លោក គួច សុខលី៖ ការបើកអាជីវកម្មមួយជោគជ័យមិនកំណត់លើអាយុទេ តែកំណត់លើបទពិសោធន៍ក្នុងសង្គម
Connect with us
Helistar Cambodia - Helicopter Charter Services

ព័ត៌មានជាតិ

លោក គួច សុខលី៖ ការបើកអាជីវកម្មមួយជោគជ័យមិនកំណត់លើអាយុទេ តែកំណត់លើបទពិសោធន៍ក្នុងសង្គម

Published

on

ការសម្រេចចិត្តបើកអាជីវកម្មមួយផ្ទាល់ខ្លួនគឺជាអ្វីដែលមនុស្សទូទៅភាគច្រើនចង់ធ្វើ ប៉ុន្តែស្ទាក់ស្ទើរមិនហ៊ានធ្វើ ដោយសារតែពួកគេចង់បន្តស្ថិតនៅក្នុងតំបន់សុវត្ថិភាពជានិយោជិត ជាជាងធ្វើការប្រថុយប្រថានដើម្បីក្លាយខ្លួនជានិយោជក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គួច សុខលី គឺជាប្រធានក្រុមហ៊ុន CBM ដែលជាក្រុមហ៊ុនបំរើសេវាកម្មម្ហូបអាហារ និងភេសជ្ជៈឈានមុខគេមួយនៅក្នុងប្រទេសកម្ពុជា។ ក្រុមហ៊ុន CBM ត្រូវបានបង្កើតឡើងតាំងពីឆ្នាំ២០០២ ដោយមានម៉ាកយីហោអាជីវកម្មល្បីៗពីបរទេស និងនៅក្នុងស្រុកជាច្រើន។

ដើម្បីបើកអាជីវកម្មផ្ទាល់ខ្លួនមួយប្រកបដោយភាពជោគជ័យ លោក គួច សុខលី បានចែករំលែកបទពិសោធន៍របស់លោកថា៖ «ការបើកអាជីវកម្មមួយជោគជ័យមិនកំណត់លើអាយុទេ តែកំណត់លើបទពិសោធន៍ក្នុងសង្គម។ ភាពចាស់ទុំរបស់មនុស្សម្នាក់ៗគឺកំណត់លើបទពិសោធន៍នៃជីវិត ថាតើយើងបានដើរចូលក្នុងវិថីបទពិសោធន៍នៅក្នុងសង្គមរយៈពេលប៉ុណ្ណា។»

លោក គួច សុខលី បន្តថា៖ «បើយើងទើបចប់ពីការសិក្សា ហើយចង់បើកអាជីវកម្មមួយដោយខ្លួនឯង វាអាចរហ័សពេក ដូច្នេះយើងគួរចំណាយពេលសិក្សាពីសង្គមឱ្យបានច្រើន សិក្សាពីតម្រូវការឱ្យបានច្រើន និងសិក្សាពីមជ្ឈដ្ឋានជុំវិញឱ្យបានច្រើន មុននឹងសម្រេចចិត្តថាតើយើងគួរតែចាប់យកប្រភេទអាជីវកម្មមួយណា។»

មុននឹងចាប់ផ្ដើមអាជីវកម្មផ្ទាល់ខ្លួន លោក គួច សុខលី ធ្លាប់បម្រើការងារនៅក្នុងក្រុមហ៊ុនឯកជនរយៈពេល៥ទៅ៦ឆ្នាំ ហើយទទួលបាននូវបទពិសោធន៍នៃជីវិតផ្សេងៗគ្នាជាច្រើននៅក្នុងសង្គម។

លោក គួច សុខលី បានរៀបរាប់ថា ក្នុងដំណើរជីវិតជានិយោជិតរយៈពេលជាង៥ឆ្នាំ លោកបានស្គាល់ពីមនុស្សនៅជុំវិញខ្លួនជាច្រើន ស្គាល់ពីមុខរបរនៅក្នុងប្រទេស និងតម្រូវការពីសម័យកាលមួយទៅសម័យកាលមួយ។ គឺបទពិសោធន៍ទាំងអស់នេះហើយ ដែលជាដើមទុន និងជាមូលដ្ឋានសម្រាប់ឈានទៅបើកអាជីវកម្មខ្លួនឯងប្រកបដោយជោគជ័យ។

