ព័ត៌មានជាតិ

មន្ត្រីរាជការក្នុងខេត្តបន្ទាយមានជ័យនាំគ្នាចូលរួមចាក់វ៉ាក់សាំងដើម្បីបង្ការជំងឺកូវីដ១៩

Published

1 day ago

February 24, 2021

រដ្ឋបាលខេត្តបន្ទាយមានជ័យ រដ្ឋបាលស្រុក ក្រុង ក្នុងខេត្តបន្ទាយមានជ័យ បាននាំគ្នាចូលរួមចាក់វ៉ាក់សាំងបង្ការកូវីដ១៩ ដែលជាខេត្តមានព្រំប្រទល់ជាប់នឹងប្រទេសថៃបានដំណើរការរដោយលូននៅព្រឹកថ្ងៃទី២៤ ខែកុម្ភៈ ឆ្នាំ២០២១ នៅ៤ទីតាំងក្នុងនោះមានអ្នកចូលរួម លោក អ៊ុំ រាត្រី អភិបាលខេត្ត លោក ខេង ស៊ុម ប្រធានក្រុមប្រឹក្សាខេត្ត អភិបាលរងខេត្ត អភិបាលរងក្រុង ស្រុក ក្រុមការងារ បានចូលរួមក្នុងយុទ្ធនាការមុនគេ។

លោកវេជ្ជបណ្ឌិត ឡេ ច័ន្ទសង្វាត ប្រធានមន្ទីរសុខាភិបាលខេត្តបន្ទាយមានជ័យ ដែលបានចាក់វ៉ាក់សាំងខ្លួនលោកដែរនោះបានឲ្យដឹងថា ដំណើរការដំបូងនៃយុទ្ធនាការនេះ បានប្រព្រឹត្តទៅដោយរលូន ចំណែកលោកវេជ្ជបណ្ឌិត ចន្ទវិឌ្ឍី ណាវុឌ្ឍ ប្រធានមន្ទីរពេទ្យខេត្តមិត្តភាពកម្ពុជា ជប៉ុន បានឲ្យដឹងថាទីតាំង បុគ្គលិកបម្រើការនិងទីតាំងបានរៀបចំរួចហើយដំណើរការប្រព្រឹត្តទៅដូចការគ្រោងទុក ទីតាំងដែលបើកផ្តល់ការចាក់វ៉ាក់សាំងចិនស៊ីណូហ្វាមបង្ការជំងឺកូវីដ.១៩ លើកដំបូងនៅខេត្តបន្ទាយមានជ័យនោះ មានបួនទីតាំងគឺ ១មន្ទីរពេទ្យខេត្តមិត្តភាព កម្ពុជា ជប៉ុន មង្គលបូរី ២នៅមន្ទីរពេទ្យបង្អែកស្រុកថ្មពួក ៣មន្ទីរពេទ្យបង្អែក ក្រុងប៉ោយប៉ែត និង៤មន្ទីរពេទ្យបង្អែកស្រុកព្រះនេត្រព្រះ ៕

អត្ថបទ ៖ វ៉ាន់ ណាង