នយោបាយ
មានឈ្មោះក្នុងបញ្ជីបោះឆ្នោត តែគ្មានអត្តសញ្ញាណប័ណ្ណ ឬហួសសុពលភាព តើត្រូវធ្វើដូចម្ដេចដើម្បីអាចបោះឆ្នោតបាន?
មន្ត្រីជាន់ខ្ពស់ គ.ជ.ប បានបញ្ជាក់ថា សម្រាប់ប្រជាពលរដ្ឋខ្មែរ ដែលមានឈ្មោះក្នុងបញ្ជីបោះឆ្នោត តែមិនមានអត្តសញ្ញាណប័ណ្ណសញ្ជាតិខ្មែរ ឬអត្តសញ្ញាណប័ណ្ណហួសសុពលភាព ឬបាត់នោះ សូមអញ្ជើញទៅគណៈកម្មការឃុំ-សង្កាត់ រៀបចំការបោះឆ្នោត ដើម្បីស្នើសុំឯកសារបញ្ជាក់អត្តសញ្ញាណបម្រើឲ្យការបោះឆ្នោត។ ការបញ្ជាក់នេះ គ្រាដែលការបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥ នឹងត្រូវធ្វើឡើងនៅថ្ងៃទី ៥ ខែមិថុនា ឆ្នាំ ២០២២ខាងមុខនេះហើយ។
លោក សោម សូរីដា អគ្គលេខាធិការរង និងជាអ្នកនាំពាក្យ គ.ជ.ប មានប្រសាសន៍ប្រាប់កម្ពុជាថ្មី នៅថ្ងៃទី ២៦ ខែឧសភានេះថា ដើម្បីអាចបោះឆ្នោតបាន ប្រជាពលរដ្ឋត្រូវមានឈ្មោះក្នុងបញ្ជីបោះឆ្នោត ហើយត្រូវមានអត្តសញ្ញាណប័ណ្ណសញ្ជាតិខ្មែរ ដែលមានសុពលភាព។ ប៉ុន្តែក្នុងករណីប្រជាពលរដ្ឋ មានឈ្មោះក្នុងបញ្ជីបោះឆ្នោតហើយ តែគ្មានអត្តសញ្ញាណប័ណ្ណសញ្ជាតិខ្មែរ ឬអត្តសញ្ញាណប័ណ្ណអស់សុពលភាព ឬក៏អត្តសញ្ញាណប័ណ្ណខូច ឬបាត់នោះ គឺពួកគាត់អាចប្រើប្រាស់ឯកសារបញ្ជាក់អត្តសញ្ញាណបម្រើឲ្យការបោះឆ្នោត។
លោក សោម សូរីដា បានឲ្យដឹងបន្តថា ឯកសារបញ្ជាក់អត្តសញ្ញាណបម្រើឲ្យការបោះឆ្នោត គឺប្រជាពលរដ្ឋអាចទៅស្នើសុំទៅគណៈកម្មការឃុំ-សង្កាត់ រៀបចំការបោះឆ្នោត ពោលគឺនៅក្នុងឃុំ-សង្កាត់ ដែលពួកគាត់ត្រូវបោះឆ្នោតតែម្ដង។
អ្នកនាំពាក្យ គ.ជ.ប បានបន្ថែមថា «នៅពេលដែលបងប្អូន ទទួលបានឯកសារបញ្ជាក់អត្តសញ្ញាណបម្រើឲ្យការបោះឆ្នោត ពីគណៈកម្មការឃុំ-សង្កាត់ រៀបចំការបោះឆ្នោត បងប្អូនត្រូវយកឯកសារបញ្ជាក់អត្តសញ្ញាណនោះ ទៅជួបមេឃុំ-ចៅសង្កាត់ ដើម្បីចុះហត្ថលេខាផ្ដល់សុពលភាព សម្រាប់ការប្រើប្រាស់ក្នុងការបោះឆ្នោត ជំនួយឲ្យអត្តសញ្ញាណប័ណ្ណសញ្ញាតិខ្មែរ ដែលបងប្អូនគ្មាន»។
ចំពោះពេលវេលានៃការស្នើសុំ និងការចេញឯកសារបញ្ជាក់អត្តសញ្ញាណបម្រើឲ្យការបោះឆ្នោតនេះ មានរយៈពេល ៣០ថ្ងៃ ដែលចាប់ផ្ដើមពីថ្ងៃទី ៥ ខែឧសភា រហូតដល់ថ្ងៃទី ៣ ខែមិថុនា ឆ្នាំ ២០២២ ហើយការស្នើសុំនេះ មិនតម្រូវឲ្យប្រជាពលរដ្ឋបង់ប្រាក់នោះឡើយ។
សូមជម្រាបថា ការបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥ នឹងប្រព្រឹត្តទៅនៅថ្ងៃទី ៥ ខែមិថុនា ឆ្នាំ ២០២២។ ការបោះឆ្នោតនេះ មានគណបក្សនយោបាយចំនួន ១៧ បានដាក់បេក្ខជនចូលរួមប្រកួតប្រជែង។ បច្ចុប្បន្ន គណបក្សនយោបាយទាំង ១៧ បាននិងកំពុងធ្វើយុទ្ធនាការឃោសនា រកសំឡេងឆ្នោត ដែលបានចាប់ពីថ្ងៃទី ២១ ខែឧសភា ដល់ថ្ងៃទី ៣ ខែមិថុនា ឆ្នាំ ២០២២៕
អត្ថបទ៖ ឃួន សុភ័ក្រ
-
ចរាចរណ៍៤ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ជីវិតកម្សាន្ដ១ សប្តាហ៍ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៧ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ១ ថ្ងៃ ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
បច្ចេកវិទ្យា៩ ម៉ោង ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
ព័ត៌មានអន្ដរជាតិ៥ ថ្ងៃ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
ព័ត៌មានជាតិ៦ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៥ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?