Tachyphylaxis គឺជាស្ថានភាពស្បែកស៊ាំនឹងគ្រឿងផ្សំសកម្មៗ ធ្វើឲ្យស្បែកលែងទទួលបានលទ្ធផលដូចពេលប្រើដំបូង ហើយគ្រឿងផ្សំទាំងនោះមានដូចជា គ្រីមស្ទេរ៉ូអ៊ីត retinol និងអាស៊ីត salicylic ។ 

ជាទូទៅ គ្រូពេទ្យសើរស្បែកធ្វើការណែនាំឲ្យអ្នកប្រើប្រាស់សារធាតុសកម្មដំបូងៗតិចៗដើម្បីសម្របស្បែកទៅនឹងធាតុផ្សំទាំងនោះ។ ផ្ទុយទៅវិញអ្នកជំនាញសើរស្បែក Debbie Thomas គាត់និយាយថា ផលិតផលបាត់បង់ប្រសិទ្ធិភាពដោយសារស្បែកស៊ាំមិនទទួលយកទៀត ។

ប្រៀបបានដូចជាថ្នាំដែរ ផឹកយូៗទៅក៏លែងត្រូវដោយប្រការណាមួយ ប៉ុន្តែមិនមានន័យថាស្បែកមុខអ្នកខូចនោះទេ ។ ខណៈស្បែកមុខទាមទារឲ្យមានការផ្លាស់ប្ដូរផលិតផល អ្នកគប្បីធ្វើការស្រាវជ្រាវជាមុនសិន ជៀសវាងការពុលស្បែកមុខ ទោះបីជាផលិតផលនោះជាផលិតផលសុទ្ធ ហើយថ្លៃក៏ដោយ។ ជាមួយគ្នានេះដែរ ការប្រើប្រាស់ឡេការពារម្ដៅថ្ងៃ កុំរំលងឲ្យសោះ ព្រោះថាវាក៏ជាកត្តាជំរុះប្រសិទ្ធិភាពរបស់ផលិតផលដែរ បើគ្មានឡេការពារកម្ដៅថ្ងៃទេ គ្រឿងផ្សំដែលប្រើទាំងប៉ុន្មាននឹងរលាយទៅតាមពន្លឺព្រះអាទិត្យ ។

ក្នុងករណីនេះ អ្នកអាចសាកល្បងជម្រុះកោសិកាចាស់ៗចេញ ឬប្ដូរផលិតផលតែម្ដងក៏បានដែរ ។ សូមកុំយល់ច្រឡំថាការប្រើប្រាស់ផលិតផលដូរចុះឡើងប៉ះពាល់ស្បែក ព្រោះផលិតផលខ្លះមិនអាចប្រើត្រូវរហូតទេ យ៉ាងណាក្ដីវាមិនមែនជារឿងគួរឲ្យភ័យបារម្មណ៍ឡើយ ៕

ប្រែសម្រួលដោយ ៖ វារី

ចុចអាន ៖ របៀបផាត់មុខ ១៣ ចំណុច សម្រាប់ស្ត្រីអាយុលើស ៥០ ឆ្នាំ

ចុចអាន ៖ ១០ យ៉ាង គួរដឹង មុនសម្រេចចិត្តប៉ាក់ចិញ្ចើម