ព័ត៌មានជាតិ

បើកគោយន្តដឹកស្រូវយកទៅលក់ឲ្យឈ្មួញក្រឡាប់គោយន្តធ្លាក់ចូលប្រឡាយទឹកសង្កត់ស្លាប់

បានផុស

៥ years មុន

នៅ

ថ្ងៃព្រហស្បតិ៍ ២៥ មីនា ២០២១

ដោយ

បុរសម្នាក់បើកគោយន្តដឹកស្រូវពីស្រែទៅលក់ឲ្យឈ្មួញកណ្តាលដែលរងចាំទិញភ្លាត់ស្នៀតក្រឡាប់គោយន្តចូលប្រឡាយមានទឹកសង្កត់បណ្តាលឲ្យស្លាប់ប្អូនថ្លៃបានប្រទះឃើញសពនៅវេលាម៉ោង៤ល្ងាចថ្ងៃទី២៤ខែមីនា ឆ្នាំ២០២១ ក្នុងភូមិតាវង ឃុំពន្លៃ ស្រុក ភ្នំស្រុក ខេត្តបន្ទាយមានជ័យ ។នគរបាលប៉ុស្តិ៍រដ្ឋបាលឃុំពន្លៃ បានឲ្យដឹងថាជនរងគ្រោះឈ្មោះឃូ ចាន់គ្រប់ ភេទប្រុសអាយុ៤៤ ឆ្នាំរស់នៅភូមិតាវង ឃុំពន្លៃ ស្រុកភ្នំស្រុក ខេត្តបន្ទាយមានជ័យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលបានបញ្ជាក់ទៀតថានៅមុនពេលកើតហេតុជនរងគ្រោះ រួមទាំងប្អូនថ្លៃ១នាក់និងអ្នកភូមិ ជាមួយ១នាក់ទៀត ក្រោយពីច្រូតកាត់ហើយបានបើកគោយន្តកន្ត្រៃម្នាក់១គ្រឿងទៅដឹកស្រូវយកទៅលក់ឲ្យឈ្មួញ កណ្តាលដែលរងចាំទិញនៅលើខ្នងទំនប់ប្រឡាយ។នៅពេលដែលបើកលើខ្នងប្រឡាយដោយសារគោយន្តដឹកស្រូវចំនួន១៣ការុងធ្ងន់ពេកក៏ក្រឡាប់ធ្លាក់ទៅក្នុងប្រឡាយទឹក ស្របពេលនោះប្អូនថ្លៃបានដឹកស្រូវទៅលក់ឲ្យឈ្មួញដល់មុនបងថ្លៃយូរពេកមិនឃើញគោយន្តមកដល់កន្លែងលក់ក៏ទៅតាមរកមើល ស្រាប់តែឃើញគោយន្តបងថ្លៃក្រឡាប់ធ្លាក់ចូលក្នុងប្រឡាយទឹកជើងក្អែកចំងាយ៣០០ម៉ែតពីភូមិតាវង ឃុំពន្លៃ ស្រុកភ្នំស្រុក ត្រូវគោយន្តសង្កត់ពីលើបណ្តាលឲ្យស្លាប់នៅនិងកន្លែង។ក្រោយមកប្អូនថ្លៃមកហៅក្រុមគ្រួសារដឹកសពយកមកផ្ទះចាត់ចេងធ្វើបុណ្យតាមប្រពៃណី ៕

អត្ថបទ ៖ វ៉ាន់ ណាង

Related Topics: