នយោបាយ
សម្តេច ហ៊ុន សែន៖ គណបក្សប្រជាជនកម្ពុជា និងគណបក្សសម្ព័ន្ធភាព នឹងរួមគ្នាទប់ស្កាត់ «ចលនាជ្រុលនិយម»
សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានអះអាងថា គណបក្សប្រជាជនកម្ពុជា និងគណបក្សដែលចងសម្ព័ន្ធភាពចំនួន២៧ទៀត នឹងរួមគ្នាទប់ស្កាត់ឱ្យបាននូវ«ចលនាជ្រុលនិយម»កុំឱ្យកើតមាននៅក្នុងប្រទេសកម្ពុជា។ សម្តេចតេជោ បានអះអាងបែបនេះនៅក្នុងពិធីចុះហត្ថលេខាលើកិច្ចព្រមព្រៀងចងសម្ព័ន្ធភាពរវាងគណបក្សប្រជាជនកម្ពុជា ជាមួយបណ្ដាគណបក្សនយោបាយនៅកម្ពុជា ចំនួន២៧ផ្សេងទៀត នៅទីស្នាក់ការកណ្ដាលរបស់គណបក្សប្រជាជនកម្ពុជា រាជធានីភ្នំពេញ នៅព្រឹកថ្ងៃពុធនេះ។

បើតាមសម្តេចតេជោ ហ៊ុន សែន ចលនាជ្រុលនិយម និងនយោបាយជ្រុលនិយម គឺជាចលនា និងនយោបាយដែលគ្រោះថ្នាក់សម្រាប់ជាតិ និងប្រជាពលរដ្ឋកម្ពុជា។ សម្តេចតេជោ បានគូសបញ្ជាក់ថា ចលនាជ្រុលនិយម និងនយោបាយជ្រុលនិយមនេះ គឺជាមូលហេតុនៃការកើតមានសង្រ្គាម និងថា នយោបាយជ្រុលនិយមនេះ មិនថា ឆ្វេងនិយម ឬស្តាំនិយមទេ គឺសុទ្ធតែបង្កជាគ្រោះថ្នាក់ទាំងអស់។
ជាការកត់សម្គាល់ ការលើកឡើងពីចលនាជ្រុលនិយម និងនយោបាយជ្រុលនិយមនេះ គឺសម្តេចប្រមុខគណបក្សកាន់អំណាច ចង់សំដៅទៅក្រុមអតីតបក្សប្រឆាំងដែលតែងតែប្រកាន់ខ្ជាប់នូវនយោបាយជ្រុលនិយមនេះ។ បើតាមសម្តេចតេជោ ពួកគេទាំងនោះ កន្លងមក ដូចពេលពេលបច្ចុប្បន្ន តែងតែធ្វើសកម្មភាពញុះញង់បង្កអស្ថិរភាពនៅក្នុងសង្គម ចង់ផ្តួលរំលំរាជរដ្ឋាភិបាលកម្ពុជា និងចង់បំផ្លាញសុខសន្តិភាពដែលរកបានយ៉ាងលំបាក។

យ៉ាងណាក៏ដោយ ដើម្បីទប់ស្កាត់នូវចលនាជ្រុលនិយម និងនយោបាយជ្រុលនិយមនេះ មិនមែនជារឿងលំបាកខ្លាំងណាស់ណាទេ។ សម្តេចតេជោ ហ៊ុន សែន បានអះអាងថា ដើម្បីទប់ស្កាត់បញ្ហានេះ គឺគ្រប់គណបក្សទាំងអស់ ទាំងគណបក្សប្រជាជនកម្ពុជា និងគណបក្សដទៃទៀត ត្រូវអប់រំសមាជិក សមាជិការបស់ខ្លួនឱ្យយល់ពីគ្រោះថ្នាក់នៃនយោបាយជ្រុលនិយម និងពន្យល់ណែនាំពួកគេកុំឱ្យដើរ ឬធ្លាក់ចូលក្នុងនយោបាយដ៏គ្រោះថ្នាក់នេះ។ សម្រាប់សម្តេចតេជោ អ្នកនយោបាយទាំងអស់ គួរតែជ្រើសរើសនយោបាយផ្លូវកណ្តាល ដើម្បីប្រទេសជាតិ និងប្រជាពលរដ្ឋ៕
-
ព័ត៌មានជាតិ១ សប្តាហ៍ មុន
តើលោក ឌី ពេជ្រ ជាគូស្នេហ៍របស់កញ្ញា ហ៊ិន ច័ន្ទនីរ័ត្ន ជានរណា?
-
ព័ត៌មានជាតិ៣ ថ្ងៃ មុន
បណ្តាញផ្លូវជាតិធំៗ ១៣ ខ្សែ ចាយទុនរយលានដុល្លារ កំពុងសាងសង់គ្រោងបញ្ចប់ប៉ុន្មានឆ្នាំទៀតនេះ
-
ព័ត៌មានជាតិ១ ថ្ងៃ មុន
មកដល់ពេលនេះ មានប្រទេសចំនួន ១០ ភ្ជាប់ជើងហោះហើរត្រង់មកប្រទេសកម្ពុជា
-
ព័ត៌មានអន្ដរជាតិ៦ ថ្ងៃ មុន
អាហារចម្លែកលើលោកទាំង ១០ បរទេសឃើញហើយខ្លាចរអា
-
ព័ត៌មានជាតិ៤ ថ្ងៃ មុន
និយ័តករអាជីវកម្មអចលនវត្ថុ និងបញ្ចាំ៖ គម្រោងបុរីម៉ន ដានី ទី២៩ នឹងបើកដំណើរការឡើងវិញ នៅដើមខែធ្នូ
-
ព័ត៌មានជាតិ១ សប្តាហ៍ មុន
ចិន បង្ហាញនូវវត្ថុបុរាណដ៏មានតម្លៃ ដែលភាគច្រើនជាវត្ថុបុរាណបានមកពីកំណាយផ្នូររាជវង្សហាន
-
ព័ត៌មានជាតិ៣ ថ្ងៃ មុន
ច្បាប់មិនលើកលែងឡើយចំពោះអ្នកដែលថតរឿងអាសអាភាស!
-
ព័ត៌មានជាតិ២ ថ្ងៃ មុន
សមត្ថកិច្ច ចាប់ឃាត់ខ្លួនបានហើយ បុរសដែលវាយសត្វឈ្លូសហែលទឹកនៅខេត្តកោះកុង