សន្តិសុខសង្គម

ទុកម៉ូតូមុខហាងកំពុងលក់ដូរ ត្រូវជនសង្ស័យលួចកាច់.ក ម៉ូតូ យកទៅបាត់

បានផុស

២ សប្តាហ៍ មុន

នៅ

ថ្ងៃអង្គារ ៨ មេសា ២០២៥

ដោយ

ម៉ូតូរបស់នារីវ័យក្មេងម្នាក់ ដែលជាបុគ្គលិកនៅហាងលក់សម្ភារៈកីឡាវាយសីមួយកន្លែង ត្រូវបានជនសង្ស័យលួចកាច់.ក យកទៅបាត់ ខណៈកំពុងលក់ដូរ បង្កឲ្យមានការភ្ញាក់ផ្អើលកាលពីវេលាម៉ោង ៧ និង ៣៣ នាទី យប់ថ្ងៃទី ០៧ ខែមេសា ឆ្នាំ ២០២៥ នៅទល់មុខវត្តនាគវ័ន្ត ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមកាមេរ៉ាសុវត្ថិភាពនៅទីតាំងកន្លែងកើតហេតុ ឃើញមានជនសង្ស័យ ២ នាក់ ជិះម៉ូតូមួយគ្រឿង ដោយជនសង្ស័យម្នាក់ពាក់មួកសុវត្ថិភាព បានចូលមកកាច់.ក ម៉ូតូ ជនរងគ្រោះដែលជាបុគ្គលិកលក់សម្ភារៈកីឡាវាយសី ម៉ាកឌ្រីមសង់ ពណ៌ខ្មៅ (មិនបានបញ្ជាក់ស្លាកលេខ)។ ពេលនោះដែរ ភ្លាមៗ នារីរងគ្រោះបានឃើញជនសង្ស័យឡើងលើម៉ូតូ ហើយគាត់ក៏រត់ចេញពីហាង តែជនសង្ស័យបានជិះរត់គេចខ្លួនតែម្ដង ធ្វើឲ្យឆោឡោនៅកន្លែងកើតហេតុនាំគ្នាស្រែកថា ចោរៗ តែមិនមានប្រជាពលរដ្ឋនាំគ្នាដេញជនសង្ស័យឡើយ។

ដោយឡែកបើតាមប្រភពព័ត៌មានពីទីតាំងកន្លែងកើតហេតុបានរៀបរាប់ប្រាប់ថា នៅម្តុំវត្តនាគវ័ន្តខាងលើ មានខណ្ឌ ២ ជាប់ព្រំប្រទល់គ្នា គឺ ខណ្ឌទួលគោក និង ខណ្ឌដូនពេញ ហើយទីតាំងខាងលើ សំបូរដោយជនសង្ស័យលួចទ្រព្យសម្បត្តិប្រជាពលរដ្ឋជាញឹកញាប់ផងដែរ។ ជាមួយនេះ ប្រជាពលរដ្ឋ បានសំណូមពរដល់អាជ្ញាធរ និងសមត្ថកិច្ច ចាត់វិធានការ ឬ ចុះរដ្ឋបាលទីតាំងខាងលើនេះឲ្យបានញឹកញាប់ផង ព្រោះថា តំបន់នេះ សំបូរទៅដោយក្មេងទំនើង អ្នកញៀនថ្នាំ តែងតែអុកឡុកយ៉ាងអានាធិបតេយ្យ៕

អត្ថបទ ៖ សំណាង