Connect with us

ព័ត៌មានជាតិ

ដីហុយ​ដូច​ចុះអ័ព្ទ​ ពលរដ្ឋ​សំណូម​​​ពរ​​​អាជ្ញាធរ​មាន​វិធាន​​ការ​លើ​ឡាន​ដឹក​ខ្សាច់

បានផុស

នៅ

មជ្ឃដ្ឋានទូរទៅ ក៏ដូចជាពលរដ្ឋរស់នៅតាមដងផ្លូវស្របតាមមាត់ទន្លេបាសាក់ក្រុងតាខ្មៅ និងអ្នកធ្វើដំណើរតាមផ្លូវជាតិលេខ២១អា ចាប់ពីជាប់គល់ស្ពានព្រែកសំរោង រហូតដល់ភូមិស្វាយរលំ បានរអ៊ូរទាំ​​ករណី​រថយន្តដឹកខ្សាច់ដឹកអត់គ្រប បើកលឿនៗ ចេញពីដេប៉ូខ្សាច់ជាច្រើនកន្លែង ដឹកដូចភ្លៀងរលឹម ហុយឡើងងងឹតមេឃ ធ្វើអោយពលរដ្ឋពិបាកក្នុងការធ្វើដំណើរ ។

ពលរដ្ឋបានអោយដឹងនៅថ្ងៃទី៦ ខែវិច្ឆិកា ឆ្នាំ២០២០នេះថា ការចុះអនុវត្តគឺធ្វើគ្រាន់តែឱ្យល្អមើល និងគ្មានឥទ្ធិពលលើថៅកែដេប៉ូខ្សាច់ទាំងនោះឡើយពួកគាត់បានបន្តថា ក្រុមថៅកែដេប៉ូខ្សាច់ទាំងនោះ ហាក់គ្មានកោតញញើតហ្នឹងវិធានការរបស់រដ្ឋបាលខេត្តបន្តិចសោះឡើយ ពោលគឺដូចជាវែកចកអញ្ចឹង ពេលក្រុមមន្ត្រីជំនាញ និងអាជ្ញាធរត្រឡប់ទៅវិញអស់ ដដែលជាដដែល ។

ពលរដ្ឋដដែលបានបន្តរទៀតថា អ្នកបើកបររថយន្តដឹកខ្សាច់ទាំងនោះ ហាក់មិនគោរពច្បាប់ទាល់តែសោះ ហើយថែមទាំងដឹកពេញហៀរទ្រុង អត់គ្រប ជ្រុះខ្សាច់ និងហូរទឹកពេញផ្លូវ បង្ករឱ្យមានខ្សាច់ពេញផ្លូវ និងហុយ ឡើងងងឹតមេឃថែមទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ថា កាលពីពេលកន្លងទៅនេះលោក នៃ ចារី អភិបាលរងខេត្តកណ្តាលបានដឹកនាំមន្ត្រីចុះមកធ្វើការណែនាំ និងធ្វើការផ្អាកអាជីវកម្មដេប៉ូខ្សាច់ មួយចំនួនផងដែរ និងបានបញ្ជារអោយ ធ្វើកន្លែងសម្រាប់លាងសំអាតកង់រថយន្ត ឱ្យគ្រប ឱ្យបានត្រឹមត្រូវ និងធ្វើការសំអាតផ្លូវ ប៉ុន្តែ មិនបានមួយដង្ហើមចង្រិតផង សកម្មភាពល្មើសលើសដើម ធ្វើឱ្យពួកគាត់អស់សង្ឃឹម ហើយក៏ឆ្លល់ដែរថា ទៅហ្នឹងចំណាត់ការរបស់រដ្ឋបាលខេត្ត ហេតុអ្វីហាក់គ្មានប្រសិទ្ធភាពលើក្រុមថៅកែដេប៉ូខ្សាច់ទាំងនោះសោះអញ្ចឹង ឬមួយថៅកែទាំងនោះ មានប្រាក់អាចធ្វើអ្វីបានស្រេចតែចិត្តបាន?

ជុំវិញបញ្ហារខាងលើនេះដែរ លោក មឹុង យ៉ូឡេង ប្រធានមន្ទីរសាធារណះការខេត្តកណ្តាលបានបញ្ជាក់ថា ចំពោះបញ្ហាររថយន្តដឹកអត់គ្រប ធ្លាក់ខ្សាច់ ហូរទឹកពេញផ្លូវ ដឹកពេញហៀរទ្រុង បើកបរក្នុងល្បឿនលឿន ជាតួនាទីភារកិច្ចរបស់ប៉ូលីសចរាចរណ៍ មានសិទ្ធឃាត់រថយន្តទាំងអស់នោះពិន័យជាប្រាក់ ឬមានវិធានការផ្លូវច្បាប់។ បើរថយន្តទាំងអស់នោះបង្ករអោយខូចខាតផ្លូវទើបលោកអាចសហការវាយតម្លៃបាន ។

លោកឧត្តមសេនីយ៌ត្រី វ៉ែន សាវិន ស្នងការរងទទួលផែនចរាចរណ៌នៃស្នងការនគរបាលខេត្តកណ្តាលបានប្រាប់អោយដឹងដែរថា លោកមិនហ៊ាននិយាយអ្វីទេ ពីព្រោះបញ្ហារទាំងអស់នេះ មានសិទ្ធតែប្រធានអង្គភាពប៉ុណ្ណោះ ។ កម្លាំងចរាចរណ៌របស់លោកឈរតាមគោលដៅ និងនៅលើផ្លូវរង់ចាំតែសហការជាមួយខាងមន្ទីរសាធារណះការ និងក្រសួងរ៉ែ ។

មុនី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម