អាជីព

វិធី ៥ យ៉ាងដើម្បីឲ្យអតិថិជនចងចាំនិងជាប់ចិត្តលើផលិតផលរបស់យើង

បានផុស

៦ years មុន

នៅ

ថ្ងៃចន្ទ ២៥ មករា ២០២១

ដោយ

សាង ស្រីល័ក្ខ

ក្នុងនាមជាម្ចាស់អាជីវកម្ម តែងតែចង់ឲ្យអតិថិជនចងចាំនិងជាប់ចិត្តលើផលិតផលរបស់យើងជាក់ជាមិនខានទេ។

Kpt Plus សូមណែនាំយុទ្ធសាស្ត្រទាំង ៥ នេះ ដើម្បីឲ្យអតិថិជននៅតែចងចាំផលិតផលយើងមិនភ្លេច៖

១. ផ្ញើលិខិតសរសេរដោយដៃទៅពួកគេ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិធីមួយក្នុងចំណោមវិធីងាយនិងមានប្រសិទ្ធភាពបំផុត ដើម្បីបង្ហាញការកោតសរសើរដល់អតិថិជន គឺតាមរយៈការផ្ញើលិខិតសរសេរដោយដៃ។ ពីព្រោះ ការសរសេរលិខិតដោយដៃអាចបង្ហាញពីការវិនិយោគ ការថ្លែងអំណរគុណដ៏សាមញ្ញមួយទៅកាន់ពួកគេ ។ ហើយក៏បង្កើតនូវពាក្យសំដីនិងបង្កើនការចូលរួម និងរក្សាអតិថិជនឲ្យមិនអាចងាកចេញបាន។ គ្រាន់តែអរគុណអតិថិជនសម្រាប់អាជីវកម្មរបស់ពួកគេ ឬផ្ញើថ្ងៃឈប់សម្រាកឬកាតថ្ងៃកំណើត។

២. ចាប់ផ្តើមកម្មវិធីផ្ដល់ប្រយោជន័ដល់អតិថិជន

មិនចាំបាច់បង្កើតកម្មវិធីផ្ដល់ប្រយោជន័ដល់អតិថិជន ចំណាយរាប់ពាន់ឡើយ។ ផ្ទុយទៅវិញអាចអនុវត្តកម្មវិធីមួយដោយកាតបញ្ចុះតម្លៃលើផលិតផល។

ដូចជាលក់ក្នុងតម្លៃត្រឹមតែ ២០ ដុល្លារ អតិថិជនអាចក្លាយជាសមាជិកពេញមួយជីវិត។ ជាការតបស្នងឲ្យពួកគេទទួលបាន ១០% ត្រឡប់មកវិញ លើការទិញ ដែលមានសិទ្ធិនិងទទួលបានការលក់សម្រាប់តែសមាជិកជាដើម។

៣. ស្ដាប់យោបល់អតិថិជន

និយាយឲ្យខ្លីម្ចាស់អាជីវកម្មត្រូវសាកល្បងដើម្បីមើលថា តើគួរយកចិត្តទុកដាក់លើការស្ដាប់យោបល់អតិថិជនរបៀបម៉េច។

ត្រូវស្វែងយល់ពីអ្វីដែលជាកង្វល់របស់ពួកគេ សួរសំណួរផ្ដោតអារម្មណ៍ កត់ចំណាំនិងចង់ដឹងអំពីពួកគេជានិច្ច។

៤. ភ្ជាប់ជាមួយអតិថិជនក្នុងពេលមានវិបត្តិ

កុំភ្លេចថាអតិថិជនក៏ជាមនុស្សដែលជួបប្រទះការថយក្រោយម្ដងម្កាលដូចយើងដែរ។ ពួកគេអាចប្រឈមនឹងភាពមិនប្រាកដប្រជាផ្នែកហិរញ្ញវត្ថុ ឬពួកគេកំពុងថែរក្សាសុខភាពនិងសុខុមាលភាពជាដើម។ រកវិធីដើម្បីផ្ដល់កម្លាំងចិត្តជាមួយពួកគេ ក្នុងពេលមានភាពច្របូកច្របល់ទាំងនេះ។

ជម្រើសល្អគឺធ្វើឲ្យពួកគេភ្ញាក់ផ្អើលជាមួយនឹងកញ្ចប់ថែរក្សាមួយ ដែលរួមមានកាតអំណោយវត្ថុថែរក្សាខ្លួនឯង អាហារសម្រន់ដែលមានសុខភាពល្អ ឬសៀវភៅដែលយើងជឿថាពួកគេពេញចិត្ត។

៥. អបអរសាទរជោគជ័យរបស់ពួកគេ

ប្រសិនបើអតិថិជនរបស់ធ្វើអ្វីមួយអស្ចារ្យ ឬឈានដល់ចំណុចសំខាន់សូមអបអរសាទរពួកគេ។ យើងមិនអាចធ្វើខុសដោយផ្ញើកំណត់ហេតុសរសេរដោយដៃបានឡើយ។ តែយើងអាចផ្ដល់ឲ្យពួកគេលើបណ្ដាញសង្គមរបស់យើង ឬនៅក្នុងព្រឹត្តិបត្រក្រុមហ៊ុនរបស់យើងក៏បាន៕

ប្រែសម្រួល ៖ សាង ស្រីល័ក្ខ

ប្រភព ៖ forbes

ចុចអាន៖ដោះស្រាយជាមួយចៅហ្វាយនាយពូកែបញ្ជាក្រៅតួនាទីនិងមិនដឹងម៉ោងពេល

ចុចអាន៖ចង់ធ្វើថៅកែគេនឹងពិបាក បើមិនចេះជំនាញបឋមទាំងបួននេះសិន