ព័ត៌មានជាតិ
អាជ្ញាធរស្រុកសេសាន បង្កើតព្រឹត្តិការណ៍សប្បាយៗ សង្ក្រាន្តឆ្នាំ ២០២៤
អាជ្ញាធរស្រុកសេសានបានបង្កើតព្រឹត្តិការណ៍សប្បាយៗ រៀបចំសង្ក្រាន្តឆ្នាំ២០២៤ នៅបរិវេណវត្តជ័យមង្គល (ហៅវត្តកំភុន) និងផ្ដល់ឱកាសឲ្យកសិករនាំយកផលិតផលកសិកម្មមកដាក់តាំងលក់ដើម្បីបង្កើតទំនាក់ទំនងផ្នែកទីផ្សារកសិផលបន្ថែមទៀត។
![](https://www.kampucheathmey.com/wp-content/uploads/2024/04/photo_2024-04-08_19-06-53-1-1024x768.jpg)
ការរៀបចំចង្ក្រាន្តឆ្នាំថ្មី២០២៤ នៅក្នុងបរិវេណវត្តជ័យមង្គល ស្រុកសេសានខេត្តស្ទឹងត្រែងនៅថ្ងៃទី ០៨ ខែមេសាឆ្នាំ២០២៤ លោក សុវណ្ណ ពិសេដ្ឋ អភិបាលស្រុកសេសាន បានបញ្ជាក់ថា៖ សង្ក្រាន្តឆ្នាំថ្មីប្រពៃណីជាតិខ្មែរឆ្នាំ២០២៤ និងចាប់ផ្ដើមពីថ្ងៃទី ១១ ដល់ថ្ងៃទី ១២ មេសា ដោយមានការចូលរួមពីរថ្នាក់ដឹកនាំ ព្រះសង្ឃ មន្ត្រីរាជការព្រមទាំងប្រជាពលរដ្ឋផងដែរ។
លោកអភិបាលស្រុកបន្តថា នេះពិតជាមានមោទនភាពណាស់ក្នុងពិធីអបអរសាទរព្រឹត្តិការណ៍សប្បាយៗក្នុងឆ្នាំថ្មី ព្រោះព្រឹត្តិការណ៍នេះបានប្រារព្ធឡើងនាំមកនូវបរិយាកាស ប្រកបដោយមនោសញ្ចេតនារីករាយ សាមគ្គីភាព មិត្តភាព ស្ថិតក្រោមដំបូលសន្តិភាព និងក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។
![](https://www.kampucheathmey.com/wp-content/uploads/2024/04/photo_2024-04-08_19-06-53-2-1-1024x768.jpg)
លោកបន្តថា៖ សង្ក្រាន្តឆ្នាំថ្មីនេះបានកើតចេញពីកត្តាសាមគ្គីគ្នាភាព រវាងថ្នាក់ដឹកនាំមន្ត្រីរាជការ និងបងប្អូនប្រជាពលរដ្ឋនៅក្នុងមូលដ្ឋាន ជាពិសេសទទួលបានការជួយឧបត្ថមគាំទ្រទាំង ស្មារតី សម្ភារៈ និងថវិកាពីសប្បុរសជននានា ហើយធនធានទាំងនេះបានជំរុញឱ្យព្រឹត្តិការណ៍សង្ក្រាន្តដំណើរការទៅបាន តាមការគ្រោងទុក និងបានលើកតម្កើងប្រពៃណីវប្បធ៌មរបស់ជាតិយើងឱ្យកាន់តែមានភាពថ្កុំថ្កើងឡើងថែមទៀត។
ព្រះតេជគុណ ជុំ ខេង ចៅអធិការវត្តជ័យមង្គល មានសង្ឃដីការថា៖ ទំនៀមទម្លាប់នេះយើងមិនអាចមើលរំលងបានទេ ព្រោះជាបទពិសោធន៍មួយ ដែលចាសទុំបាន ដឹកនាំកូនចៅយើងលេង ល្បែងប្រជាប្រៃយ៍ខ្មែរ ដូចជាបោះអង្គុញ ចោលឈូង ទាញព្រ័ត្រ លាក់កន្សែង ក្រុងមាន់ ជាដើម។
![](https://www.kampucheathmey.com/wp-content/uploads/2024/04/photo_2024-04-08_21-51-03-2-1024x576.jpg)
ព្រះតេជគុណមានសង្ឃដីការបន្តថា៖ ក្នុងព្រឹត្តិការណ៍នេះ យុវជន ត្រូវសិក្សាកត់ចំណាំទុក ហើយរួមគ្នាប្រតិបត្តិតាមប្រពៃណីឱ្យបានត្រឹមត្រូវ ព្រោះយុវជនជាអ្នកស្នងអភិរក្សគ្រប់កិច្ចការទាំងឡាយទាំងពួង តទៅអនាគត។
អ្នកស្រី ឃុន លីនដា ប្រជាពលរដ្ឋរស់នៅភូមិឃុំកំភុនបានបញ្ជាក់ថា៖ ផ្តើមចេញពីការខិតខំប្រឹងប្រែងនេះ យុវជន និងបានចេះបានចាំចំណាំទុក ហើយភាពសប្បាយរីករាយក៍បានទាក់ទាញ ភ្ញៀទេចរមកកម្សាន្តច្រើន ការលក់ដូរក៏ទទួលបានប្រាក់ចំណូល។
![](https://www.kampucheathmey.com/wp-content/uploads/2024/04/photo_2024-04-08_21-51-03-1024x576.jpg)
អ្នកស្រីនឹងខិតខំរៀបចំទៅតាមការណែនាំរបស់អាជ្ញាធរ ដើម្បីបម្រើសេវាកម្មឱ្យល្អ រៀបចំកន្លែងមានតុមានអីទុកឲ្យភ្ញៀវគាត់មកគាត់ស្រួល អង្គុយហូបបុកល្ហុង សាច់គោអាំង ស្លាប់មាន់អីមានច្រើនទៀតអញ្ចឹង ជាលក្ខណៈដូចយើងលក់សាច់អាំងអីយើងច្រើនទិញមកវិញមកពីផ្សារ បន្លែ នឹងច្រើនតែបន្លែធម្មជាតិក្នុងស្រុក បន្លែប្រមូលទិញតាមភូមិដោយសារធម្មជាតិ។
សូមបញ្ចាក់ថា៖ ក្នុងពិធីសង្ក្រាន្តនេះអាជ្ញាធរស្រុកបានរៀបចំឱ្យបានស្តង់សម្រាប់កសិករលក់ ដូរផលិតផលកសិកម្មចំនួនជាង៣០ស្តង់ និងតម្រូវឱ្យអាជ្ញាធរឃុំនិមួយៗ សហការជាមួយប្រជាកសិករ និងបងប្អូនអាជីវករលក់ដូរចំណីអាហារ និងវត្ថុអនុស្សាវរីយ៍សម្រាប់ភ្ញៀវទេសចរផងដែរ៕
![](https://www.kampucheathmey.com/wp-content/uploads/2024/04/photo_2024-04-09_04-39-15-2.jpg)
![](https://www.kampucheathmey.com/wp-content/uploads/2024/04/photo_2024-04-09_04-39-15-1024x576.jpg)
អត្ថបទ៖ ងិនលីម
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៥ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៥ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៣ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ១ សប្តាហ៍ ago
UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី