Connect with us

នយោបាយ

ប្រមុខការទូតជប៉ុន និងចិន នឹងយកបញ្ហាជម្លោះដែនទឹក និងបញ្ហារុស្ស៊ី-អ៊ុយក្រែន មកជជែកពិភាក្សាគ្នានៅកម្ពុជា

បានផុស

នៅ

រដ្ឋមន្ត្រីការបរទេសជប៉ុនលោក Yoshimasa Hayashi និងរដ្ឋមន្ត្រីការបរទេសចិនលោក Wang Yi គ្រោងនឹងជួបពិភាក្សាគ្នាដោយផ្ទាល់នៅថ្ងៃទី៤ ខែសីហា ខាងមុខនេះ ក្នុងឱកាសចូលរួមកិច្ចប្រជុំរដ្ឋមន្ត្រីការបរទេសអាស៊ាន លើកទី៥៥ នៅកម្ពុជា។ នេះបើយោងតាមការចុះផ្សាយរបស់ទីភ្នាក់ងារ Kyodo កាលពីចុងសប្ដាហ៍មុន​។

រដ្ឋមន្រ្តីការបរទេសចិន
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បញ្ហាដែលរដ្ឋមន្ត្រីការបរទេសទាំងពីរ នឹងលើកយកមកពិភាក្សានោះ គឺការល្បាតរបស់នាវាឆ្មាំសមុទ្រចិននៅក្នុងដែនទឹករបស់ជប៉ុនជុំវិញប្រជុំកោះ Senkaku និងសកម្មភាពយោធាកាន់តែខ្លាំងរបស់ចិននៅជិតដែនទឹកជប៉ុន។ ជាមួយគ្នានេះ បញ្ហាជម្លោះរបស់រុស្ស៊ី និងអ៊ុយក្រែន ក៏ជាប្រធានបទដែលប្រមុខការទូតជប៉ុន និងចិន អាចនឹងលើកមកជជែកគ្នាដែរ។

ជំនួបនេះ នឹងក្លាយជាកិច្ចសន្ទនាទល់មុខគ្នាលើកដំបូងរបស់រដ្ឋមន្ត្រីការបរទេសជប៉ុន និងចិន ចាប់តាំងពីខែវិច្ឆិកា ឆ្នាំ២០២០ ដែលស្របពេលមានភាពតានតឹងកាន់តែខ្លាំងឡើងរវាងប្រទេសទាំងពីរនៅមុនខួបលើកទី៥០ នៃការធ្វើឲ្យមានប្រក្រតីភាពសម្រាប់ទំនាក់ទំនងទ្វេភាគីនៅថ្ងៃទី២៩ ខែកញ្ញា ឆ្នាំ២០២២។ ក្រៅជំនួបជា​មួយប្រមុខការទូតចិន រដ្ឋមន្ត្រីការបរទេសជប៉ុន លោក Hayashi គ្រោងនឹងរដ្ឋមន្ត្រីការបរទេសកូរ៉េខាងត្បូង លោក Park Jin។ ជាមួយគ្នានោះ លោក Hayashi ក៏កំពុងពិចារណា ដើម្បីរៀបចំជំនួបជាមួយរដ្ឋមន្ត្រីការបរទេសអាមេរិកលោក Antony Blinken និងរដ្ឋមន្ត្រីការបរទេសអូស្ត្រាលី លោកស្រី Penny Wong ផងដែរ។

រដ្ឋមន្រ្តីការបរទេសជប៉ុន

គួរជម្រាបថា កិច្ចប្រជុំរដ្ឋមន្ត្រីការបរទេសអាស៊ានលើកទី៥៥ នៅកម្ពុជា នឹងមានវត្តមានចូលរួមដោយផ្ទាល់របស់លោក Antony Blinken រដ្ឋមន្ត្រីការបរទេសអាមេរិក លោក Wang Yi រដ្ឋមន្ត្រីការបរទេសចិន លោក Sergei Lavrov រដ្ឋមន្ត្រីការបរទេសរុស្ស៊ី លោក Yoshimasa Hayashi រដ្ឋមន្ត្រីការបរទេសជប៉ុន លោក Park Jin រដ្ឋមន្ត្រីការបរទេសកូរ៉េខាងត្បូង លោកស្រី Penny Wong រដ្ឋមន្ត្រីការបរទេសអូស្ត្រាលី និងរដ្ឋមន្ត្រីការបរទេសឥណ្ឌា លោក ស៊ូប្រាម៉ាន់យ៉ាំ ចៃសានកា ជាដើម៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

នយោបាយ៥៧ វិនាទី មុន

ប្រមុខការទូតជប៉ុន និងចិន នឹងយកបញ្ហាជម្លោះដែនទឹក និងបញ្ហារុស្ស៊ី-អ៊ុយក្រែន មកជជែកពិភាក្សាគ្នានៅកម្ពុជា

ព័ត៌មានជាតិ៩ នាទី មុន

ពលរដ្ឋជាង ១០០គ្រួសារនៅខេត្តកោះកុង ទទួលយកដំណោះស្រាយបែងចែកដីធ្លី ក្រោយមានវិវាទជាមួយវិស័យឯកជន

ព័ត៌មានអន្ដរជាតិ១០ នាទី មុន

ចិន ធ្វើសមយុទ្ធបាញ់គ្រាប់ពិត ជិតកោះតៃវ៉ាន់ ចំពេលប្រធានសភាអាមេរិក បំពេញទស្សនកិច្ច អាស៊ី

ព័ត៌មានជាតិ១៧ នាទី មុន

​ទឹកឃ្មុំព្រៃ​ធម្មជាតិ​អាច​រក្សាទុកបានយូរ​បំផុតប្រមាណ​ ២ ទស្សវត្សរ៍​​

ព័ត៌មានជាតិ២៦ នាទី មុន

កន្លះឆ្នាំនេះ ខេត្តមណ្ឌលគិរី បានដកហូតអន្ទាក់ដាក់សត្វព្រៃបានរាប់រយរាប់ពាន់អន្ទាក់

Sokha Hotels

ព័ត៌មានពេញនិយម