៥ ចំណុច ចាំបាច់បំផុត បង្ការការលាឈប់របស់បុគ្គលិកល្អៗ
Connect with us
Helistar Cambodia - Helicopter Charter Services

អាជីព

៥ ចំណុច ចាំបាច់បំផុត បង្ការការលាឈប់របស់បុគ្គលិកល្អៗ

បានផុស

នៅ

រាល់ពេលមាន​បុគ្គលិកសកម្មម្នាក់ៗលាឈប់ពីការងារ ជារឿងឈឺក្បាលមួយ ដែលមេដឹកនាំត្រូវប្រឈម ពីព្រោះថា ការស្វះស្វែងរកបុគ្គលិកថ្មីមកជំនួស មិនត្រឹមតែខាតពេលទេ ជួនកាលអាចរកបុគ្គលិកល្អមិនបានដូចអ្នកមុនទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កុំឲ្យស្មុគស្មាញជាមួយរឿងនេះ កម្ពុជាថ្មី មានគន្លឹះចំនួន ៥ ចំពូចសម្រាប់មេដឹកនាំពិចារណា ដើម្បីទប់ស្កាត់បុគ្គលិកដែលចង់លាឈប់ ឲ្យនៅធ្វើការដូចដើម៖

១. បង្ហាញការផ្ដល់តម្លៃឲ្យគេឃើញ

Why do Asians work very hard? - Speeli

ជាមេដឹកនាំ ត្រូវឲ្យបុគ្គលិកនោះដឹងថា អ្នកផ្ដល់តម្លៃទៅលើគេ ហើយគេពិតជាមានសារៈសំខាន់សម្រាប់កន្លែងរបស់អ្នក។ អ្នកអាចធ្វើឲ្យគេដឹងដោយប្រាប់គេតែពីរនាក់ ឬ នៅពេលប្រជុំអាចលើកឡើងពីចំណុចល្អរបស់គេឲ្យបុគ្គលិកផ្សេងបានដឹងដែរ។

ការលើកឡើងបែបនេះធ្វើឲ្យបុគ្គលិកពេញចិត្ត ព្រមទាំងខិតខំប្រឹងប្រែងលើតួនាទីរបស់ខ្លួន ក៏ដូចជាការបង្ហាញគម្រូទៅកាន់បុគ្គលិកដទៃទៀតដែរ។

២. ភ្ជាប់ទំនាក់ទំនងផ្ទាល់ខ្លួន

ការមានទំនាក់ទំនងរវាងកូនចៅ និង មេកោយជារឿងធម្មតា ប៉ុន្ដែនៅក្រៅម៉ោងការងារអ្នកក៏អាចទាក់ទងជាមួយគេបែបផ្ទាល់ខ្លួនផងដែរ។ ដើម្បីបង្កើតទំនាក់ទំនងស្និទ្ធស្នាល អ្នកអាចចាប់ផ្ដើមដោយសួរនាំពីនេះពីនោះ អំពីក្រុមគ្រួសារ ចំណង់ចំណូលចិត្ត ដំណើរកម្សាន្ត។ល។

៣. ផ្ដល់នូវទំនួលខុសត្រូវឲ្យគេ

Teamwork business concept. Group of Asian people working with laptop  together in modern office. Selective focus and shallow depth of field. —  plan, discussion - Stock Photo | #214264390

មនុស្សយើងរមែងចង់ឲ្យអ្នកដទៃចាត់ទុកខ្លួនជាបុគ្គលម្នាក់ដែលមានទំនួលខុសត្រូវមិនថាក្នុងការងារឬក្នុងជីវិត។ ដូច្នេះអ្នកត្រូវផ្ដល់ឲ្យគេនូវទំនួលខុសត្រូវតាមផ្នែកនីមួយៗ។ នៅពេលដែលគេមានទំនួលខុសលើតួនាទី គេនឹងផ្ដោតលើការងារនោះបានច្បាស់លាស់ និងយល់ថា អ្នកគ្រប់គ្រងរបស់ខ្លួនឲ្យតម្លៃ ហើយជឿទុកចិត្តលើសមត្ថភាពរបស់គេ។

៤. ផ្ដល់សម្ភារៈប្រើប្រាស់គ្រប់គ្រាន់

ដើម្បីឲ្យបុគ្គលិករបស់ខ្លួនបំពេញការងារបានល្អ អ្នកត្រូវតែផ្ដល់នូវសម្ភារៈធ្វើការឲ្យបានគ្រប់គ្រាន់ ព្រោះវាមិនត្រឹមតែជួយសន្សំពេលវេលានោះទេ វាថែមទាំងធ្វើឲ្យបុគ្គលិកបំពេញការងារពោរពេញដោយការជឿទុកចិត្តលើខ្លួនឯង។

ប្រសិនបើបុគ្គលិកស្នើរសុំសម្ភារអ្វីដែលពាក់ព័ន្ធនឹងការងារបស់គេមិនដែលបាន ឬខ្វះមុខខ្វះក្រោយ មិនយូរឬឆាប់គេនឹងលាឈប់ដោយឯងៗ ព្រោះតែធុញទ្រាន់ដែលអ្នកមិនអើពើ។

៥. ផ្ដល់ប្រយោជន៍ផ្សេងៗ

Focused Young Asian Business People Working With Free Stock Photo and Image

បើអ្នកធ្វើបាននូវចំណុចទាំង ៤ ខាងលើហើយ​ កុំភ្លេចថា ការលើកទឹកចិត្តបុគ្គលិកដោយ ការតម្លើងប្រាក់ខែ ឬ ផ្ដល់នូវផលប្រយោជន៍ផ្សេងៗទៀតរួមមាន ការធានារ៉ាប់រងសុខភាព យានជំនិះ ប្រាក់ក្រៅម៉ោង ការជប់លៀងលើកទឹកចិត្តជាដើម សុទ្ធតែចាំបាច់ដើម្បីបង្ការការលាឈប់របស់បុគ្គលិកល្អ៕

ប្រែសម្រួល៖ សន្យា

ប្រភព៖ CNBC

ចុចអាន៖ មានអ្នកដឹកនាំល្អ ជាគុណសម្បត្តិប្រកួតប្រជែង ដ៏សំខាន់មួយ

ចុចអាន៖ ធ្វើការរាប់ឆ្នាំ តែមិនទៅមុខ មកពីមានចរិត ៥យ៉ាងនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services