ព័ត៌មានជាតិ

បញ្ជូនក្រុមឧក្រិដ្ឋជនចិន ចាប់ជំរិត៣នាក់ ទារប្រាក់២៦ម៉ឺនដុល្លារ ឡើងតុលាការ

បានផុស

៣ years មុន

នៅ

ថ្ងៃព្រហស្បតិ៍ ២៥ មីនា ២០២១

ដោយ

ក្រុមឧក្រិដ្ឋជន ជនជាតិចិនចំនួន៣នាក់ ដែលចាប់ជនជាតិចិនដូចគ្នាធ្វើទារុណកម្ម ហើយជំរិតទារប្រាក់បានសម្រេចផលចំនួន២៦ម៉ឺនដុល្លារ ត្រូវបានចាប់បញ្ជូនមកកាន់សាលាដំបូងរាជធានីភ្នំពេញនាព្រឹកថ្ងៃទី ២៥មីនា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនប្រព្រឹត្តល្មើស ដែលសមត្ថកិច្ចចាប់ខ្លួននេះ ទី១ ឈ្មោះ wang yong nan ភេទប្រុស អាយុ៣១ឆ្នាំ ស្នាក់នៅខុនដូរគ្មានឈ្មោះ ជាន់ទី៤ បន្ទប់លេខ៤១១ ផ្លូវ១៣៥ សង្កាត់ទួលទំពួង ខណ្ឌចំការមន ។ ទី២ឈ្មោះ Cheng Quiang ភេទប្រុស អាយុ២៨ឆ្នាំ ជាជាងអគ្គិសនី ស្នាក់នៅខុនដូរជាមួយគ្នា។ទី៣ឈ្មោះ Wang yong ហៅ ជីញ អាយុ៣៣ឆ្នាំ ស្នាក់នៅខុនដូរជាមួយគ្នា ជាជាងអគ្គិសនី ។

ជនដៃដល់ទាំង៣នាក់ ត្រូវបានសមត្ថកិច្ចកម្ពុជាចាប់ខ្លួនជាបន្តបន្ទាប់កាលពោថ្ងៃទ ១៥មីនា ២០២១ នៅក្នុងខុនដូរ ខណៈពួកឧក្រិដ្ឋជនចាប់ជនរងគ្រោះជនជាតិចិនដូចគ្នា ចំនួន២នាក់ចងធ្វើទារុណកម្ម និងជំរិតទារប្រាក់បានរហូតដល់២៦ម៉ឺនដុល្លារ។ ក្នុងនោះជនរងគ្រោះទី១ឈ្មោះ Ly Quingxing ភេទប្រុស អាយុ២៨ឆ្នាំ ជាពាណិជ្ជករ ។ ទី២ឈ្មោះ Gnuyen huynh jhang Ghana ភេទស្រី អាយុ២០ឆ្នាំ ជាពាណិជ្ជករ ជនជាតិវៀតណាម ស្នាក់នៅខុមដូរ ដឹវាន់ម៉ាសុង បន្ទប់លេខ១២ដេ ជាន់ទី១២ ផ្លូវលេខ២៨២ សង្កាត់បឹងកេងកង ខណ្ឌបឹងកេងកង ។

តាមអង្គហេតុនៃរឿង គឺកាលពីថ្ងៃទី ១៥មីនា ពួកជនល្មើសមានគ្នា៧នាក់ បានចាប់ជនរងគ្រោះជនជាតិចិនចំនួន៣នាក់ យកមកឃុំទុកនៅក្នុងខុនដូរ ហើយធ្វើទារុណកម្ម រួចជំរិតទារប្រាក់ពីគ្រួសារជនរងគ្រោះបានចំនួន២៦ម៉ឺនដុល្លារ ប៉ុន្តែពួកគេមិនដោះលែងជនរងគ្រោះទេ ។ រហូតថល់ថ្ងៃទី ១៩មីនា លោក ម៉ុត ដារា ព្រះរាជអាជ្ញារងអមតុលាការ បានដឹកនាំសមត្ថកិច្ចពីក្រសួងមហាផ្ទៃ នគរបាលព្រហ្មទណ្ឌក្រុង ទីឆែកឆេរខុនដូរក៏បានចាប់ជនដៃដល់ចំនួន៧នាក់ និងរំដោះជនរងគ្រោះទាំង៣នាក់។ ក្នុងនោះជនដៃដល់ចំនួន៤នាក់ ត្រូវបានប្រគល់ឲ្យនគរបាលនាយកដ្ឋានប្រឆាំងចារកម្ម។ ចំណែកជនដៃដល់ចំនួន៣នាក់ទៀត ត្រូវប្រគល់ឲ្យនគរបាលព្រហ្មទណ្ឌកម្រិតស្រាលក្រុងចាត់ការតាមច្បាប់។ ក្នុងនោះផងដែរ សមត្ថកិច្ចក៏បានរឹបអូសវត្ថុតាងមួយចំនួននៅបន្ទប់ធ្វើទារុណកម្ម ដូចជាកាំភ្លើងខ្លី ខ្នោះដៃ ខ្សែចង កាំបិត និងដំបងជាដើម។ ចំណែកប្រាក់២៦ម៉ឺនដុល្លារ ដែលជំរិតបានពីគ្រួសារជនរងគ្រោះ បាត់ដោយសុវត្ថិភាព៕

អត្ថបទ៖ មករា

សូមចុចអាន៖ បើកគោយន្តដឹកស្រូវយកទៅលក់ឲ្យឈ្មួញក្រឡាប់គោយន្តធ្លាក់ចូលប្រឡាយទឹកសង្កត់ស្លាប់