សន្តិសុខសង្គម
សមត្ថកិច្ចត្រៀមបញ្ជូនម្ចាស់ខារ៉ាអូខេ និងបក្ខពួកទៅតុលាការ ពាក់ព័ន្ធករណីគ្រឿងញៀន
ម្ចាស់ក្លឹបខារ៉ាអូខេយីហោ”សាច់អាំងរតន:”ម្នាក់រួមនឹងបក្ខពួកម្នាក់ទៀតសមត្ថកិច្ចនៃការិយាល័យជំនាញនៃស្នង
ការខេត្តត្រៀមបញ្ជូនទៅតុលាការនៅរសៀលថ្ងៃទី២៦ ខែមេសានេះ។
លោកវរសេនីយ៍ឯក សុខ និមល នាយការិយាល័យប្រឆាំងគ្រឿងញៀនស្នងការដ្ឋាននគរបាលខេត្តបាត់ដំបង បានប្រាប់ឲ្យដឹងថា ក្រោយការសាកសួរលំអិតលើបុរសស្ត្រីចំនួន២១នាក់ សមត្ថកិច្ចជំនាញបានកំណត់មុខសញ្ញាល្មើសចំនួន២នាក់ពាក់ព័ន្ធផ្ទាល់ក្នុងករណីរក្សាទុក និងជួញដូរគ្រឿងញៀននៅក្នុងក្លឹបខារ៉ាអូខេ សាច់អាំងរតន: ភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង ហើយនឹងនាំខ្លួនបញ្ជូនទៅសាលាដំបូងខេត្តបាត់ដំបង នៅរសៀលថ្ងៃទី២៦ ខែមេសានេះ។ ចំណែកបុរសស្ត្រីចំនួន១៩នាក់ផ្សេងទៀត ដែលជាប់ពាក់ព័ន្ធប្រយោលត្រូវនគរបាលជំនាញអនុវត្តវិធានការអប់រំណែនាំ និងធ្វើកិច្ចសន្យាបញ្ឍប់រួចឲ្យវិលត្រឡប់ទៅកាន់លំនៅដ្ឋានរៀងៗខ្លួនវិញ។
ជនសង្ស័យពាក់ព័ន្ធផ្ទាល់ទាំង២នាក់ខាងដើមឈ្មោះ ធុន សុភ័ក្រ្ត ភេទប្រុស អាយុ៤២ឆ្នាំ រស់នៅក្នុងភូមិ១៣មករាសង្កាត់ព្រែកព្រះស្តេច ក្រុងបាត់ដំបង ជាមេកា និងជាអ្នកជួញដូររក្សាទុកគ្រឿងញៀនផ្ទាល់ និងម្នាក់ទៀតឈ្មោះ ជា សុខមុន្នី ភេទប្រុស អាយុ៣៤ឆ្នាំ មានទីលំនៅភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង ជាថៅកែជួលទីតាំងធ្វើអាជីវកម្មខារ៉ាអូខេ។
សមត្ថកិច្ចការិយាល័យជំនាញបន្តថា ក្នុងប្រតិបត្តិការបង្ក្រាបកម្លាំងចម្រុះដកហូតបាននូវវត្ថុតាងរួមមាន:ថ្នាំញៀនប្រភេទកេតាមីនKETAMINEចំនួន៣ថង់ទម្ងន់២,៧៧ក្រាម និងថ្នាំញៀនប្រភេទអ៊ុចស្តាស៊ីMDMAចំនួន៣គ្រាប់ទម្ងន់១,១១ក្រាមព្រមទាំងរថយន្តមួយគ្រឿងផងដែរម៉ាកកាម៉ារីឆ្លាមពណ៌ឆ្លូញពាក់ស្លាកលេខភ្នំពេញ២L.២៥០១។
ករណីនេះ ត្រូវបានសមត្ថកិច្ចជំនាញបំបែកសំណុំរឿងកាលពីជិតរំលងអាធ្រាតថ្ងៃទី២៤ ឈានចូលថ្ងៃទី២៥ ខែមេសាឆ្នាំ២០២២ ត្រង់ចំណុចភូមិឃុំកើតហេតុខាងលើ ក្រោយបានកំណត់មុខសញ្ញាបទល្មើសយ៉ាងច្បាស់លាស់រួចមក៕
អត្ថបទ៖ សៅ សារិទ្ធ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល