អាជីព

៣ចំណុចជាឧបសគ្គក្នុងការបង្កើតយីហោ និងវិធីដើម្បីក្លាយជាម៉ាករឹងមាំអតិថិជនទុកចិត្ត

បានផុស

៦ years មុន

នៅ

ថ្ងៃពុធ ២៨ តុលា ២០២០

ដោយ

Sonya

ការប្រកួតប្រជែងនៃផ្នែកអាជីវកម្មគឺពិតជាតានតឹងខ្លាំងណាស់ ហើយយើងមិនប្រាកដជាត្រូវចាប់ផ្ដើមកន្លែងណាមុននោះទេ។ បញ្ហាប្រឈមធំបំផុតនោះគឺ ត្រូវផ្ដោតលើយីហោរបស់យើង ប្រសិនបើចង់យកឈ្នះចិត្តអតិថិជន។ ដូច្នេះតើអ្វីទៅជាចំណុចគ្រោះថ្នាក់របស់យើងនៅពេលដែលនិយាយអំពីការកសាងម៉ាកយីហោដែលអតិថិជនចងចាំមិនភ្លេច។

នេះគឺជាចំណុចសំខាន់ៗចំនួន ៣ដែល Kpt Plus ចង់បង្ហាញប្រាប់ពីឧបសគ្គនិងវិធីដែលអាចយកឈ្នះលើវាបាន។

១. ផ្ដោតលើភាពស្មុគស្មាញនៃយីហោផ្ទាល់ខ្លួន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យីហោមិនមែនជាឡូហ្គោពុម្ពអក្សរផ្ទាល់ខ្លួនឬផ្ទាំងដែលលាយពណ៌ទេ ទាំងនេះគ្រាន់តែជាការមើលឃើញជ្រុងមួយតែប៉ុណ្ណោះ។ មានការយល់ច្រឡំដ៏ធំមួយពីការកសាងយីហោ គឺគ្រាន់តែដាក់ឡូហ្គោហើយគឺចប់។

មុនបង្កើតយីហោផ្ទាល់ខ្លួន អ្វីដែលគួរចងចាំមុនចាប់ផ្ដើមត្រូវដាក់សំណួរមួយចំពោះខ្លួនឯង ដើម្បីជួយឱ្យអ្នកមានគំនិតនិងយុទ្ធសាស្ត្រដែលបានរៀបចំ។ ក្នុងនាមជាអាជីវកម្មថ្មី (ឬពង្រីកអាជីវកម្ម) ត្រូវស្គាល់តម្លៃនិងជំនឿនៃស្នូលរបស់អ្នកជាមុនសិន។

នៅពេលដែលអ្នកបានរកឃើញនូវអ្វីដែលជំរុញអាជីវកម្មរបស់អ្នក នោះអាចបង្កើតឬរចនាតាមរយៈបទពិសោធន៍ដោយផ្ដោតទៅលើស្នូលនៃម៉ាកយីហោរបស់អ្នក។ អ្វីដែលមនុស្សមើលឃើញ មុនគេគឺឡូហ្គោពណ៌និងការរចនាជាចំណុចតែមួយគត់សម្រាប់ពិសោធន៍យីហោដំបូងរបស់អ្នក។ វិធីដែលអ្នកប្រាស្រ័យទាក់ទងជាមួយអ្នកទិញ ពាក្យដែលអ្នកជ្រើសរើស និងសំឡេងដែលអ្នកបង្ហាញ គឺជាសមាសធាតុទាំងអស់នៃម៉ាកយីហោរបស់អ្នកដូចគ្នា។

២. សម្លឹងមើលការប្រកួតប្រជែង

ប្រសិនបើអ្នកកំពុងគិតអំពីវិធីចង់ធ្វើដូច Apple ឬ Nike គឺពិបាកបន្តិចហើយ ព្រោះគេមានកាលវិភាគទីផ្សារនិងយុទ្ធសាស្ត្ររបស់គេ។ តែបើអ្នកចង់ធ្វើឱ្យខុសគ្នាក្នុងការប្រកួតប្រជែងដោយមានចក្ខុវិស័យសម្រាប់ការច្នៃប្រឌិតរបស់ខ្លួនឯង ត្រូវគិតឲ្យច្បាស់។ កុំគ្រាន់តែចង់បានដោយការងប់ងុលឬគ្រាន់តែក្លាយជាកីឡាករមួយរូបត្រូវរៀនធ្វើឱ្យហ្គេមក្លាយជារបស់អ្នក។ ប្រើចំណេះដឹងរបស់អ្នកប្រកួតប្រជែងដើម្បីផលប្រយោជន៍ផ្ទាល់ខ្លួន។ ជំនួសឱ្យការចម្លងតាមគេពីរបៀបដែលពួកគេបានដើរមុនយើងសូមសួរខ្លួនឯងថាហេតុអ្វីបានជាជោគជ័យតែងស្ថិតលើដៃរបស់ពួកគេ។តើមានគោលការណ៍អ្វីនៅពីក្រោយការអនុវត្តល្អបំផុតរបស់ពួកគេ?

