ព័ត៌មានជាតិ
តម្រុយ ៣ ចំណុចគួរឲ្យសង្ស័យ ហាក់បញ្ជាក់ស្ថានភាពកូវីដថ្ងៃនេះធ្ងន់ធ្ងរបំផុតមិនធ្លាប់មាន
ពលរដ្ឋកំពុងរង់ចាំរបាយការណ៍លទ្ធផលស្ថានភាពកូវីដនៅថ្ងៃនេះ ដែលមួយថ្ងៃទៅមួយថ្ងៃកាន់តែអាក្រក់ទៅ គ្រាវិបត្តិជំងឺកូវីដ អូសបន្លាយពេលជិតពីរខែមកនេះ។ តាមតម្រុយមួយចំនួន ថ្ងៃនេះអាចមានអត្រាអ្នកឆ្លងកើនឡើងខ្ពស់ក្នុងកំណត់ត្រាមិនធ្លាប់មាន។
តម្រុយទី ១
ម៉ោងជាង ១ រសៀលទៅហើយ ក្រសួងសុខាភិបាលមិនទាន់បានអាប់ដេតទិន្នន័យអ្នកឆ្លងកូវីដនៅឡើយទេ។ ជាធម្មតាព្រឹកឡើងអី តែងតែទទួលរបាយការណ៍ពីក្រសួង ប៉ុន្តែម៉ោងជាង ១ រសៀលនេះនៅមិនទាន់ចេញផ្សាយនៅឡើយ។ ការយឺតយ៉ាវនេះ អាចដោយសារអត្រាអ្នកឆ្លងខ្ពស់ ដែលតម្រូវឲ្យក្រុមមន្រ្តីត្រូវប្រមែប្រមូលទិន្នន័យបូកសរុប ត្រូវចំណាយពេលយូរ។
តម្រុយទី ២
នៅព្រឹកនេះមានការស៊ែរតៗគ្នាថាមានអ្នកឆ្លងជាង ៥០០ នាក់។ ទិន្នន័យដែលមិនទាន់អាចយកជាការបាននេះក៏បង្ហាញដែរថា អ្នកឆ្លងជាង ៩០ ភាគរយរស់នៅនៅរាជធានីភ្នំពេញ។ ទោះបីបែកធ្លាយរបាយការណ៍តាំងពីព្រឹក តែមកដល់ម៉ោងនេះ ក្រសួងក៏មិនទាន់ចេញមកបដិសេធនោះដែរ។
តម្រុយទី ៣
នៅព្រឹកនេះនៅលើផេកអនុគណៈកម្មការស្រាវជ្រាវកូវីដ ១៩ ដែលទទួលបន្ទុករុករកស្រាវជ្រាវអ្នកឆ្លងកូវីដ ១៩ ស្រាប់តែប្រើប្រាស់សំណេរលើបណ្តាញសង្គមហ្វេសបុក “បួងសួងដល់កម្ពុជា We Pray For Cambodia” ហាក់បង្កប់ន័យដ៏គួរឲ្យបារម្ភថា កម្ពុជាជួបស្ថានភាពដ៏អាក្រក់បំផុតពីជំងឺកូវីដ ១៩។
គួរបញ្ជាក់ថា នេះគ្រាន់តែជាតម្រុយខ្លះៗ ខណៈដែលពលរដ្ឋនៅទន្ទឹងរង់ចាំរបាយការណ៍ផ្លូវការពីក្រសួងសុខាភិបាល។ ទីតាំងពីរកន្លែងហើយនៅរាជធានីភ្នំពេញ ដែលត្រូវបានដាក់ជាតំបន់ក្រហម បន្ទាប់ពីរកឃើញមានអ្នកឆ្លងរាប់រយនាក់។ ការឆ្លងបន្តគ្នាលើអាជីវករនៅផ្សារអូរឫស្សីមានជាង ១០០ នាក់ ខណៈការធ្វើតេស្តលើអាជីវកររាប់ពាន់នាក់ទៀតមិនទាន់បញ្ចប់នៅឡើយ។ ចំណែកការផ្ទុះនៅរោងចក្រឌីន ហាន់ ក៏ត្រូវបានអាជ្ញាធរចុះបិទ ដើម្បីរកអ្នកពាក់ព័ន្ធ បន្ទាប់ពីមានកម្មករជាង ៥០ នាក់ តេស្តមានកូវីដ ១៩៕
អត្ថបទ៖ ប៊ុណ្ណារ៉ា
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៤ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)