គន្លឹះជួយកុំឱ្យ «បុកពោះ» ដំណាក់កាល​សាកល្បងការងារ៣ខែដំបូង
Connect with us
Helistar Cambodia - Helicopter Charter Services

អាជីព

គន្លឹះជួយកុំឱ្យ «បុកពោះ» ដំណាក់កាល​សាកល្បងការងារ៣ខែដំបូង

បានផុស

នៅ

ពេលសាកល្បងការងារមានពីរបីទៅ៦ខែតាមតំណែង និងតាម​បទវិន័យ​ផ្ទៃក្នុងរបស់ក្រុមហ៊ុននិមួយៗ។ ជាទូទៅ​យើង​ចាប់ផ្តើមថ្ងៃដំបូងដោយមានអារម្មណ៍ជឿជាក់ ចំពោះសមត្ថភាពខ្លួនឯង ព្រោះមិនខ្លាំង​ម៉េចនឹងជាប់?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែបន្ទាប់ពីស្គាល់​អ្នកគ្រប់គ្រង មិត្តរួមការងារ ស្គាល់ថាមុខងារ​ខ្លួន​នឹង ​ត្រូវ​ទទួល​ខុសត្រូវ​អ្វីខ្លះ បុគ្គលិកថ្មី​ៗចាប់ផ្តើម​កើតគំនិត​ព្រួយបារម្ភចំពោះការងារ។ ការ​ខ្លាចរអាក្នុងការ​សួរនាំ​បញ្ចេញយោបល់ និង​ការខ្លាចមានកំហុស​ក្នុងអំឡុងពេលនេះ ភាគច្រើន​ធ្វើឱ្យបុគ្គលិកថ្មី មាន​អារម្មណ៍តានតឹង ធុញទ្រាន់ និង តូចចិត្ត។

ឆ្លងកាត់ដោយជោគជ័យ នូវ​ដំណាក់កាលសាកល្បងការងារនៅកន្លែងធ្វើការថ្មី អាចជាផ្នែកមួយដ៏លំបាកព្រោះ​យើងមិនស្គាល់អ្នកណា មិនដឹងអំពីវប្បធម៌ទីនោះ ព្រមទំាំង​ភាគីទំាងសង គឺចៅហ្វាយនិងបុគ្គលិក មិនទាន់​ស្គាល់ចិត្តគ្នា។

យុទ្ធសាស្រ្តមួយចំនួនដែលជួយបានគឺ ដំបូង​បង្អស់ បុគ្គលិកថ្មី​ត្រូវ​ស្វែងយល់ពីវិធីអាចជំនៈ ភាពតានតឹងនិងរក្សាលំនឹង​ចិត្ត កុំរំជួលចិត្តពេក កុំពិបាកចិត្ត​ពេក ក៏​កុំប្រហែសពេក។
បើ់យើងនិយាយថា កង្វះនៃការលើកទឹកចិត្តកំពុងតែកើតមានឡើង ខាងគេក៏អាចចាត់ទុកវិញបានថា
យើង​មានចរិតមិនត្រឹមត្រូវសម្រាប់ការងារ ចូលមកដល់ភ្លាម​វាយតម្លៃអវិជ្ជមាន​កន្លែង​គេភ្លាម។

គួរតែប្រាប់ខ្លួនឯងជានិច្ច​ថាគ្រប់យ៉ាង​សុទ្ធតែ​អាចកែលម្អបាន ប្រសិន​យើងមាន​អាកប្បកិរិយាត្រឹមត្រូវនិងមាន​ការប្តេជ្ញាចិត្ត។ យុទ្ធសាស្រ្តធំមួយ​ដែលតែងតែមានប្រសិទ្ធិភាពសម្រាប់ឆ្លងកាត់ការសាកល្បង គឺ​ការធ្វើការ​តាមវិជ្ជាជីវៈ។

តាមវិជ្ជាជីវៈ?

បាទ គឺ ធ្វើយ៉ាងណាកុំប្រលូករឿង​ក្រៅការងារ​ឧទាហរណ៍ ការនិយាយដើមគ្នា ការរិះគន់ ចេចចូចឬ បង្កើតស្នេហា ឬបង្កជម្លោះ។ល។ យើងមិនត្រូវសិ្នទ្ធពេក​ឬព្រងើយពេកជាមួយអ្នកគ្រប់គ្នានោះដែរ។

យុទ្ធសាស្ត្រធំមួយទៀត  គឺការ​​បង្កើតចំណាប់អារម្មណ៍ដោយ​ប្រឹងអស់ពីលទ្ធភាព រាល់ការងារ​ដែលថ្នាក់លើដាក់ឱ្យ មាន​ភាសាកាយវិការវិជ្ជមាន និងមានទស្សនៈវិជ្ជមាន​លើកាលៈទេសៈនានា​ដែលខ្លួនឆ្លងកាត់។ គ្មានអ្នកណាម្នាក់អាច​ធ្វើទង្វើអវិជ្ជមាន​មកលើបុគ្គលដែលតែងតែមានសកម្មភាពវិជ្ជមានជាមួយ​គេ​នោះទេ។