នៅពេលដែលអ្នកបានរកឃើញចំណុចសំខាន់ៗនៃយុទ្ធសាស្ត្រយីហោរបស់ពួកគេសូមសម្របខ្លួនវាទៅនឹងការអនុវត្តអាជីវកម្មផ្ទាល់ខ្លួនរបស់អ្នកនិងបន្ថែមលក្ខណៈផ្ទាល់ខ្លួនអ្វីដែលជារបស់យើង អ្វីដែលធ្វើឱ្យយើងប្លែក។ ស្រាវជ្រាវមើលថាតើចំណុចខ្សោយនិងចំណុចខ្លាំងរបស់គូប្រកួតប្រជែងយើងមានអ្វីខ្លះ? ដើម្បីងាយស្រួលចាប់ផ្ដើមអនុវត្តលើអាជីវកម្មរបស់យើង។

៣. កង្វះការវិនិយោគ

សម្រាប់អាជីវកម្មថ្មី ថ្លៃដើមនៃយីហោនិងទីផ្សារអាចនឹងលើសលប់ នេះជាការពិត ជាពិសេសសម្រាប់អាជីវកម្មខ្នាតតូចដែលផ្ដោតលើការទទួលបានផលចំណេញក្នុងរយៈពេលខ្លី។ ប៉ុន្តែតើអ្នកដឹងទេថាស្លាកយីហោដែលមានអតិថិជនស្គាល់ច្រើនអាចជាវិធីងាយស្រួលបំផុតដើម្បីចាប់ផ្ដើមអាជីវកម្ម។

យើងទាំងអស់គ្នាដឹងថាចង់កសាងយីហោមួយគឺត្រូវការពេលវេលារហូតដល់រាប់ឆ្នាំ ប៉ុន្តែវាត្រូវការពេលតែប៉ុន្មានវិនាទីប៉ុណ្ណោះ សម្រាប់ឲ្យអតិថិជនបានដឹងថាអ្នកមានយីហោថោកគ្មានសុវត្ថិភាពសម្រាប់ពួកគេ។

នៅពេលដែលអ្នកពិតជាស្រលាញ់និងគោរពនូវអ្វីដែលខ្លួនកំពុងធ្វើនោះ អ្នកនឹងទទួលបានមកវិញនូវជំហានជោគជ័យ ហើយហានិភ័យសម្រាប់យីហោអាជីវកម្មគឺមានតិចតួច។

អ្វីដែលអ្នកដាក់គឺជាអ្វីដែលអ្នកនឹងទទួលបានដែរ ហើយវានឹងបង្ហាញយ៉ាងច្បាស់ប្រសិនបើអ្នកកំពុងផ្ដល់ប្រាក់ខែដល់បុគ្គលិករបស់អ្នក។

នៅពេលបង្កើតយីហោដែលធ្វើអឲ្យអតិថិជនចងចាំពីអ្នក គឺមិនអាចប្រើផ្លូវកាត់បានទេ។ អ្នកត្រូវតែរត់ការលើឯកសារនិងអត្តសញ្ញាណយីហោរបស់អ្នកទៅគ្រប់ផ្នែកនៃអាជីវកម្មរបស់អ្នក ប្រសិនបើអ្នកចង់ឲ្យវាក្លាយជារឹងមាំទៅថ្ងៃអនាគត នេះជាការវិនិយោគដ៏ធំចម្បង។

វាជាអ្វីដែលមនុស្សនឹងចងចាំអំពីយីហោរបស់អ្នក នៅពេលអ្នកបានរកស៊ីអស់រយៈពេលជាច្រើនឆ្នាំ។

កេរ្តិ៍តំណែល យុទ្ធសាស្ត្រទីផ្សារផលិតផលនិងទំហំក្រុមហ៊ុនអាចផ្លាស់ប្ដូរ ប៉ុន្តែយីហោរបស់អ្នកគឺនឹងនៅជារៀងរហូតតទៅ ៕

ប្រែសម្រួល៖ សាង ស្រីល័ក្ខ

ចុចអាន៖ ៥ គន្លឹះដើម្បីកែលម្អយុទ្ធសាស្ត្រទីផ្សារអាជីវកម្មជោគជ័យ