ទោះបីជាយ៉ាងណាក៏ដោយ ទំរាំតែទទួលបាននូវជោគជ័យដូចសព្វថ្ងៃ លោក គួច សុខលី ក៏ធ្លាប់ជួបឧបសគ្គ និងភាពបរាជ័យជាច្រើនផងដែរ ដែលពេលខ្លះធ្វើឱ្យលោកមានការបាក់ទឹកចិត្តក្នុងការបន្តដំណើរអាជីវកម្មរបស់លោក។

នៅក្នុងបទពិសោធន៍អាជីវកម្មរយៈពេលជិត២០ឆ្នាំមកនេះ លោក គួច សុខលី បានលើកឡើងថា លោកបានជួបនូវភាពបរាជ័យជាច្រើនរាប់មិនអស់ ហើយក៏បានទទួលនូវមេរៀនល្អៗជាច្រើនផងដែរ។ ការបរាជ័យគឺជាមេរៀនសម្រាប់យើងដើម្បីបន្តដំណើរទៅមុខ ថាតើយើងដើរលឿន ឫយឺតប៉ុណ្ណាគឺស្ថិតលើការសម្រេចចិត្តរបស់យើង។ បើយើងដើរលឿនយើងនឹងអាចជួបបញ្ហាច្រើន តែបើយើងដើរយឺតបន្តិចយើងនឹងអាចដោះស្រាយបញ្ហាបានច្រើន។

គួរបញ្ជាក់ថា បច្ចុប្បន្ន ក្រុមហ៊ុន CBM មានសាខាជាង៤០កន្លែងនៅទូទាំងប្រទេសកម្ពុជា ដូចជានៅរាជធានីភ្នំពេញ បាត់ដំបង និងសៀមរាប ក្នុងនោះមានទាំងម៉ាកនាំចូលពីបរទេសដូចជា Tous Les Jours និង Domino’s Pizza និងម៉ាកដែលបង្កើតឡើងក្នុងស្រុកដូចជា The Asian Kitchen៕

អត្ថបទ៖ វ៉ាត វិន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ18 mins ago

លោកជំទាវ ម៉ែន សំអន ថ្លែងអំណរគុណ លោក ប៉ិច បូឡែន និងលោក ហុង លីម ដែលបានផ្តល់អំណោយក្នុងការចូលរួមប្រយុទ្ធប្រឆាំងនឹងកូវីដ១៩

ព័ត៌មានជាតិ1 hour ago

អតីតយុទ្ធជន​ជាង​៣​ម៉ឺន​៥​ពាន់​នាក់​ ហើយ​ទទួល​បាន​ចាក់​វ៉ាក់សាំង​ការពារ​កូ​វីដ​១៩

ព័ត៌មានជាតិ2 hours ago

អ្នកជំងឺកូវីដ១៩នៅផ្សារអូរឫស្សីបានទៅដើរផ្សារនៅផ្សារម៉ាក្រូសែនសុខ

ព័ត៌មានអន្ដរជាតិ2 hours ago

Breaking News! លោកស្រី អ៊ុងសាន ស៊ូជី រងការចោទប្រកាន់បទឧក្រិដ្ឋថ្មីមួយទៀត សរុបឡើងដល់ ៦ ករណី

ព័ត៌មានអន្ដរជាតិ2 hours ago

អ្នក​ចាក់​វ៉ាក់សាំង​រួច​គួរ​ទទួលទាន​អាហារ​មួយ​មុខ​នេះ​ជា​ចាំបាច់ ដើម្បី​បន្ថែម​ការ​បង្កើន​ភាព​ស៊ាំ​ដល់​រាង​កាយ

Sokha Hotels

ព័ត៌មានពេញនិយម

Helistar Cambodia - Helicopter Charter Services