កីឡា
៣ប្រកួតនេះរបស់ ចំរើន ធ្វើបានល្អហួសពីការស្មាន
អ្នកប្រដាល់ ចំរើន គុនខ្មែរ បានឈ្នះខ្សែក្រវាត់«តេជោសន្តិភាព IPCC» កាលពីយប់ថ្ងៃទី៣ ខែមេសា ឆ្នាំ២០២៥ បន្ទាប់ពីបានយកឈ្នះជើងខ្លាំងជប៉ុន តៃម៉ូ ហ៊ីសៃ (TAIMU HISIA) ដោយពិន្ទុនៅសង្វៀនថោន។
ជ័យជម្នះរបស់ ចំរើន គុនខ្មែរ បានធ្វើឲ្យអ្នកគាំទ្រចាប់អារម្មណ៍ខ្លាំង។ អ្នកគាំទ្រភាគច្រើនចាត់ទុកការផ្គូផ្គងរវាងកីឡាករកម្ពុជារូបនេះជាមួយកីឡាករជប៉ុន តៃម៉ូ ហាក់ដូចជាខុសសមត្ថភាពគ្នាឆ្ងាយ ហើយភាគច្រើនគិតថា ចំរើន មិនអាចយកឈ្នះកីឡាករជប៉ុនបានទេ ពីព្រោះជើងខ្លាំងជប៉ុនរូបនេះបានផ្តួល ពេជ្រ សម្បត្តិ និង ឈុត សេរីវ៉ាន់ថង ឲ្យសន្លប់ ព្រមទាំងឈ្នះពិន្ទុ ឯម សុធី ថែមទៀត។ តៃម៉ូ មានទាំងកម្លាំងស៊ុហ្វ បច្ចេកទេស ល្បឿន រហ័ស និងអាវុធស្ទើរគ្រប់គ្រឿង។
ប៉ុន្តែការពិតនៅលើសង្វៀនបង្ហាញថា ចំរើន គុនខ្មែរ វាយត្រូវគោលដៅបានច្រើនជាង បើទោះជាកីឡាករម្ចាស់ផ្ទះភាគច្រើនថយក្រោយក៏ដោយ។ នៅដើមទឹកទី១ ឃើញថា ចំរើន ធ្វើបានល្អមែនទែនតាមរយៈការទាត់ជើងឆ្វេងលើដៃ តៃម៉ូ ជាច្រើនដែលបង្ខំចិត្តបន្ថយល្បឿនក្នុងវ៉ៃសម្រុក ហើយកីឡាករកម្ពុជាបានវាយកែងមើលទៅគ្រោះថ្នាក់ជាច្រើនថែមទៀត។
នៅទឹកទី២ និងទី៣ តៃម៉ូ នៅតែព្យាយាមសម្រុកចូលវ៉ៃតាមរយៈការប្រើកណ្តាប់ដៃ ហើយពេលខ្លះប្រើក្បាច់ពិសេសជាលើក។ រូបគេថែមទាំងចាប់ជើងរបស់ ចំរើន ធ្វើឲ្យដួលជាច្រើនលើក។ ទោះបីជាយ៉ាងណា ការចូលវ៉ៃសន្ធាប់របស់ តៃម៉ូ មិនសូវចំគោលដៅច្រើនឡើយ។
ការបង្ហាញសមត្ថភាពរបស់ ចំរើន គុនខ្មែរ បានធ្វើឲ្យមានការភ្ញាក់ផ្អើល និងកោតសរសើរខ្លាំងពីអ្នកគាំទ្រ។ ជាពិសេសគឺភាគច្រើនគិតខុសលើកីឡាករកម្ពុជារូបនេះតែម្តង។
មែនទែនទៅនេះមិនមែនជាលើកទី១ទេដែល ចំរើន គុនខ្មែរ ធ្វើឲ្យអ្នកគាំទ្រភ្ញាក់ផ្អើល។ នៅពេលរូបគេទៅប្រកួតនៅប្រទេសជប៉ុនជាមួយកីឡាករ Ogasawara Eisaku កាលពីខែធ្នូ ឆ្នាំ២០២៤ អ្នកគាំទ្រភាគច្រើនសង្ឃឹមលើកីឡាករកម្ពុជា ឈុត សេរីវ៉ាន់ថង ដែលប្រកួតជាមួយ តៃម៉ូ ប៉ុន្តែពេលនោះ សេរីវ៉ាន់ថង ត្រូវបាន តៃម៉ូ ប្រើក្បាច់ពិសេសផ្តួលឲ្យសន្លប់នៅក្នុងទឹកទី១។ ចំណែក ចំរើន បែរជាធ្វើបានល្អវិញដោយបានផ្តួលកីឡាករជប៉ុន Ogasawara តាមរយៈការទាត់ផ្កាប់ចានឲ្យអាជ្ញាកណ្តាលបញ្ឈប់ក្នុងទឹកទី១។
មួយវិញ ការប្រកួតនៅប្រទេសអូស្ត្រាលី កាលពីដើមខែមីនា កន្លងទៅ ចំរើន ធ្វើបានល្អ និងទទួលបានការសរសើរពីអ្នកគាំទ្រកម្ពុជាផងដែរ បើទោះជាចាញ់ដោយពិន្ទុក៏ដោយ។ ការប្រកួតនៅទឹកដីអូស្ត្រាលី៥ទឹកពេញ ចំរើន វាយចំគោលដៅបានច្រើន ប៉ុន្តែភាគច្រើនថយការពារ និងវាយបក ខណៈកីឡាករអូស្ត្រាលី James Kostic បានព្យាយាមចូលវ៉ៃទាំង៥ទឹក។ ក្រោយចប់ការប្រកួត កីឡាករអូស្ត្រាលីជាម្ចាស់ផ្ទះត្រូវបានចៅក្រមផ្តល់ពិន្ទុឲ្យឈ្នះ ប៉ុន្តែមើលតាមសមត្ថភាពវ៉ៃមិនលើសខ្វះគ្នាប៉ុន្មានឡើយ។
