កីឡា

សហព័ន្ធបាល់ទះចាប់ផ្តើមពង្រឹងជម្រើសជាតិត្រៀមពានអន្តរជាតិ៤ឆ្នាំនេះ

បានផុស

១ year មុន

នៅ

ថ្ងៃអង្គារ ៨ មេសា ២០២៥

ដោយ

សហព័ន្ធកីឡាបាល់ទះកម្ពុជាបានចាប់ផ្តើមរៀបចំផែនការដើម្បីពង្រឹកក្រុមជម្រើសជាតិទាំងកម្រិតយុវជន និងជម្រើសទី១សម្រាប់ការត្រៀមខ្លួនប្រកួតពានរង្វាន់អន្តរជាតិជាច្រើនដ៏សំខាន់នៅក្នុងឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អាំង សិរីពិសិដ្ឋ

លោក អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធកីឡាបាល់ទះកម្ពុជាបានបើកកិច្ចប្រជុំដោយមានលោកគ្រូបង្វឹក Li Jun និងលោកគ្រូបង្វឹក Prayoocncharn ដែលជាគ្រូបង្វឹកថ្មីម្នាក់ទៀតចូលមកពង្រឹកក្រុមជម្រើសជាតិកម្ពុជា។ កិច្ចប្រជុំនេះផ្តោតសំខាន់លើផែនការហ្វឹកហាត់របស់ក្រុមបាល់ទះជម្រើសជាតិកម្ពុជាទាំងកម្រិតយុវជន និងឈុតធំ។

ការដាក់ចេញផែនការសកម្មភាពហ្វឹកហាត់នេះគឺជាការត្រៀមខ្លួនក្នុងការចូលរួមប្រកួតពានរង្វាន់សំខាន់ៗជាច្រើននៅក្នុងឆ្នាំ២០២៥មានដូចជា ពានរង្វាន់អន្តរជាតិកោះតៃវ៉ាន់ ពានរង្វាន់អន្តរជាតិនៅប្រទេសបារ៉ែន ពានរង្វាន់លំដាប់ទី១អាស៊ាន SEA V. League និងកីឡាស៊ីហ្គេម លើកទី៣៣ នៅប្រទេសថៃ។

រូបភាពផេកលោក អាំង សិរីពិសិដ្ឋ

សហព័ន្ធកីឡាបាល់ទះកម្ពុជាត្រូវបានអ្នកគាំទ្រមើលឃើញពីការអនុវត្តជាក់ស្តែង និងច្បាស់លាស់សម្រាប់ការត្រៀមខ្លួនឲ្យបានល្អ។ ជាក់ស្តែង ការសម្ងំហ្វឹកហាត់សម័យកាលកូវីដ-១៩ បានផ្តល់ផលវិជ្ជមានក្នុងការឈ្នះមេដាយសំរិទ្ធស៊ីហ្គេម ជាលើកដំបូងកាលពីឆ្នាំ២០២២ នៅប្រទេសវៀតណាម និងឈ្នះមេដាយប្រាក់កីឡាស៊ីហ្គេម ឆ្នាំ២០២៣។

ចុងឆ្នាំ២០២៣ ក្រុមបាល់ទះជម្រើសជាតិកម្ពុជាបានចូលរួមប្រកួតកីឡាទ្វីបអាស៊ីជាលើកដំបូងក្នុងប្រវត្តិសាស្ត្ររបស់ខ្លួននៅប្រទេសចិន ហើយឆ្នាំ២០២៤ បានឈ្នះជើងឯកពានរង្វាន់អាស៊ានលំដាប់ទី២។