Connect with us

សន្តិសុខសង្គម

នគរបាលខេត្តព្រះសីហនុ បង្ក្រាបក្រុមចោរ៨នាក់ រកឃើញម៉ូតូ៦គ្រឿងនិងសម្ភារៈមួយចំនួន

បានផុស

នៅ

កម្លាំងការិយាល័យ​នគរបាល​ព្រហ្មទណ្ឌ​កម្រិត​ស្រាល នៃស្នងការដ្ឋាននគរបាលខេត្តព្រះសីហនុ បានធ្វើ​ការ​បង្ក្រាបក្រុមចោរលួចម៉ូតូ និងអ្នកទទួលផលចោរកម្មសរុបចំនួន៨នាក់ រួមទាំងរកឃើញ​ម៉ូតូ​ចំនួន​៦គ្រឿង និងសម្ភារៈមួនចំនួនទៀត។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា កាលពីថ្ងៃទី​១៩ ខែធ្នូ ឆ្នាំ២០២១ វេលា​ម៉ោង០៩និង​០០​នាទី ការិយាល័យ​នគរបាល​ព្រហ្មទណ្ឌ​កម្រិត​ស្រាល​ បានទទួល​បណ្តឹង​ពី​ប្រជាពលរដ្ឋ​ម្នា​ក់ថា ខ្លួន​បាន​បាត់​ម៉ូតូ១​គ្រឿង ZOOMER X ឆ្នាំ​២០១៨ ពណ៌​ស្វាយ ពាក់​ស្លាក​លេខ ព្រះសីហនុ 1G-6945 ដែល​ចត​ទុក​នៅមុខ​បន្ទប់​ជួល ស្ថិតនៅក្រុមទី​១៩ ភូមិ​៥ សង្កាត់​៤ ក្រុង​-​ខេត្ត​ព្រះសីហនុ ។​

បន្ទាប់ពី​ទទួល​បណ្តឹង កម្លាំង​ជំនាញ​ផែន​ការងារ​ព្រហ្មទណ្ឌ​ធ្វើការ​ស្រាវជ្រាវ​យ៉ាង​យកចិត្តទុកដាក់ រហូត​ឈានដល់​ការឃាត់ខ្លួន​ជនសង្ស័យ​បាន​ចំនួន០៨​នាក់ជា​បន្តបន្ទាប់ ក្នុងនោះ​មាន​ជនសង្ស័យ​ចំនួន៦​នាក់ពាក់ព័ន្ធ​ករណីលួច​កាច់​បំបែក​សោ​រក​ម៉ូតូ ចំណែក​២​នាក់​ទៀត ពាក់ព័ន្ធករណីទទួល​ផល​ចោរកម្ម​។

សមត្ថកិច្ចបានបញ្ជាក់ថា ជនរងគ្រោះ​ឈ្មោះ សៀង ចាន់​ដា ភេទ​ប្រុស អាយុ ២៧​ឆ្នាំ ជនជាតិខ្មែរ មុខរបរ ចុងភៅ មាន​ទីលំនៅ ភូមិ​៥ សង្កាត់​៤ ក្រុង​-​ខេត្ត​ព្រះសីហនុ បាត់ម៉ូតូ១​គ្រឿង ម៉ាក ZOOMER X ស៊េរី​ឆ្នាំ​២០១៨ ពណ៌​ស្វាយ ពាក់​ស្លាក​លេខ ព្រះសីហនុ 1G-6945 ។​

ក្នុងប្រតិបត្តិការបង្ក្រាបនេះ កម្លាំងបានដកហូតម៉ូតូ​ចំនួន៦​គ្រឿង ម៉ាក ZOOMER X ៤​គ្រឿង​, ម៉ាក HONDA ICON ១​គ្រឿង និង SUZUKI MIO ១​គ្រឿង​ ស្លាក​លេខ​ម៉ូតូចំនួន១២សន្លឹក កញ្ចក់​ម៉ូតូ១​គូ​, -​កាង​ម៉ូតូ ១ ។​

ក្នុងករណីនេះ ស្នងការដ្ឋាន​នគរបាល​ខេត្ត​ព្រះសីហនុ សូម​ជូន​ព័ត៌មាន​ដល់​ជនរងគ្រោះ​ដែល​បាត់​ម៉ូតូ រួសរាន់​មក​ពិនិត្យ​ម៉ូតូ​ដែល​សមត្ថកិច្ច​ដកហូត​បាន​នៅ​ការិយាល័យ​ព្រហ្មទណ្ឌ​កម្រិត​ស្រាល។ ចំណែក​ជនសង្ស័យទាំង៨នាក់ កម្លាំង​ជំនាញ​កសាង​សំណុំរឿង​បញ្ជូន​អនុវត្ត​បន្ត​តាម​នីតិវិធី ៕

​អត្ថបទ៖ សុខុម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១០ នាទី មុន

ម្ដាយ Weir បង្ហាញមុខគូស្នេហ៍ថ្មីរបស់កូនប្រុស មហាជនសង្ស័យមានដំណឹងល្អឆាប់ៗ

ព័ត៌មានជាតិ១ ម៉ោង មុន

លោក ស៊ី ជីន​ពីង អញ្ជើញ​សម្តេច​តេ​ជោ ហ៊ុន សែន ចូលរួម​កិច្ច​សន្ទនា​ជាន់ខ្ពស់ ស្តីពី​ការអភិវឌ្ឍន៍​សកល​

ជីវិតកម្សាន្ដ២ ម៉ោង មុន

Kim ឆ្លើយតបពាក្យចចាមអារ៉ាមថានាងធ្វើរហែករ៉ូបតម្លៃជិត ៥លានដុល្លារ

សន្តិសុខសង្គម៣ ម៉ោង មុន

ចាប់​បាន​ខ្មាំង​កាំភ្លើង​ និង​ជនសង្ស័យ​ជួញដូរ​អាវុធ​ រួម​នឹង​បក្ខពួក​ស្រីប្រុស​សរុប៦នាក់

ព័ត៌មានជាតិ៣ ម៉ោង មុន

​ថ្ងៃទី​២៨ ខែមិថុនា​ ​រដ្ឋបាល​រាជធានី​នឹង​បញ្ចៀស​ចរាចរ​យានយន្ត​គ្រប់​ប្រភេទ លើ​កំណាត់​មហាវិថី​ព្រះ​នរោត្តម​ចាប់ពី​ស្តុ​ប​ជលផល​ដល់ស្ពាន​អាកាស​ក្បាលថ្នល់

Sokha Hotels

ព័ត៌មានពេញនិយម