ព័ត៌មានជាតិ

សភាពាណិជ្ជកម្មត្រកូលលីនពិភពលោក ចង់សិក្សាលម្អិតពីការវិនិយោគនៅកម្ពុជា

បានផុស

២ years មុន

នៅ

ថ្ងៃសុក្រ ៣១ ឧសភា ២០២៤

ដោយ

ក្នុងជំនួបសម្ដែងការគួរសម និងពិភាក្សាការងារ ជាមួយលោក ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា នាថ្ងៃទី៣០ ខែឧសភា ម្សិលមិញនេះ ប្រតិភូសភាពាណិជ្ជកម្មត្រកូលលីនពិភពលោក បានបង្ហាញចំណាប់អារម្មណ៍ ដែលចង់ឱ្យមានការរៀបចំការសិក្ខាសាលាសិក្សាលម្អិត អំពីកាលានុវត្តភាពវិនិយោគកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅចំពោះមុខ លោក ស៊ុន ចាន់ថុល ប្រតិភូសភាពាណិជ្ជកម្មត្រកូលលីនពិភពលោកបានបង្ហាញចំណាប់អារម្មណ៍របស់ខ្លួន ក្នុងការរៀបចំឱ្យមានសិក្ខាសាលាអំពីកាលានុវត្តភាពវិនិយោគនៅកម្ពុជានៅទីស្ដីការក្រុមប្រឹក្សាអភិវឌ្ឍន៍កម្ពុជា ដែលសភាពាណិជ្ជកម្មត្រកូលលីនពិភពលោករំពឹងនឹងមានវិនិយោគិនជាសមាជិករបស់ខ្លួនប្រមាណ ៥០០ នាក់ចូលរួម។

ទន្ទឹមនោះ សភាពាណិជ្ជកម្មបានគោរពអញ្ជើញ លោក ស៊ុន ចាន់ថុល បំពេញទស្សនកិច្ចចុះពិនិត្យរោងចក្ររបស់ខ្លួនលើវិស័យសុខាភិបាលដោយផ្ទាល់នៅឱកាសណាមួយ។

ក្នុងឱកាសនោះដែរ លោក ស៊ុន ចាន់ថុល ក៏បានគូសបញ្ជាក់ពីបរិយាកាសវិនិយោគនៅកម្ពុជា ពិសេសច្បាប់វិនិយោគដែលបង្កភាពងាយស្រួលដល់វិនិយោគិន រួមមានការផ្ដល់ការលើកទឹកចិត្តក្នុងគម្រោង និងភាពបើកចំហររបស់កម្ពុជាក្នុងការទទួលរាល់វិនិយោគិនពីគ្រប់បណ្ដាប្រទេស។ បន្ថែមពីនេះ រាជរដ្ឋាភិបាលកម្ពុជាបានបង្កភាពងាយស្រួល និងប្រទាក់ក្រឡាជូនដល់វិនិយោគិន តាមរយៈការកសាងហេដ្ឋារចនាសម្ព័ន្ធគាំទ្រទាំងផ្លូវគោក ផ្លូវទឹក និងផ្លូវអាកាសផងដែរ៕

Related Topics:លោក ស៊ុន ចាន់ថុល

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា