ព័ត៌មានជាតិ
ក្រសួងការងារ នឹងជំរុញការចុះធ្វើអធិការកិច្ចការងារនៅតាមរោងចក្រជួលផលិតបន្ត ដើម្បីលើកកម្ពស់ខ្សែច្រវាក់ផលិតកម្មឱ្យកាន់តែប្រសើរ
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅរសៀលថ្ងៃទី ២៤ មិថុនា នេះថា ក្រសួង នឹងជំរុញការចុះធ្វើអធិការកិច្ចការងារ នៅតាមរោងចក្រជួលផលិតបន្ដ ដើម្បីលើកកម្ពស់ខ្សែច្រវាក់ផលិតកម្មឱ្យកាន់តែប្រសើរ និងស្របតាមបទដ្ឋានអន្តរជាតិខាងការងារ។
លោកបានបន្តថា តាមផែនការសកម្មភាព នៃការរៀបចំការចុះធ្វើអធិការកិច្ចការងារនៅតាមសហគ្រាសគ្រឹះស្ថាន ក្រសួងបានកំណត់ផែនការសកម្មភាព ក្នុងការចុះធ្វើអធិការកិច្ចការងារ ដោយកំណត់ទៅលើវិស័យជាអាទិភាព ដែលក្នុងនោះរួមមានវិស័យកម្មសាល វិស័យឧស្សាហកម្មទេសចរណ៍ វិស័យកសិកម្ម និងវិស័យសំណង់។
លោកបានបន្តទៀតថា ក្នុងន័យនេះ ការចុះធ្វើអធិការកិច្ចការងារ គឺដើម្បីលើកកម្ពស់ការអនុវត្តលក្ខខណ្ឌទូទៅ នៃការងារ លក្ខខណ្ឌសុខភាព និងសុវត្ថិភាពការងារនៅកន្លែងធ្វើការ និងលក្ខខណ្ឌពាក់ព័ន្ធនឹងរបបសន្តិសុខសង្គម (ប.ស.ស)។
លោកបានបន្ថែមថា ដោយឡែកការចុះធ្វើអធិការកិច្ចការងារនេះយើងមិនមានកំណត់ទៅលើលក្ខណៈសហគ្រាស គ្រឹះស្ថាន ជាការចុះកិច្ចសន្យាម៉ៅការបន្ដនោះទេ។ ប៉ុន្តែជារួម គឺសហគ្រាស គ្រឹះស្ថានទាំងអស់នោះគឺមានក្នុងផែនការអធិការកិច្ចការងារ ស្របតាមសហគ្រាស គ្រឹះស្ថានក្នុងវិស័យអាទិភាពដែលមានកំណត់ក្នុងផែនការយុទ្ធសាស្ត្រអភិវឌ្ឍន៍វិស័យការងារ សន្តិសុខសង្គម និងបណ្ដុះបណ្ដាលវិជ្ជាជីវៈ ២០២៤-២០២៨។
លោកបានបន្ថែមទៀតថា ផ្អែកតាមផែនការយុទ្ធសាស្ត្រអភិវឌ្ឍន៍វិស័យការងារ សន្តិសុខសង្គម និងបណ្ដុះបណ្ដាលវិជ្ជាជីវៈ ២០២៤-២០២៨ ដើម្បីជំរុញបន្ថែមនូវយន្តការត្រួតពិនិត្យអនុលោមភាពលក្ខខណ្ឌការងារ នៅក្នុងខ្សែច្រវាក់ផលិតកម្មរបស់សហគ្រាស គ្រឹះស្ថាន រួមទាំងការជួលផលិតបន្ដ ឱ្យកាន់តែល្អប្រសើរ ស្របតាមបទដ្ឋានអន្តរជាតិខាងការងារ ក្រសួងនឹងជំរុញការចុះធ្វើអធិការកិច្ចការងារ ដោយផ្អែកលើកម្រិតហានិភ័យរបស់សហគ្រាស គ្រឹះស្ថាន ជាពិសេសត្រួតពិនិត្យអនុលោមភាពលក្ខខណ្ឌការងារនៅក្នុងខ្សែច្រវាក់ផលិតកម្ម រួមទាំងការជួលផលិតបន្ដ និងការប្រើប្រាស់ពលកម្មគាំទ្រពាក់ព័ន្ធ។
លោក កត្តា អ៊ន បានបញ្ជាក់ថា ទន្ទឹមនឹងនេះ ក្នុងផែនការសកម្មភាព នៃកិច្ចសហការជាមួយគម្រោងរោងចក្រកាន់តែប្រសើរនៅកម្ពុជា (ILO-BFC) បានកំណត់អំពីសារៈសំខាន់ក្នុងការរៀបចំយន្ដការគ្រប់គ្រងការជួលផលិតបន្ដរបស់រោងចក្រ សហគ្រាស ក្នុងវិស័យនាំចេញវាយនភណ្ឌ និងកាត់ដេរសម្លៀកបំពាក់ និងផលិតផលធ្វើដំណើរ និងកាបូប។
ផ្អែកតាមរបាយការណ៍ស្វ័យប្រកាសអធិការកិច្ចការងារតាមប្រព័ន្ធស្វ័យប្រវត្ដិកម្ម (SICMS) បំពេញដោយសហគ្រាស គ្រឹះស្ថាន នៅក្នុងឆ្នាំ ២០២៣ មានរោងចក្រដែលមានលក្ខណៈជាការីយភារី (ម៉ៅការបន្ត) មានចំនួនសរុប ២២ និងកម្មករ-និយោជិតសរុបប្រមាណចំនួន ១២ ៧២៩ នាក់៕
អត្ថបទ ៖ សំអឿន
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៦ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