ព័ត៌មានជាតិ
ថ្ងៃនេះរកឃើញអ្នកពាក់ព័ន្ធ៤០០នាក់ ជាមួយជនជាតិចិនដែលឆ្លងកូវីដ១៩នៅខេត្តកោះកុង
លោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្តកោះកុងបានឲ្យដឹងនៅល្ងាចថ្ងៃទី៦មីនានេះថានៅថ្ងៃទី៦ ខែមីនា ឆ្នាំ២០២១នេះ ក្រុមការងារឆ្លើយតបបន្ទាន់មន្ទីរសុខាភិបាលខេត្តបានចុះស្រាវជ្រាវរកអ្នកជាប់ពាក់ព័ន្ធនឹងជនជាតិចិន២នាក់ បានជាង៤០០នាក់បន្ថែមទៀតធ្វើឲ្យអ្នកជាប់ពាក់ព័ន្ធកើនឡើងដល់ជិត៦០០នាក់ហើយ។

លោកបានបន្តថា កាលពីថ្ងៃទី០៥ ខែមីនា ឆ្នាំ២០២១នេះ ក្រុមការងារបានចុះស្រាវជ្រាវរកអ្នកជាប់ពាក់ព័ន្ធចំនួន១៥៣នាក់បានយកសំណាកនិងឲ្យធ្វើចត្តាឡីស័កនៅអគារស្នាក់នៅរបស់ពួកគេតែម្តង។

លោកបានបន្តទៀតថា ចំពោះលទ្ធផលសំណាកអ្នកទាំង១៥០នាក់នោះនៅមិនទាន់ដឹងនៅឡើយទេ។
ពាក់ព័ន្ធនឹងបុរសជនជាតិចិនឆ្លងជំងឺកូវីដ១៩នេះដែរ អាជ្ញាធរខេត្តបានបិទផ្អាកការធ្វើដំណើរចេញចូលតំបន់ក្រុមហ៊ុនញូញៀនមួយរយៈសិន មិនថាតែផ្លូវគោក ឬផ្លូវទឹកឡើយដើម្បីធ្វើការស្រាវជ្រាវរកអ្នកពាក់ព័ន្ធ។

លោកវេជ្ជបណ្ឌិត ទៅ ម៉ឹងបានបន្ថែមថា បច្ចុប្បន្ននេះក្រុមការងារស្រាវជ្រាវតែទៅលើមនុស្សពាក់ព័ន្ធក្នុងក្រុមហ៊ុនញូញៀនទេ ហើយកំពុងឲ្យខាងក្រុមហ៊ុនធ្វើរបាយការណ៍៦ចំនួនមនុស្សនិងបុគ្គលិកតើមានខ្មែរប៉ុន្មាននាក់និងចិនប៉ុន្មាននាក់។
យ៉ាងណាក៏ដោយលោកបានបញ្ជាក់ថា «យើងកំពុងធ្វើការស្រាវជ្រាវពីប្រភពចម្លងថា តើជនជាតិចិនពីរនាក់ហ្នឹងឆ្លងមកពីណាព្រោះថា ឥឡូវនេះនៅមិនទាន់ឃើញមានប្រភពនៅទីនេះទេ»។

អាជ្ញាធរខេត្តកោះកុងបាននឹងកំពុងពង្រឹងការត្រួតពិនិត្យអ្នកភ្នំពេញធ្វើដំណើរទៅខេត្តកោះកុងផងដែរ។
លោក ទូសាវុធ អភិបាលរងខេត្តកោះកុងបានឲ្យដឹងថា អ្នកភ្នំពេញរស់នៅតំបន់ផ្ទុះជំងឺកូវីដ១៩ពេលធ្វើដំណើរទៅខេត្តកោះកុងត្រូវធ្វើចត្តាឡីស័កចំនួន១៤ថ្ងៃ និង យកសំណាករកជំងឺកូវីដ១៩។

លោកបានបន្តថា វិធានការនេះដើម្បីទប់ស្កាត់ការឆ្លងរីករាលដាលជំងឺកូវីដ១៩ចូលទៅក្នុងសហគមន៍នៅខេត្តកោះកុង។
លោកអភិបាលរងខេត្តបានបញ្ជាក់ថាប៉ុន្តែប្រសិនបើពួកគាត់មិនរស់នៅតំបន់ដែលប្រឈមនឹងកូវីដ១៩ទេក្រុមគ្រូពេទ្យអនុវត្តទៅតាមវិធានក្រសួងសុខាភិបាលដោយធ្វើការវ៉ាស់កំដៅជាមុនសិន។ បើកំដៅធម្មតាអាចអនុញ្ញាតឲ្យធ្វើដំណើរចូលខេត្តបានតែបើក្នុងករ ណីកំដៅខ្ពស់ខុសពីធម្មតាត្រូវឃាត់ទុករង់ចាំមន្ត្រីត្រួតពិនិត្យជាបន្តទៀត៕
ដោយ ៖ សំអឿន

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