី ជំនួសអន្ទិត ប៉ុក ចំរើន អតីតអនុគណក្រុងប៉ោយប៉ែត ដែលបានលាចាកសិក្ខាបទ បន្ទាប់ពីបែកធ្លាយ​រឿងអាស្រូវ​ស្រ្តីម្នាក់ប្តឹងពីបទរំលោភសេពសន្ថវៈ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​​លោក បៀវ ថាន ប្រធានមន្ទីរធម្មការ និងសាសនាខេត្តបន្ទាយមានជ័យបានប្រាប់សារព័ត៌មានថា កិច្ចប្រជុំជ្រើសរើស និងតែងតាំងព្រះមន្ត្រីសាលាក្រុងប៉ោយប៉ែត​នៅថ្ងៃនេះមានសារៈ​សំខាន់សម្រាប់ធ្វើការដឹកនាំគ្រប់គ្រងបន្តទៀត ព្រោះថា រាជរដ្ឋាភិបាលកម្ពុជា ត្រូវ​ការវត្តមាន និងការចូលរួមទាំងសម្ភារៈ បញ្ញាញាណ ពីសំណាក់ព្រះតេជគុណគ្រប់ព្រះអង្គ ដើម្បីរួមគ្នាកសាងកម្ពុជាឲ្យក្លាយទៅជាសង្គមមួយគ្មានអំពើហិង្សា និងរួមចំណែក​​ធ្វើឲ្យសង្គមជាតិយើងមានភាពរឹងមាំប្រកបដោយចំណេះដឹង មានសីលធម៌ គុណធម៌ និងសាមគ្គីគ្នា។

ព្រះវិជ័យមុនី ធុល សុធាព្រះមេគណខេត្ត បានមានសង្ឃដីកាថា ឱ្យព្រះមន្ត្រីសង្ឃនៃក្រុងប៉ោយប៉ែត ត្រូវរួបរួមគ្នារក្សានូវ​សុខសន្តិភាព សាមគ្គីផ្ទៃក្នុង រម្ងាប់អធិករណ៍ ដែលកើតមានឡើង ខណៈសាមគ្គីភាពគឺជាចលករ​នៃសន្តិភាព។

លោក យឹម សំណាង អភិបាលរងខេត្តបន្ទាយមានជ័យមានប្រសាសន៍ដែរថា តាមរយៈការប្រកាសតែងតាំង មន្រ្តីសង្ឃថ្មីនេះ ប្រជាពលរដ្ឋដែលកាន់ពុទ្ធសាសនា ក៏ដូចជាពុទ្ធបរិស័ទ ដែលតែងតែគាំទ្រលើវិស័យពុទ្ធសាសនា សូមឲ្យអាជ្ញាធរក៏ដូចមន្ទីរជំនាញ ព្រះមេគណខេត្ត និងព្រះអនុគណក្រុង ស្រុកទាំងអស់ ធ្វើយ៉ាងណាឲ្យព្រះសង្ឃ ប្រកាន់ខ្ជាប់នូវធម៌វិន័យ ចៀសវាងការប្រកាន់បក្ខពួក បង្កអធិករណ៍ ធ្វើឲ្យប្រជាពុទ្ធបរិស័ទ បាត់បង់នូវជំនឿ ដែលជះឥទ្ធិពលអាក្រក់ដល់ព្រះពុទ្ធសាសនា៕

អត្ថបទ៖ វ៉ាន់ណាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៩ នាទី មុន

អ្នកវិទ្យាសាស្រ្តរកឃើញថ្នាំ ជួយអ្នកខ្ជិលហាត់ប្រាណ ឲ្យឡើងសាច់ដុំដូចគេដូចឯង

ព័ត៌មានជាតិ៣៥ នាទី មុន

រដ្ឋបាលខេត្តបាត់ដំបងត្រៀមរៀបចំព្រឹត្តិការណ៍សង្ក្រាន្តរយៈពេល ៥ ថ្ងៃ

ព័ត៌មានអន្ដរជាតិ៦ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ១០ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១០ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

Sokha Hotels

ព័ត៌មានពេញនិយម