នយោបាយ
ស្ថានទូតចិននៅកម្ពុជា ជួបលោក ញឹក ប៊ុនឆៃ ស្វែងយល់ពីការរួបរួមជាមួយហ្វ៊ុនស៊ិនប៉ិច និងការធ្វើសម្ព័ន្ធភាព
ទីប្រឹក្សាស្ថានទូតចិនប្រចាំនៅកម្ពុជា លោក Wu Chuanbing កាលពីព្រឹកថ្ងៃទី១៨ ខែវិច្ឆិកា ឆ្នាំ២០២០ បានជួបពិភាក្សាការងារជាមួយលោក ញឹក ប៊ុនឆៃ ប្រធានគណបក្សខ្មែររួបរួមជាតិ ដើម្បីស្វែងយល់ពីការរួបរួមជាមួយហ៊្វុនស៊ិនប៉ិច និងការធ្វើសម្ព័ន្ធភាព ដែលជំនួបនេះ បានធ្វើឡើងនៅគេហដ្ឋាន ស្ថិតនៅសង្កាត់ជ្រោយចង្វារ ខណ្ឌជ្រោយចង្វាររាជធានីភ្នំពេញ។
លោក ញឹក ប៊ុនឆៃ បានថ្លែងប្រាប់អ្នកសារព័ត៌មានក្រោយជំនួបថា នៅក្នុងជំនួបពិភាក្សានោះ លោក Wu Chuanbing បានវាយតម្លៃខ្ពស់ចំពោះ សមិទ្ធផល ដ៏ធំធេង ដែលប្រជាជនកម្ពុជាសម្រេចបានលើគ្រប់វិស័យក្រោមការដឹកនាំដ៏ឈ្លាសវៃរបស់រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខ។
ជាការឆ្លើយតបលោក ញឹក ប៊ុនឆៃ បាន ថ្លែងអំណរគុណ ចំពោះថ្នាក់ដឹកនាំគណបក្សកុម្មុយនីស្តចិន និងឯកអគ្គរដ្ឋទូតចិនប្រចាំនៅប្រទេសកម្ពុជា និងបានផ្តាំសួរសុខទុក្ខថ្នាក់ដឹកនាំចិន និងឯកអគ្គរដ្ឋទូតចិន និងសហការីទាំងអស់របស់ស្ថានទូតចិននៅកម្ពុជា ។ លោក ញឹក ប៊ុនឆៃ ក៏បានថ្លែងអំណរគុណ ដល់ថ្នាក់ដឹកនាំបក្ស និងសាធារណរដ្ឋប្រជាមានិតចិនដែលបានជួយ គាំទ្រ និងផ្តល់ជំនួយយ៉ាងច្រើនមកជួយដល់ប្រទេសកម្ពុជា និងប្រជាជនកម្ពុជា ដែលបានធ្វើឱ្យប្រទេសកម្ពុជា មានការរីកចម្រើនលើគ្រប់វិស័យ ក្រោមការដឹកនាំ ដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
បើតាមលោក ញឹក ប៊ុនឆៃ ជំនួបនេះធ្វើឡើងក្រោយពីភាគីចិន ទទួលបានព័ត៌មានពីការរួបរួមគ្នា រវាងគណបក្សខ្មែររួបរួមជាតិ និងគណបក្សហ៊្វុនស៊ិនប៉ិចឡើងវិញ និងការធ្វើសម្ព័ន្ធភាពអ្នកប្រជាធិបតេយ្យខ្មែរ រវាងគណបក្សចំនួន៣ គឺគណបក្សខ្មែររួបរួមជាតិ គណបក្សសំបុកឃ្មុំសង្គមប្រជាធិបតេយ្យ និងគណបក្សខ្មែរតែមួយ ដែលនឹងត្រូវប្រកាសជាផ្លូវការនៅថ្ងៃទី២៥ ខែវិច្ឆិកា ឆ្នាំ២០២០ ខាងមុខនេះ។
លោកអះអាងថា នៅចុងខែវិច្ឆិកានេះ ឬដើមខែធ្នូ ខាងមុខ គណបក្សខ្មែររួបរួមជាតិ និងគណបក្សហ៊្វុនស៊ិនប៉ិច នឹងចាប់ផ្តើមដំណើរការអំពីការបង្រួបបង្រួមគ្នា រវាងគណបក្សទាំងពីរសម្រាប់ការចូលរួមបោះឆ្នោតក្រុមប្រឹក្សាឃុំ សង្កាត់ ឆ្នាំ២០២២ និងការបោះឆ្នោតជ្រើសតាំងតំណាងរាស្ត្រ ឆ្នាំ២០២៣ ខាងមុខនេះ ដើម្បីទទួលសម្លេង និងការគាំទ្រពីប្រជាពលរដ្ឋ។
ជាមួយគ្នានោះ លោក ញឹក ប៊ុនឆៃ ក៏បានជម្រាបជូនគណៈប្រតិភូចិនផងដែរ អំពីជំហរក្នុងការគាំទ្រនយោបាយចិនតែមួយ និងការដោះស្រាយបញ្ហាសមុទ្រចិនខាងត្បូង ដោយសន្តិវិធី និងដោយសន្តិភាព៕
ដោយ ៖ កោះកែវ
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៧ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៧ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?