ព័ត៌មានជាតិ

ផ្លូវបាក់ស្រុតនៅអូរងើយខេត្តមណ្ឌលគិរី បានស្ថាបនាឡើងវិញរួចរាល់ជាស្ថាពរ

បានផុស

១២ ខែ មុន

នៅ

ថ្ងៃសុក្រ ៥ មេសា ២០២៤

ដោយ

ផ្លូវតភ្ជាប់លើកំណាត់ផ្លូវជាតិលេខ៧៦ ដែលបាក់ស្រុតដោយសារជំនន់ទឹកភ្លៀងកាលពីខែសីហា ឆ្នាំ២០២៣ បានស្ថាបនាឡើងវិញរួចរាល់ជាស្ថាពរនិងបានបើកឱ្យធ្វើចរាចរជាធម្មតាវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កំណាត់ផ្លូវជាតិលេខ៧៦ ដែលបានបាក់ស្រុតដោយសារជំនន់ទឹកភ្លៀង មានទីតាំងនៅត្រង់ចំណុចអូរងើយ ក្នុងភូមិអណ្ដូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី (ចន្លោះ PK94+080 – PK94+150)។

បច្ចុប្បន្ននេះ ការស្ថាបនាផ្លូវថ្មីតភ្ជាប់ឡើងវិញប្រវែង ៤២៥ម៉ែត្រ(PK93+900-PK94+325) សម្រេចរួចរាល់១០០% ព្រមទាំងបានបើកឱ្យធ្វើចរាចរណ៍ជាធម្មតា។

ក្នុងដំណើរនិវត្តមកកាន់រាជធានីភ្នំពេញ នាថ្ងៃទី០៤ ខែមេសា នេះ លោក ប៉េង ពោធិ៍នា រដ្ឋមន្រ្តីក្រសួងសាធារណការនិងដឹកជញ្ជូន ក៏បានដឹកនាំគណៈប្រតិភូក្រសួងនិងមន្ត្រីជំនាញបច្ចេកទេសពាក់ព័ន្ធ ចុះត្រួតពិនិត្យគុណភាពសំណង់ ដោយក្នុងឱកាសនោះលោករដ្ឋមន្ត្រីរំពឹងថា ក្រោយបើកឱ្យធ្វើចរាចរណ៍ជាធម្មតាវិញនេះនឹងទទួលបានការធ្វើដំណើរច្រើនពីសំណាក់អ្នកទេសចរ ក្នុងឱកាសបុណ្យចូលឆ្នាំថ្មីប្រពៃណីជាតិ នាពេលខាងមុខផងដែរ៕