ចំរើន គុនខ្មែរ ដែលពីមុនប្រើឈ្មោះ អេលីត ចំរើន ត្រូវបានគេចាប់អារម្មណ៍ខ្លាំងនៅពេលបានយកឈ្នះកីឡាករ បឺត សង្ឃឹម ក្នុងការប្រកួតវគ្គផ្តាច់ព្រ័ត្រដណ្តើមខ្សែក្រវាត់កាលពីឆ្នាំ២០២១ នៅសង្វៀន PNN។ រូបគេបានទទួលបានខ្សែក្រវាត់អមដោយប្រាក់រង្វាន់១ម៉ឺនដុល្លារអាមេរិក និងបានឈ្នះខ្សែក្រវាត់ប្រាក់រង្វាន់១ម៉ឺនដុល្លារទៀត។ ពេលនោះ ចំរើន ត្រូវបានគេស្គាល់ខ្លាំងអំពីបច្ចេកទេសទាត់ជើងដ៏អស្ចារ្យ។
ទោះបីជាយ៉ាងណា ក្រោយមក កេរ្តិ៍ឈ្មោះរបស់ ចំរើន បានធ្លាក់ចុះវិញ ស្របពេលរូបគេមានបញ្ហារបួស និងជាមួយក្លិបជាដើម។ ឆ្នាំបន្តបន្ទាប់ រូបគេក៏ចាប់ផ្តើមឡើងកូដមកវិញ។ ជាពិសេសអាវុធរបស់គេកាន់តែច្រើនសំបួរបែប។ កាលពីមុន រូបគេភាគច្រើនប្រើរន្ទះជើង ប៉ុន្តែឥឡូវនេះទាំងទាត់ កែង និងកណ្តាប់ដៃធ្វើបានយ៉ាងល្អ៕
អត្ថបទ៖ វីរបុត្រ
គ្រោះថ្នាក់ចរាចរណ៍បង្កដោយលោកសក្តិ៥៖ នាយករដ្ឋមន្ត្រី ធានាអះអាងមិនឱ្យបុគ្គលនេះរួចពីសំណាញ់ច្បាប់ឡើយ
ទិវាចងចាំនឹងត្រូវធ្វើឡើងនៅមជ្ឈមណ្ឌលឧក្រិដ្ឋកម្មប្រល័យពូជសាសន៍ជើងឯក ក្រោមការរៀបចំនិងចាត់ចែង ដោយសាលារាជធានីភ្នំពេញ
រង្វាន់រថយន្ត១គ្រឿង ម៉ូតូ៣គ្រឿងកំពុងរង់ចាំម្ចាស់នៅវគ្គផ្តាច់ព្រ័ត្រពានសម្តេចតេជោ
ករណីគ្រោះថ្នាក់ចរាចរណ៍នៅផ្លូវ៦០ម៉ែត្រមានការថមថយច្រើន ក្រោយរបាំងចែកទ្រូងផ្លូវត្រូវបានដាក់រួចរាល់
លោក Amorim ថា ចាញ់ Chelsea យប់មិញ នឹងអាចជួយលោករឿងមួយនៅវគ្គផ្តាច់ព្រ័ត្រ UEL
លោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក
អ៊ុយក្រែន ធ្លាក់ F-16 មួយគ្រឿងទៀតហើយ!
យុវជនម្នាក់មកពីទីរួមស្រុកសំបូរទទួលបានជ័យលាភីលេខ១ ក្នុងទិវាប្រាក់រៀលឆ្នាំ២០២៥
រុស្ស៊ី ចង្អុលចំឈ្មោះMacron ថា ជាអ្នកនាំអាទិ៍ឲ្យមានសង្គ្រាមប្រឆាំងទីក្រុង មូស្គូ
នាយករដ្ឋមន្ត្រីបញ្ជាឱ្យទម្លាក់មន្ត្រីពីថ្នាក់កណ្ដាលទៅប៉ុស្តិ៍នគរបាលឱ្យបានច្រើន
-
ជីវិតកម្សាន្ដ៦ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ចរាចរណ៍២ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍២ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៣ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ៥ ថ្ងៃ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
កីឡា២០ ម៉ោង agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក
-
ចរាចរណ៍២ ថ្ងៃ agoបឋម៖ ករណីបុករះបង្កឡើងដោយរថយន្ដឡិចសុីសមួយគ្រឿងបណ្ដាលឲ្យមានអ្នកស្លាប់នៅផ្លូវព្រះនរោត្ដម
-
ព័ត៌មានជាតិ៤ ថ្ងៃ agoក្រសួងរ៉ែទទួលយកសំណើពលរដ្ឋដែលស្នើសុំកិនសំណល់រ៉ែមាសលើដីក្នុងខេត្តមណ្ឌលគិរីទៅពិភាក្សា