ចូរ​រើសយក​វិធី​ស្លៀកពាក់ប្រកបដោយ​ភាព​ឆ្លាតវៃ បង្ហាញថា​យើង​ផ្តល់តម្លៃ​និង​យកចិត្តទុកដាក់ចំពោះ​ខ្លួនឯងនិងមុខការងារយើង​។ គោរពពេលវេលាចូលមុនចេញក្រោយ បើកុងត្រាសល់តែមួយគេនឹងប្រគល់ឱ្យយើង​។

ចាំថា ដំណាក់កាលនេះ ត្រូវសកម្មខ្លាំង​ធ្វើមួយចប់រកមួយ​ទៀត​ធ្វើ! កុំរង់ចាំឱ្យអ្នក​សផ្សេងទៀតប្រាប់ដាស់តឿន ព្រោះ​នេះជាដំណាក់កាលដែលគេ​ពិនិត្យ​យើងម៉ត់ចត់ គ្មាន​និយោជកឬមន្ត្រី​ធនធានមនុស្ស​ណា ចង់បាត់មនុស្ស​ល្អ ឬចង់កុងត្រាបុគ្គលិកយ៉ាប់ៗទេ។

យុទ្ធសាស្ត្រចុងក្រោយ យុទ្ធសាស្ត្រស្លាប់រស់!

ចូរស្រលាញ់ក្រុមហ៊ុន​ដែលយើង​កំពុងជ្រក បើមិនទេ ដើរចេញទៅព្រោះ ធ្វើអ្វីមួយ​ដែលយើងមិនគោរពស្រលាញ់ វាគ្មានថ្ងៃជោគជ័យឡើយ។ មនុស្សដែលមាន​ចរិតជិះក្របីឆ្លងភក់ តែងតែប្រលាក់ស្រម៉ក ចំណែកអ្នកដែលនៅឯណារីកចម្រើនទីនោះ និយាយល្អពីទីនោះ ទៅដល់ណាក៏មាន​គេស្វាគមន៍​ដៃពីរទទួល។

សង្ឃឹម​អត្ថបទនេះ កែប្រែ​ការគិតរបស់អ្នក! បើមែន Share ឱ្យខ្មែរយើងជំនាន់ក្រោយ​យល់ផង!

ប្រែសម្រួល៖ សាយ ពេជ្រ​

ចុចអាន៖​កុំនិយាយច្រើនជាងសកម្មភាព នៅពេលឡើង​ធ្វើជាមេដឹកនាំ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កូវីដ-១៩៥ នាទី មុន

វត្ត​គល់​ទទឹង​ យក​សំណាក​ព្រះសង្ឃ​ និង​ ពុទ្ធ​បរិ​ស័ទ​៣៥៥​អង្គ​នាក់​ រក​ឃើញ​២​អង្គ​នាក់​ឆ្លង​កូ​វីដ

ព័ត៌មានជាតិ១១ នាទី មុន

កាកបាទក្រហមកម្ពុជា ប្រគល់ ផ្ទះ​២ ខ្នង​ជូន​ប្រ ជា​ពលរដ្ឋ​២​គ្រួសារ​ដែល​រងគ្រោះ​ដោយ​ភ្លើង​ឆេះ​ផ្ទះ នៅក្នុង​ខ្សាច់​ស ឃុំ​ក្រាំង​ល្វា ស្រុក​សាមគ្គី​មានជ័យ

កូវីដ-១៩១ ម៉ោង មុន

ខេត្តកំពង់ឆ្នាំង​រក​ឃើញ​វិជ្ជមាន កូ​វីដ​១៩​ថ្មី ៦៥​នាក់​និង​មាន​អ្នក​ស្លាប់​ថ្មី​ម្នាក់ នៅក្នុង​ថ្ងៃទី​២៣

ព័ត៌មានជាតិ១ ម៉ោង មុន

ប្រធាន​មន្ទីរ​សាធារណការ​ខេត្តព្រះវិហារ​ ណែនាំ​ឲ្យ​ការសាងសង់​ស្ថានីយ​ជញ្ជីង​អចល័ត អូរ​ពោធិ៍​-​ខេត្តព្រះវិហារ ស្របតាម​គំនូស​ប្លង់ តាម​បទដ្ឋាន​បច្ចេកទេស

ព័ត៌មានជាតិ២ ម៉ោង មុន

លោក កឹម សុខា អំពាវនាវ​ឲ្យ​រួមគ្នា​គោរព និង​ការពារ​រដ្ឋធម្មនុញ្ញ ក្នុង​ទិវា​ខួប​២៨​ឆ្នាំ

Sokha Hotels

ព័ត៌មានពេញនិយម

Helistar Cambodia - Helicopter Charter Services